यर्मिया 34:7 - नेवाः बाइबल

⁷ अबलय् बेबिलोनयाम्‍ह जुजुया सेना धाःसा यरूशलेम व त्‍याकेमानीगु यहूदाया मेगु शहरत लाकीश व आजेकालिसें लडाइँ यानाच्‍वंगु खः। यहूदाया पखालं ग्‍वयातःगु शहरत मध्‍ये थुपिं निगू जक ल्‍यनाच्‍वंगु खः।

यर्मिया 34:7 Referans Kwoze

यहोशू 10:3

उकिं यरूशलेमयाम्‍ह जुजु अदोनिसेदेकं हेब्रोनयाम्‍ह जुजु होहाम, यर्मूतयाम्‍ह जुजु पिराम, लाकीशयाम्‍ह जुजु यापी व एग्‍लोनयाम्‍ह जुजु दबीरयात थथे धाय्‌के छ्वत,

यर्मिया 4:5

“यहूदाय् थ्‍व न्‍यंकि, यरूशलेमय् थ्‍व च्‍वय्‌कि, ‘देशन्‍यंक तुरही पु!’ तःसलं हालाः धा, ‘छथाय् मुं! झीपिं छचाःखेरं पःखाः ग्‍वयातःगु शहरय् बिस्‍युं वनेनु।’

यहोशू 15:35

यर्मूत, अदुल्‍लाम, सोको, आजेका,

मीका 1:13

हे लाकीशय् च्‍वंपिं मनूत, छिमिसं सलत रथय् च्‍यु। म्‍ह्याय् सियोनया पापया शुरु छिपिं हे खः। छाय्‌धाःसा इस्राएलया अपराधत छिमिके हे लुत।

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 11:12

अले यहूदा व यरूशलेमयापिं मनूतय्‌सं थःपिन्‍सं बलि छाःम्‍ह द्यःतय्‌त सःती। तर विपत्तिया इलय् उपिं द्यःतय्‌सं इमित बचय् याये फइ मखु।

यर्मिया 8:14

यहूदाया मनूतय्‌सं थथे धाइ, झीपिं थन छाय् सुम्‍क च्‍वंच्‍वनागु? छथाय् मुनेनु। झीपिं छचाःखेरं पःखाः ग्‍वयातःगु शहरय् दुहां वनेनु, अले अन नाश जुयेनु। छाय्‌धाःसा परमप्रभु झी परमेश्‍वरं झी नाश जुइ धकाः धयादीगु दु। अले त्‍वनेत झीत बिख दुगु लः बियादीगु दु। छाय्‌धाःसा झीसं वय्‌कःया विरोधय् पाप यानागु दु।

२ इतिहास 27:4

वं यहूदाया डाँडा डाँडाय् शहरत दय्‌कल अले गुँदुगु थाय् थासय् किल्‍ला व धरहरा दय्‌कल।

२ राजा 19:8

अश्‍शूरी जुजु लाकीशं वनाः लिब्‍नालिसें लडाइँ यानाच्‍वंगु दु धइगु खँ सेनापतिं न्‍यन, उकिं व अन वन।

यहोशू 15:39

लाकीश, बोस्‍कत, एग्‍लोन,

यहोशू 12:11

यर्मूतयाम्‍ह जुजु छम्‍ह, लाकीशयाम्‍ह जुजु छम्‍ह,

व्‍यवस्‍था 28:52

छिमिगु फुक्‍क शहरयात इमिसं घेरय्‌ याइ। अले छिमिसं भलसा तःगु देश न्‍यंकया ततःजाःगु पखाः इमिसं थुनाबी। परमप्रभु छिमि परमेश्‍वरं बियादीत्‍यंगु देशन्‍यंक शहर शहरय् छिमित घेरय्‌ याइ।

यहोशू 10:5

अथे जुयाः यरूशलेम, हेब्रोन, यर्मूत, लाकीश व एग्‍लोनयापिं न्‍याम्‍हं एमोरी जुजुपिन्‍सं थथःगु फुक्‍क सेना छथाय् मुंकाः गिबोनलिसें ल्‍वाः वन।

२ राजा 14:19

इमिसं यरूशलेमय् वयागु विरोधय् जाः ग्‍वल। अले व लाकीशय् बिस्‍युं वन। अय्‌नं इमिसं अन नं मनूत छ्वल अले वयात अन हेस्‍यात।

यशैया 36:2

अश्‍शूरयाम्‍ह जुजुं हमला यायेत कप्‍तानयात छगू तःधंगु सेना बियाः लाकीशं यरूशलेमय् हिजकियायाथाय् छ्वत। यरूशलेमय् थ्‍यंकः वयाः व धोबितय्‌गु बुँइ वनीगु च्‍वय् लाःगु पुखूया धः लिक्‍कयागु लँय् दित।