यर्मिया 28:13 - नेवाः बाइबल

¹³ “वनाः हनन्‍याहयात थथे धा, ‘परमप्रभुं थथे धयादी – छं सिँयागु जुवा ला त्‍वथुलाबिल तर जिं उकिया पलेसा नँयागु जुवा हये।

यर्मिया 28:13 Referans Kwoze

विलाप 2:14

छंगु अगमवक्तातय्‌सं खंगु दर्शनत सत्‍य मखुगु व छुं हे मूं मवंगु खः। इमिसं छंगु अधर्म क्‍यना मब्‍यू, मखुसा छन्‍त ज्‍वनाः बेबिलोनय् मयंकीगु। इमिसं छंगु निंतिं खंगु दर्शन सत्‍य मखुगु व अलमल यायेत जक खः।

यर्मिया 27:15

परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

भजनसंग्रहया सफू 149:8

इमि जुजुपिन्‍त सिखलं, व इमि नायःतय्‌त नँयागु न्‍यवलं चीमा।

व्‍यवस्‍था 28:48

अथे जुयाः परमप्रभुं छिमिगु विरोधय् छ्वया हयादीत्‍यंपिं शत्रुतय्‌गु छिमिसं सेवा याइ। छिपिं नये पित्‍याःपिं, प्‍याय्‌चाःपिं व नांगा जुइ। छिमित फुक्‍क खँय् मगाःमचाः जुइ। छिपिं नाश जुया मवंतले परमप्रभुं छिमिगु गःपतय् ल्‍वहंयागु जुवा तयादी।

भजनसंग्रहया सफू 107:16

वय्‌कलं कँय्‌यागु ध्‍वाखा तछ्यानादी, अले नँयागु गजबारत त्‍वथुलादी।

यशैया 45:2

जि छंगु न्‍ह्यः न्‍ह्यः वने, अले डाँडातय्‌त माथं वंकाबी। कँय्‌या ध्‍वाखात जिं कुचा कुचा थलाबी, अले नँयागु बालात चानाबी।

यर्मिया 27:2

परमप्रभुं जितः थथे धयादिल, “छेंगूया खिपः व सिँया गजबारं छगू जुवा दय्‌कि, अले छंगु ककुइ ति।

विलाप 1:14

“जिगु ब्‍वहलय् ककुसिँ थें हे वय्‌कलं थःगु हे ल्‍हातं जिं यानागु मभिंगु ज्‍या जिके तयादिल इपिं नितुनिला जिगु गःपतय् यग्‍गात। वय्‌कलं जिगु शक्तियात ताःमलाकादिल। परमप्रभुं जितः थः शत्रुतय्‌गु ल्‍हातय् लःल्‍हानादिल, तर जि इपिंनापं ल्‍वाये हे मफुत।

इजकिएल 30:18

तहपनेसय् जिं मिश्रीतय्‌गु जुवा त्‍वथुलाबीबलय् अन न्‍हिनय् हे खिउँसे च्‍वनी, वं घमण्‍ड याइगु वयागु शक्तिया नाश जुइ। वयात सुपाँचं त्‍वपुइ, वया गांतय्‌त ज्‍वना यंकी।

२ इतिहास 10:11

जिमि अबुं छिमित झ्‍यातुगु जुवा क्‍वबिकादीगु खः, तर जिं उगु जुवायात झन झ्‍यातुइकाबी। जिमि अबुं छिमित कोर्रां दाय्‌कादीगु खः, तर जिं छिमित बिच्‍छितय्‌सं न्‍याकाबी।”