यर्मिया 32:36 - नेवाः बाइबल

³⁶ “तरवार, अनिकाल व महामारीया कारणं थ्‍व शहरयात बेबिलोनया जुजुया ल्‍हातय् बी धकाः छिमिसं थ्‍व शहरया बारे धयाजूगु दु। तर परमप्रभु इस्राएलया परमेश्‍वरं थथे धयादी –

यर्मिया 32:36 Referans Kwoze

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यर्मिया 32:3

यहूदाया जुजु सिदकियाहं वयात थथे धयाः कुनातःगु खः, “छं छाय् थथे धयाः अगमवाणी ल्‍हानागु, ‘परमप्रभुं थथे धयादी – जिं थःम्‍हं हे थ्‍व शहर बेबिलोनया जुजुया ल्‍हातय् बीत्‍यनागु दु, वं थ्‍व का हे काइ।

यर्मिया 32:28

उकिं जि, परमप्रभुं थथे धाये – जिं थःम्‍हं हे थ्‍व शहरयात बेबिलोनीतय्‌गु व बेबिलोनयाम्‍ह जुजु नबूकदनेसरया ल्‍हातय् बीत्‍यनागु दु। वं थ्‍वयात त्‍याकाकाइ।

रोमी 5:20

व्‍यवस्‍थां यानाः पाप अप्‍वः दयावल। अय्‌नं गन पाप यक्‍व दयावल, अन परमेश्‍वरयागु दया माया झन अप्‍वः दत।

होशे 2:14

“अथे जुयाः जिं वयात ह्यय्‌काः हाकनं मरुभूमिइ यंके, अले वलिसें नाइसे च्‍वंक खँ ल्‍हाये।

यर्मिया 32:37

स्‍व! जिं थःम्‍हं हे इमित छु छु देशय् तंमय्‌ जबरजस्‍ती पित छ्वयागु खः अनं इमित लित हयाः थ्‍व हे शहरय् मुंके। जिं इमित याउँक च्‍वनेबी।