यर्मिया 29:3 - नेवाः बाइबल

³ वं थ्‍व पौ शापानया काय् एलासा व हिल्‍कियाहया काय् गमर्याहया जिम्‍माय् बिल। इमित यहूदायाम्‍ह जुजु सिदकियाहं दूत यानाः बेबिलोनय् नबूकदनेसरयाथाय् छ्वःगु खः। पौलय् थथे च्‍वयातःगु दु,

यर्मिया 29:3 Referans Kwoze

इजकिएल 8:11

अन मूर्तितय्‌गु न्‍ह्यःने इस्राएलयापिं न्‍हयेम्‍ह धर्मगुरुत दनाच्‍वंगु दु। शापानया काय् याजन्‍याह नं इमिगु दथुइ दनाच्‍वंगु दु। थुपिं सकलें धर्म गुरुतय्‌गु ल्‍हातय् छगः छगः गुँगू मकः दु। गुँगूया मकलं गुँगूया नस्‍वाःगु कुँत्‍याः च्‍वय् थाहां वयाच्‍वंगु दु।

यर्मिया 39:14

मनूत छ्वयाः यर्मियायात पिवाःत च्‍वनीगु चुकं हल। वयात छेँय् यंकेगु जिम्‍मा इमिसं शापानया छय्, अहीकामया काय् गदल्‍याहयात बिल। थुकथं यर्मिया थः मनूतनापं हे च्‍वन।

यर्मिया 36:25

एल्‍नातान, दलायाह व गमर्याहं जुजुयात उपिं भ्‍वंया थू छ्वय्‌कादी मते धकाः बिन्‍ति याःसां वं इमिगु खँ मन्‍यन।

यर्मिया 26:24

तर शापानया काय् अहीकाम यर्मियाया पंलित। उकिं वयात स्‍यायेत इमिसं मनूतय्‌गु ल्‍हातय् मब्‍यू।

२ इतिहास 34:20

वं हिल्‍कियाह, शापानया काय् अहीकाम, मीकाया काय् अब्‍दोन, छ्यान्‍जे शापान व जुजुयात सल्‍लाह बीम्‍ह असायाहयात थथे धाल,

१ इतिहास 6:13

शल्‍लूम हिल्‍कियाहया बाः खः। हिल्‍कियाह अजर्याहया बाः खः।

२ राजा 22:12

वं दकलय् तःधंम्‍ह पुजाहारी हिल्‍कियाह, शापानया काय् अहीकाम, मीकायाया काय् अक्‍बोर, छ्यान्‍जे शापान व जुजुनापं जुइम्‍ह असायाहयात थ्‍व उजं बिल,

२ राजा 22:8

दकलय् तःधंम्‍ह पुजाहारी हिल्‍कियाहं छ्यान्‍जे शापानयात धाल, “जिं परमप्रभुया देगलय् व्‍यवस्‍थाया सफू लुइकागु दु।” वं सफू शापानयात बिल, वं व ब्‍वन।

२ राजा 18:18

इमिसं हिजकिया जुजुयात सःतके छ्वत, अले इमित नापलायेत हिजकिया जुजुया थुपिं हाकिमत – दरबारया प्रशासक हिल्‍कियाहया काय् एल्‍याकीम, दरबारया छ्यान्‍जे शेब्‍ना व ल्‍याःचाः तइम्‍ह आसापया काय् योआ पिहां वयाः इमिथाय् वल।

१ इतिहास 2:39

अजर्याह हेलेसया बाः खः। हेलेस एलासाया बाः खः।

यर्मिया 26:22

अले यहोयाकीमं मिश्र देशय् अक्‍बोरया काय् एल्‍नातान व वनापं छुं मनूत छ्वल।