यर्मिया 30:17 - नेवाः बाइबल

¹⁷ परमप्रभुं धयादी, ‘जिं छन्‍त वासः यानाः छंगु घाः लाय्‌काबी, छाय्‌धाःसा छन्‍त सकसिनं अलग यानातःम्‍ह सुनां वास्‍ता मयाःम्‍ह सियोन धकाः धाइगु।’

यर्मिया 30:17 Referans Kwoze

भजनसंग्रहया सफू 107:20

वय्‌कलं थःगु वचन छ्वयाः इमित लंकादिल, अले इमित सीगालं बचय् यानादिल।

यर्मिया 33:6

“‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

१ पत्रुस 2:24

वय्‌कः थःम्‍हय्‌सिनं हे झीगु पाप क्‍वबिया क्रूसय् सिनादिल। अय्‌जूगुलिं झीसं पाप यायेगु मतिइ तकं मतसे परमेश्‍वरयात यय्‌क भिंगु बांलाःगु जक यानाच्‍वनेमाः। छिमित मुक्ति बीत ख्रीष्‍ट सिनादीगु खः।

भजनसंग्रहया सफू 103:3

वय्‌कलं जिगु फुक्‍क पाप क्षमा यानादी अले जिगु फुक्‍क ल्‍वय् लंकादी

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

भजनसंग्रहया सफू 23:3

वय्‌कलं जितः न्‍हूगु जीवन बियादी, वय्‌कलं थःगु नांया निंतिं जितः धार्मिकताया लँय् यंकादी।

होशे 6:1

“वा! झीपिं परमप्रभुपाखे लिहां वनेनु। वय्‌कलं झीत कुचा कुचा यानादीगु दु, अय्‌नं वय्‌कलं झीत लंकादी। वय्‌कलं घाः यानादीगु दु, अय्‌नं वय्‌कलं झीगु घालय् मलमपति तयादी।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

प्रकाश 22:2

उगु शहरयागु लँ दथुं न्‍ह्यानाच्‍वंगु दु। थ्‍व खुसि सिथय् झिंनिलाया झिंनिता हे फल सइगु जीवनयागु सिमा दु। थ्‍व सिमाय् लच्‍छिइ छता फल सइ। थ्‍व सिमायागु हः जात जातियापिं मनूतय्‌त लाय्‌केगु निंतिं वासः खः।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यर्मिया 30:13

छंगु पंलिनाः न्‍ववाइम्‍ह सुं मदु। छंगु घालय् तयेत पट्टी नं मदु, मलम नं मदु।

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

यशैया 11:12

वय्‌कलं जाति-जातितय्‌गु निंतिं छगू चिंया झण्‍डा धस्‍वाकादी अले त्‍वःतकाहःपिं इस्राएलया मनूत व छ्यालब्‍याल जुयाच्‍वंपिं यहूदाया मनूतय्‌त पृथ्‍वीया कूंकुलामं मुंकाः छथाय् हयादी।

यर्मिया 33:24

“थुपिं मनूतय्‌सं जिं ल्‍ययागु निगू राज्‍ययात जि, परमप्रभुं त्‍वःतूगु दु धकाः धयाच्‍वंगु छं मस्‍यू ला? अथे जुयाः थुमिसं जि मनूतय्‌त तसकं मयय्‌कीगु अले इमित छगू जाति खः धकाः मानय् मयाः।

इजकिएल 35:12

अबलय् इस्राएलया पर्वतया बारे हेपय् यानाः छं धाःगु फुक्‍क खँ जि परमप्रभुं न्‍यंगु दु धकाः छं सी। छं धाल, “इस्राएलया पहाडत उजाड जूगु दु, उपिं नयेत जिमित ब्‍यूगु दु।”

इजकिएल 36:20

इपिं उपिं जातितय्‌गु दथुइ वंबलय् इमिसं जिगु पवित्र नांयात अपवित्र यात, छाय्‌धाःसा मनूतय्‌सं इमिगु बारे थथे धयाहल, ‘थुपिं परमप्रभुया मनूत खः, अथे जूसा नं थुमिसं वय्‌कःया देश त्‍वःते माल।’

विलाप 2:15

छ च्‍वनाच्‍वंगु थासं वनीपिं दक्‍व मनूतय्‌सं छन्‍त हेस्‍यानाः ल्‍हाःपा थाइगु। म्‍ह्याय् यरूशलेमयात हेस्‍यानाः इमिसं थथे धकाः छ्यं क्‍वाना जुइ, “दकलय् बांलाःगु व फुक्‍क पृथ्‍वीया लसता धकाः धाइगु शहर थ्‍व हे मखु ला?”

भजनसंग्रहया सफू 142:4

जिगु जवपाखे स्‍वयादिसँ। जिगु धन्‍धा काइम्‍ह सुं हे मदु। जिं शरण कायेगु थाय् गनं मदु। सुनानं जितः वास्‍ता याइ मखु।

यशैया 33:24

सियोनय् च्‍वनीपिं सुनानं “जि म्‍हंमफु” धकाः धाइ मखु अले अन च्‍वनीपिं मनूतय्‌गु पाप क्षमा याइ।

यशैया 56:8

ज्‍वनायंकूपिं त्‍वःतकाः हःम्‍ह परमप्रभु परमेश्‍वरं थथे घोषणा यानादी, “छथाय् मुनाच्‍वंपिं बाहेक जिं मेपिन्‍त नं इपिंनापं हे छथाय् मुंके हये।”

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

यशैया 60:15

“छ त्‍वःतातःम्‍ह व हेला यानातःम्‍ह खः, छपाखें जुयाः सुं नं मवंसां नं जिं छन्‍त सदांया निंतिं गौरव व फुक्‍क पुस्‍ताया लसता यानाबी।

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

होशे 11:3

एफ्राइमयात ल्‍हाः ज्‍वनाः न्‍यासि वनेत स्‍यनाबियाम्‍ह जि हे खः। तर जिं इमित लंका बियागु धकाः इमिसं मसिल।

अय्‍यूब 5:18

छाय्‌धाःसा वय्‌कलं घाःपाः यानादी, तर वय्‌कलं पट्टी चिनादी, वय्‌कलं घाःपाः यानादी, तर वय्‌कःया ल्‍हातं लाय्‌का नं दी।

यशैया 54:6

त्‍वःतातःम्‍ह व थःगु आत्‍माय् दुःख ताय्‌काच्‍वंम्‍ह, ल्‍यासेबलय् ब्‍याहा यानाः नं भाःतं त्‍वःतूम्‍हय्‌सित थें छन्‍त हाकनं परमप्रभुं सःतादीगु दु,” परमप्रभुं धयादी।

यशैया 57:18

जिं इमिगु पहःचहः खनागु दु, अय्‌नं जिं इमित लंकाबी। जिं इमित यंके, अले हाकनं दुखं च्‍वनीपिन्‍त सान्‍त्‍वना बी।

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

यर्मिया 10:20

जिगु पाल नाश जूगु दु। उकियागु फुक्‍क खिपः चबूगु दु। जि काय्‌पिं जिथासं वने धुंकल, आः इपिं मन्‍त। जिगु पाल ग्‍वयाबीम्‍ह व जि च्‍वनेगु थाय् दय्‌काबीम्‍ह आः सुं मन्‍त।