यर्मिया 30:24 - नेवाः बाइबल

²⁴ थःगु मनय् दुगु इच्‍छा पूमवंतले परमप्रभुया तच्‍वःगु तं क्‍वलाइ मखु। लिपा छिमिसं थ्‍व बांलाक सी।

यर्मिया 30:24 Referans Kwoze

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

मीका 4:1

लिपांगु न्‍हिइ परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले मनूत अन मूंवइ।

इजकिएल 38:16

गथे सुपाँचं जमिनयात त्‍वपुइ, अथे हे छं जिगु जाति इस्राएलया देशय् हमला याइ। उकिं हे गोग, लिपा वइगु इलय् जिं थःत छपाखें इमिगु मिखाया न्‍ह्यःने पवित्र क्‍यनीबलय् जातितय्‌सं जितः सीमा धकाः जिं छन्‍त जिगु देशया विरोधय् हये।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

दानिएल 10:14

छिमि जातियापिं मनूतय्‌त लिपा छु जुइ धइगु खँ छन्‍त थुइकेत जि वयागु दु। छाय्‌धाःसा थ्‍व दर्शन लिपाया ईया बारे खः।”

दानिएल 2:28

अय्‌नं स्‍वर्गय् च्‍वनादीम्‍ह परमेश्‍वरं सुलाच्‍वंगु खँ उलादी। वय्‌कलं हे लिपा छु जुइ व महाराजयात क्‍यनादीगु खः। छःपिं लासाय् द्यना च्‍वनादीबलय् खनादीगु म्‍हगस व दर्शन थुपिं हे खः –

यर्मिया 48:47

“अय्‌नं लिपा वइगु दिनय् जिं मोआबया सुख शान्‍ति हाकनं लित हये,” परमप्रभुं धयादी। मोआबया न्‍याय थन तक।

यर्मिया 4:8

अथे जुयाः भांग्राया वसः फ्‍यु। ह्वाँय्‌ह्वाँय् ख्‍व, छाय्‌धाःसा परमप्रभु आः तक नं झीपिं खनाः तंचायाच्‍वनादीगु दु।

यशैया 46:11

पुर्बं हमला याइम्‍ह पंक्षी सःते अले ताताःपाःगु देशं जिगु इच्‍छा पूवंकेगु निंतिं जिं छम्‍ह मनूयात सःते। जिं छु धयागु दु व जिं पूवंके। जिं छु योजना दय्‌कागु दु व जिं पूवंके।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

१ शमूएल 3:12

उखुन्‍हु हे जिं एली व वया परिवारया विरोधय् धयागु फुक्‍क खँ शुरुंनिसें अन्‍त तक हे पूवनी।

व्‍यवस्‍था 31:29

छाय्‌धाःसा जि सी धुंकाः छिपिं तसकं स्‍यनाः जिं हुँ धकाः धयागु लँपु त्‍वःती धकाः जिं स्‍यू। छिमिसं परमप्रभुया मिखाय् मभिंगु ज्‍या याःगुलिं व थःगु ल्‍हातं दय्‌कूगु द्यःतय्‌त पुजा यानाः वय्‌कःयात तंचाय्‌कूगुलिं लिपाया इलय् छिमिके विपत्ति वइ।”

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।

गन्‍ती 24:14

आः जि थः मनूतय्‌थाय् लिहां वनेत्‍यना। वने न्‍ह्यः जिं छितः इस्राएलीतय्‌सं छिकपिनि मनूतय्‌त लिपा छु याइतिनि धकाः कनाथके।”

उत्‍पत्ति 49:1

याकूबं थःकाय्‌पिं फुक्‍कसित सःताः धाल, “छिपिं फुक्‍क थन वा, छिमित लिपा छु छु जुइतिनि धकाः जिं छिमित धाये।

यर्मिया 49:39

“अय्‌नं लिपा वइगु दिनय् जिं एलामयागु सुख शान्‍ति हाकनं लित हये,” परमप्रभुं धयादी।

यर्मिया 49:37

जिं एलामयात इमि शत्रुतय्‌गु व स्‍यायेत स्‍वःपिनिगु न्‍ह्यःने चुंचुं यानाबी। जिं तसकं तंम्‍वयाः इमिके विनाश हये” परमप्रभुं धयादी। “जिं इमित सिमधय्‌कुतले, इमित तरवार ज्‍वनाः लित्तुली।

विलाप 1:12

थ्‍व लँपु जुयावनीपिं सकलें मनूत, छु छिमित थुकियागु छुं वास्‍ता मदु ला? प्‍यखेरं स्‍व व बिचाः या, थःगु तःधंगु तंया दिनय्, परमप्रभुं जितः बियादीगु दुःखकष्‍ट थें ज्‍याःगु मेगु छुं दुःख दु ला?

यर्मिया 23:19

स्‍व, तम्‍वय् परमप्रभुयागु ग्‍वःफय् मुयावइ, दुष्‍टतय्‌गु छेनय् व न्‍याइ।