यर्मिया 34:1 - नेवाः बाइबल

¹ बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 34:1 Referans Kwoze

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यर्मिया 32:2

उबलय् बेबिलोनया जुजुया सेनां यरूशलेमयात घेरय् यानातःगु खः, यर्मिया अगमवक्तायात धाःसा यहूदाया जुजुपिनि दरबारय् पिवाःया चुकय् कुनातःगु खः।

दानिएल 5:19

अले परमेश्‍वरं वय्‌कःयात तःधंकादीगुलिं जाति जातियापिं, देश देशयापिं, अले थीथी भाय् ल्‍हाइपिं मनूत वय्‌कः खनाः ग्‍याइगु व थुरथुर खाइगु। वय्‌कलं सुयात स्‍याये मास्‍ति वय्‌कादी वयात स्‍यानादी, सुयात म्‍वाकातये मास्‍ति वय्‌कादी वयात म्‍वाःका तयादी। सुं मनूयात हनाबना यायेगु व क्‍वह्यंकेगु वय्‌कःया ल्‍हातय् दु।

दानिएल 4:22

हे महाराज, व सिमा छःपिं हे खः! छःपिं थाहां झायाः आकाश तक हे थ्‍यंम्‍ह तःधंम्‍ह मनू जुयादीगु दु। अले छःपिनिगु बल संसार न्‍यंक न्‍यनावंगु दु।

दानिएल 4:1

नबूकदनेसर जुजुं संसारया जाति जाति, देश देश व थीथी भाय् ल्‍हाइपिं मनूतय्‌थाय् थ्‍व बुखँ छ्वत– छिमिगु भिं जुइमा!

यर्मिया 34:7

अबलय् बेबिलोनयाम्‍ह जुजुया सेना धाःसा यरूशलेम व त्‍याकेमानीगु यहूदाया मेगु शहरत लाकीश व आजेकालिसें लडाइँ यानाच्‍वंगु खः। यहूदाया पखालं ग्‍वयातःगु शहरत मध्‍ये थुपिं निगू जक ल्‍यनाच्‍वंगु खः।

यर्मिया 21:2

“जिमिगु निंतिं आः परमप्रभुयाके न्‍यनादिसँ, छाय्‌धाःसा बेबिलोनया जुजु नबूकदनेसरं जिमित हमला यानाच्‍वंगु दु। न्‍हापा न्‍हापा परमप्रभुं झीगु निंतिं अजू चायापुगु ज्‍या यानादीगु थें आः नं यानादी ला? गुकिं यानाः व झीथासं लिहांवनी ला।”

यर्मिया 32:1

यहूदाया जुजु सिदकियाहं राज्‍य यानाच्‍वंगु झिगूगु दँय्, थ्‍व नबूकदनेसर जुजु जूगु झिंच्‍यागूगु दँ खः, परमप्रभुपाखें यर्मियायाथाय् वःगु वचन थ्‍व हे खः।