यर्मिया 33:6 - नेवाः बाइबल

⁶ “‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

यर्मिया 33:6 Referans Kwoze

यूहन्‍ना 10:10

खुँ खुइत, स्‍यंकेत व स्‍यायेत जक वइ। तर जि इमित जीवन दयेमा, अले व यक्‍व जीवन दयेमा धकाः वयागु खः।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

भजनसंग्रहया सफू 67:2

छिगु लँपुइ पृथ्‍वीइ च्‍वंपिं फुक्‍कं जुइफयेमा। छिगु उद्धारया शक्ति फुक्‍क जातियापिन्‍सं सीमा।

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

१ पत्रुस 1:3

झी प्रभु येशू ख्रीष्‍टया बाः परमेश्‍वर न्‍ह्याबलें तःधनेमा। वय्‌कलं झीत दया माया यानाः सी धुंकूम्‍ह येशू ख्रीष्‍टयात म्‍वाकाः झीत तसकं तःधंगु व म्‍वानाच्‍वंगु आशाया निंतिं न्‍हूगु जीवन बियादिल।

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

होशे 7:1

जिं इस्राएलयात लाय्‌काबीबलय् एफ्राइमया दुष्‍टता, व सामरियाया दुष्‍ट ज्‍या खनेदः वइ। इमिसं मेपिन्‍त ध्‍वंलानां तुं च्‍वनी खुँतय्‌सं छेँ स्‍यंकी, खुयायंकी, डाँखुतय्‌सं लँय् लुतय् याइ।

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

मीका 4:3

वय्‌कलं यक्‍व जातितय्‌गु दथुइ न्‍याय यानादी। अले तातापाक च्‍वंपिं बल्‍लाःगु जातितय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फली व भालायात मुगलं दायाः ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 2:4

वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

भजनसंग्रहया सफू 37:11

क्‍वमिलुपिन्‍सं धाःसा देशय् अधिकार याइ, अले इमित तःधंगु सुख शान्‍ति दइ।

व्‍यवस्‍था 32:39

“जि छम्‍ह हे जक परमेश्‍वर खः। जि बाहेक मेम्‍ह सुं द्यः मदु। जिं हे मृत्‍यु बी, जिं हे जीवन बी। जिं घाः याये, जिं हे लाय्‌काबी, जिं यानागु ज्‍यायात सुनानं पने फइ मखु।

एफिसी 6:23

दाजुकिजापिं, फुक्‍कसितं परमेश्‍वर बाः व प्रभु येशू ख्रीष्‍टपाखें शान्‍ति, दया माया व विश्‍वास दयाच्‍वनेमा।

भजनसंग्रहया सफू 72:7

वं राज्‍य यातले धर्मीत च्‍वन्‍ह्याना च्‍वनेमा। गुबलय् तक तिमिला दयाच्‍वनी, उबलय्‌तक शान्‍ति जुयाच्‍वनेमा।

प्रस्‍थान 34:6

अनंलि परमप्रभु वया न्‍ह्यःने झायाः थथे धकाः धयादिल, “परमप्रभु, परमप्रभु दयादुम्‍ह, सदां दयामाया यानादीम्‍ह, तंचायेत लिबाकादीम्‍ह व तसकं विश्‍वास याये बहःम्‍ह खः।

यशैया 39:8

हिजकियां यशैयायात लिसः बिल, “छिं धयादीगु परमप्रभुया वचन बांलाः।” छाय्‌धाःसा वं बिचाः यात, “जि म्‍वानाच्‍वंतले शान्‍ति व सुरक्षा दइगु जूसा थ्‍व बां हे लाः?”

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

भजनसंग्रहया सफू 147:3

वय्‌कलं नुगः क्‍वतुंपिन्‍त लाय्‌कादी, अले इमिगु घालय् पट्टी चिनादी।

उपदेशक 3:3

स्‍यायेगु छगू ई दु, लाय्‌केगु छगू ई दु। थुनेगु छगू ई दु, दय्‌केगु छगू ई दु।

यशैया 57:18

जिं इमिगु पहःचहः खनागु दु, अय्‌नं जिं इमित लंकाबी। जिं इमित यंके, अले हाकनं दुखं च्‍वनीपिन्‍त सान्‍त्‍वना बी।

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

मीका 7:20

यक्‍व दँ न्‍ह्यः छिं पाफयाः जिमि पुर्खातय्‌त बचं बियादीगु थें याकूबपाखे छि विश्‍वास यायेबहः जुयादी, अले अब्राहामयात दयामाया यानादी।