यर्मिया 36:11 - नेवाः बाइबल

¹¹ शापानया छय् व गमर्याहया काय् मीकायां उगु भ्‍वँतय् च्‍वयातःगु परमप्रभुयागु फुक्‍क वचन न्‍यन।

यर्मिया 36:11 Referans Kwoze

यर्मिया 36:10

अले च्‍वय्‌यागु चुकय् परमप्रभुया देगःया न्‍हूगु मू ध्‍वाखाय् दुगु छ्यान्‍जे शापानया काय् गमर्याहया क्‍वथाय् बारूकं थूतुलातःगु भ्‍वँतं देगलय् दुपिं सकलें मनूतय्‌त यर्मियायागु फुक्‍क खँ ब्‍वना न्‍यंकल।

२ इतिहास 34:20

वं हिल्‍कियाह, शापानया काय् अहीकाम, मीकाया काय् अब्‍दोन, छ्यान्‍जे शापान व जुजुयात सल्‍लाह बीम्‍ह असायाहयात थथे धाल,

२ राजा 25:22

बेबिलोनयाम्‍ह जुजु नबूकदनेसरं शापानया छय्, अहीकामया काय् गदल्‍याहयात यहूदाय् थःम्‍हं त्‍वःताथकूपिं मनूतय् शासक ल्‍यल।

यर्मिया 36:13

बारूकं भ्‍वँया थुलं मनूतय्‌त ब्‍वनान्‍यंकूगु फुक्‍क खँ मीकायां इमित धाये धुंकाः

२ राजा 22:3

थः जुजु जूगु झिंच्‍यागूगु दँय् योशियाह जुजुं मशुल्‍लामया छय्, असल्‍याहया काय् छ्यान्‍जे शापानयात थथे धयाः परमप्रभुया देगलय् छ्वत,

यर्मिया 26:24

तर शापानया काय् अहीकाम यर्मियाया पंलित। उकिं वयात स्‍यायेत इमिसं मनूतय्‌गु ल्‍हातय् मब्‍यू।