यर्मिया 3:23 - नेवाः बाइबल

²³ डाँडाया मूर्ति पुजा व हल्‍लाखल्‍ला धोखा जक खः। परमप्रभु झी परमेश्‍वरपाखें जक इस्राएलयात उद्धार दइ।

यर्मिया 3:23 Referans Kwoze

भजनसंग्रहया सफू 3:8

परमप्रभुं रक्षा यानादी। छिगु सुवाः छिकपिनि मनूतय्‌त दयाच्‍वनेमा। सेला

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यूहन्‍ना 4:22

छिपिं सामरियाय् च्‍वंपिन्‍सं म्‍हमस्‍यूम्‍हय्‌सित आराधना याइ। तर जिमिसं सुयागु आराधना यानाच्‍वना वय्‌कःयात जिमिसं बांलाक हे म्‍हस्‍यू, छाय्‌धाःसा मुक्ति ला यहूदीतय्‌पाखें वइ।

होशे 1:7

अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

इजकिएल 20:28

जिं पाफयाः इमित बी धयागु देशय् इमित हयाबलय्, गन गन इमिसं तःज्‍जाःगु वा झ्‍याम्‍म जूगु सिमा खन, अन अन इमिसं थःगु बलिदानत छाल, जितः तं पिकाइगु इमिगु भेटी छाल। इमिसं थःगु नस्‍वाःगु गुँगू थन अले थःगु त्‍वँसाबलि छाल।

यर्मिया 17:14

हे परमप्रभु, छिं जितः लाय्‌कादिसँ, अले जि बांलाक लनी। जितः बचय् यानादिसँ अले जि बचय् जुइ। जिं छितः हे प्रशंसा याये।

यर्मिया 14:8

हे इस्राएलया आशा, दुःखया इलय् वयात उद्धार यानादीम्‍ह, थ्‍व देशय् छि छाय् परदेशी थें जुयादियागु? छाय् छि छचा जक च्‍वनेत थःगु पाल ग्‍वइम्‍ह लँजुवाः थें जुयादियागु?

यर्मिया 3:6

योशियाह जुजुया पालय् परमप्रभुं जितः धयादिल, “विश्‍वास यायेबहः मजूम्‍ह इस्राएलं छु छु यात छु छं खना ला? वं फुक्‍क ततःजाःगु डाँडाय् व फुक्‍क वाउँगु सिमाया क्‍वय् वं व्‍यभिचार यात।

यशैया 63:16

तर छि ला जिमि अबु खः। अब्राहामं जिमित म्‍हमस्‍यूसां अले इस्राएलं जिमित नाला मकाःसां, छि, हे परमप्रभु, जिमि अबु खः। छिगु नां न्‍हापांनिसें हे जिमित उद्धार याइम्‍ह खः।

यशैया 63:1

एदोमपाखें व बोज्रापाखें ह्याउँसे च्‍वंगु वसः पुनावःम्‍ह सु खः? झःझः धाःगु वसः पुनाः अले थःगु तःधंगु शक्तिं वयाच्‍वंम्‍ह सु खः? “धार्मिकतां न्‍ववाइम्‍ह व बचय् यायेत तसकं शक्ति दुम्‍ह जि हे खः।”

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

यशैया 45:17

तर हे इस्राएलीत, छिपिं धाःसा परमप्रभुपाखें सदां दइगु उद्धारं बचय् जुइ। छिपिं गुबलें नं लाजय् लाइ मखु, अले लिपाथ्‍यंक छिमिगु गुबलें बेइज्‍जत जुइ मखु।

यशैया 45:15

हे परमेश्‍वर, इस्राएलया मुक्तिदाता। धात्‍थें छि हे परमेश्‍वर खः, सुनां थःत सुपिका तयादी।

यशैया 44:9

मूर्तित दय्‌कीपिं फुक्‍कं ज्‍यालगय् मजूपिं खः, इमिसं तसकं मू वंगु ताय्‌काच्‍वंगु थुपिं मूर्ति छति नं मू मवं। इमिगु पंलिनाः न्‍वंवाइपिं कांपिं खः, इपिं छुं हे मस्‍यूपिं जुयाः थःपिन्‍त लाजय् लाकाच्‍वंगु दु।

यशैया 43:11

जि खः, जि हे परमप्रभु खः। जि बाहेक मुक्ति बीम्‍ह सुं हे मदु।

भजनसंग्रहया सफू 62:7

जिगु उद्धार परमेश्‍वरपाखें जक जुइ। परमेश्‍वरपाखें जक जितः इज्‍जत दइ। वय्‌कः जिगु शरण कायेगु थाय् खः। वय्‌कः जिगु किल्‍ला खः।

हितोपदेश 21:31

लडाइँया निंतिं सल ला तयार याये फइ, त्‍याःबू धाःसा परमप्रभुया ल्‍हातिइ दु।

यर्मिया 17:2

वाउँगु वाउँगु सिमाया क्‍वय् व ततःजाःगु डाँडाय् दुगु वेदीत व अशेराया थांत इमि काय् म्‍ह्याय्‌पिन्‍सं नं लुमंकी।

यर्मिया 31:7

परमप्रभुं थथे धयादी, “लय्‌तातां याकूबया मनूतय्‌गु निंतिं म्‍ये हा! ततःधंगु जातिया निंतिं तःसलं हा! तःसलं प्रशंसा यानाः धा, ‘हे परमप्रभु, थः प्रजा, इस्राएलया ल्‍यनाच्‍वंपिन्‍त उद्धार यानादिसँ।’

यशैया 10:20

उखुन्‍हु इस्राएलया बचय्‌जूपिं, याकूबया परिवारया म्‍वानाच्‍वंपिन्‍सं थःत हमला याःपिन्‍के गुबलें नं भलसा तइ मखु। परमप्रभु इस्राएलया पवित्र परमेश्‍वरयात धाःसा धात्‍थें हे भलसा याइ।