यर्मिया 33:4 - नेवाः बाइबल

⁴ छाय्‌धाःसा छिमिसं द्वम्‍बःचात व तरवारया विरोधय् पःखाःयात बल्‍लाकेगु लागिं धलिं व ल्‍वहं कायेत थुंगु थ्‍व शहरया छेँत व यहूदाया जुजुपिनिगु दरबारयागु बारे परमप्रभु इस्राएलया परमेश्‍वरं धयादी,

यर्मिया 33:4 Referans Kwoze

हबकूक 1:10

इमिसं जुजुतय्‌त गिजय् याइ अले शासकतय्‌त हेस्‍याइ। किल्‍ला दुगु दक्‍व शहरत खनाः इपिं न्‍हिली, चायागु द्वम्‍बःचात दय्‌काः इमिसं व त्‍याकाकाइ।

इजकिएल 4:2

अनंलि उकियात घेरय् या! उकिया प्‍यखेरं चा व ल्‍वहं द्वँचिंकाः द्वम्‍बःचा दय्‌कि! उकियागु न्‍ह्यःने छाउनी दय्‌कि! पःखाः तछ्याइगु ततग्‍वःगु धलिंत ति!

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

इजकिएल 21:22

पःखाः तछ्याइगु ततग्‍वःगु धलिंत तयेत, तसलं स्‍याये पालेत आज्ञा बीत, लडाइँया सः न्‍यंकेत, ध्‍वाखा तछ्यायेत तग्‍वःगु धलिं तयेत, द्वम्‍बःचा थकायेत व घेरय् याइगु चाया पःखाः दय्‌केत वयागु जव ल्‍हातय् यरूशलेमया चिट्ठा लाइ।

इजकिएल 26:8

वं देशया मू भागया बस्‍ती बस्‍तीइ च्‍वंपिं मनूतय्‌त तरवारं स्‍याइ। वं छंगु विरोधय् चा व ल्‍वहं द्वंचिकाः द्वम्‍बःचा दय्‌काः छन्‍त हमला याइ अले ढालत ल्‍ह्वनी।

यशैया 32:13

अले जिमि मनूतय्‌गु जमिनय् कंमा व झाःया निंतिं ख्‍वः। खः, लसतां जाःगु फुक्‍क छेँया निंतिं थ्‍व न्‍ह्याइपुगु शहरया निंतिं विलाप या।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यर्मिया 6:6

दक्‍व शक्ति दुम्‍ह परमप्रभुं थथे धयादी, “यरूशलेमया सिमा पालाः पःखाः लिक्‍क घेरय् याइगु द्वम्‍बचात दय्‌कि! जिं थ्‍व शहरयात सजाँय बी छाय्‌धाःसा थन अत्‍याचार हे अत्‍याचार दु।

विलाप 2:7

परमप्रभुं थःगु वेदीयात मनंनिसें त्‍वःतादीगु दु, थःगु पवित्र थाय्‌यात त्‍वःतादीगु दु। वयागु दरबारतय्‌गु अंगःत तछ्यायेत वय्‌कलं शत्रुतय्‌गु ल्‍हातय् बियादिल। इपिं परमप्रभुया देगलय् हे नखःचखःया दिनय् थें सः थ्‍वय्‌कः हाल।

व्‍यवस्‍था 20:20

फल मसइगु सिमा जक छिमिसं पाले फु। शहर त्‍याका मकातले उपिं सिमा पालाः घेरय्‌ यायेगु ज्‍याय् छ्यले ज्‍यू।

यशैया 22:10

छिमिसं यरूशलेमया छेँत ल्‍याः खात, अले किल्‍लात बल्‍लाकेत छेँत थुनाछव्‌त।