यर्मिया 32:15 - नेवाः बाइबल

¹⁵ छाय्‌धाःसा दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – थ्‍व देशय् छेँ, जमिन व दाखक्‍यब हाकनं न्‍याइगु जुइ।’

यर्मिया 32:15 Referans Kwoze

जकरिया 3:10

“‘उखुन्‍हु हे छिपिं सकसिनं थः जलाःखलाःयात थः दाखमा व यःमरिमाया क्‍वय् च्‍वनेत सःती,’ दक्‍व शक्ति दुम्‍ह परमप्रभुं धयादी।”

यर्मिया 30:18

“परमप्रभुं थथे धयादी, “‘जिं थःम्‍हं हे थः प्रजायात इमिगु देशय् लित हये अले फुक्‍क परिवारयात दयामाया याये। शहरयात व नाश जूगु थासय् हे हाकनं दय्‌की। जुजुया दरबार नं हाकनं थःगु थासय् दय्‌की।

यर्मिया 32:37

स्‍व! जिं थःम्‍हं हे इमित छु छु देशय् तंमय्‌ जबरजस्‍ती पित छ्वयागु खः अनं इमित लित हयाः थ्‍व हे शहरय् मुंके। जिं इमित याउँक च्‍वनेबी।

यर्मिया 31:24

यहूदा व उकिया शहरय् बुँज्‍या याइपिं व फैच्‍वलय्‌या बथां ज्‍वनाजुइपिंनापं च्‍वनी।

यर्मिया 31:12

इपिं वयाः सियोनया तज्‍जाःगु थासय् म्‍ये हाली। अले परमप्रभुया दयाया कारणं इपिं लय्‌ताइ। अन्‍न, न्‍हूगु दाखमद्य व चिकं, फैच्‍वलय्‌या मस्‍त व सा द्वहंया मस्‍तय्‌गु कारणं इपिं तसकं लय्‌ताइ। इमिगु जीवन लखं प्‍याःगु क्‍यब थें जुइ। इमित हाकनं गुबलें दुःख जुइ मखु।

यर्मिया 31:5

छं सामरियाया डाँडा डाँडाय् हाकनं दाखमा पी। किसानतय्‌सं दाखमा पी अले उकिया फल नइ।

यशैया 44:26

गुम्‍हय्‌सिनं थः अगमवक्तायागु वचनयात पूवंकादी, अले जूवइतिनिगु खँ धाइम्‍ह थः दूततय्‌गु खँ पूवंकी, “गुम्‍हय्‌सिनं यरूशलेमया बारे धाइ, ‘व शहरय् हाकनं मनूत च्‍वनी’, गुम्‍हय्‌सिनं यहूदाया शहरया बारे धाइ, ‘उपिं हाकनं दय्‌कीगु जुइ’ गुम्‍हय्‌सिनं भज्‍यंक स्‍यंकूगु थाय्‌या बारे धाइ, ‘उपिं हाकनं दय्‌कीगु जुइ’

यर्मिया 32:14

‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – बुँ न्‍यानागुया छाप दुगु व छाप मदुगु थ्‍व निपां भ्‍वँ कयाः लिपाथ्‍यंक सुरक्षित जुयाच्‍वनेमा धकाः थुमित चायागु थलय् तयाब्‍यु।

इजकिएल 28:26

अन इपिं सुरक्षित जुयाः याउँक च्‍वनी, इमिसं छेँ दय्‌की अले दाखक्‍यब दय्‌की। इमित मयय्‌कीपिं सकसितं जिं सजाँय बी, अले इपिं सुरक्षित जुइ। अले इमिसं जि हे परमप्रभु खः धकाः सी।’”

यर्मिया 32:25

अय्‌नं हे परमप्रभु परमेश्‍वर, थ्‍व शहर शत्रुतय्‌गु ल्‍हातय् लायेत्‍यंबलय् हे छिं जितः साक्षीत सःताः वहः बियाः व बुँ न्‍या धकाः धयादिल।”