यर्मिया 27:9 - नेवाः बाइबल

⁹ उकिं छिमिसं बेबिलोनयाम्‍ह जुजुया सेवा यायेमाली मखु धकाः छिमित धाःपिं छिमि अगमवक्तात, छिमि ज्‍वखना स्‍वइपिं, छिमिगु म्‍हगसया अर्थ कनीपिं छिमि धामी वा तन्‍त्रमन्‍त्र याइपिनिगु खँ न्‍यने मते।

यर्मिया 27:9 Referans Kwoze

यर्मिया 14:14

अले परमप्रभुं जितः धयादिल, “उपिं अगमवक्तातय्‌सं जिगु नामय् फताहा अगमवाणी ल्‍हानाच्‍वंगु दु। जिं इमित छ्वयागु मखु वा ल्‍ययागु मखु वा इपिंलिसें नवानागु मदु। इमिसं ला मखुगु दर्शन, अगमवाणी, ज्‍वखना, मूर्ति पुजा व धोखाया खँया अगमवाणी ल्‍हानाच्‍वंगु दु।

मलाकी 3:5

दक्‍व शक्ति दुम्‍ह परमप्रभुं धयादी, “अबलय् जि न्‍याय यायेत छिमिथाय् वये। अले तन्‍त्रमन्‍त्र याइपिं, व्‍यभिचारीत, मखुगु साक्षी बीपिं, ज्‍यामितय्‌त ज्‍यालाय् स्‍याइपिं अले भाःत मदुपिं मिस्‍त, मां-बौ मदुपिं मस्‍तय्‌त क्‍वत्‍यलातःपिं, परदेशीतय्‌गु न्‍याय लाका काइपिं, जि खनाः मग्‍याइपिं थुपिं सकसिगु विरोधय् जिं हथासं साक्षी बी।”

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

यशैया 8:19

गुबलय् छिमित मनूतय्‌सं झंगःत थे चुंइ चुंइ हालीपिं तन्‍त्रमन्‍त्र याइपिंलिसे सल्‍लाह का हुँ धकाः धाइ। छु मनूतय्‌सं परमेश्‍वरयाथाय् वनाः सल्‍लाहया निंतिं न्‍यं वनेमाःगु मखु ला? म्‍वापिनिगु निंतिं सीधुंकूपिन्‍थाय वनाः छाय् न्‍यंवनेगु?

प्रकाश 22:15

शहरं पिने धाःसा घच्‍चायापुगु ज्‍या याइपिं, जादु क्‍यनिपिं, व्‍यभिचार याइपिं, ज्‍यानमारात, मूर्ति पुजा याइपिं, मखुगु ज्‍याखँ यायेगु यय्‌कीपिं व मखुगु ज्‍याखँ जक यानाजुइपिं दइ।

प्रकाश 21:8

“भुस्‍याःत, विश्‍वास त्‍वःतूपिं, घच्‍चायापुगु ज्‍या याइपिं, मनू स्‍याइपिं, व्‍यभिचार याइपिं, धामी झाँक्री ज्‍या याइपिं, मूर्ति पुजा याइपिं व मखुगु खँ ल्‍हाइपिं फुक्‍कसितं गन्‍धकयागु मि गालय् वांछ्वइ। निकः सीगु धाःगु थ्‍व हे खः।”

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

प्रकाश 9:21

अले इमिसं मनू स्‍यायेगु, जादु क्‍यनेगु, व्‍यभिचार यायेगु व खुइगु ज्‍याया पश्‍चाताप मयाः।

प्रेरित 8:11

थथे सिमोनं ताःइलंनिसें सामरीतय्‌त जादु याना क्‍यनाच्‍वंगुलिं इमिसं वयागु खँ न्‍यं।

मीका 3:7

दर्शन खनीपिं मनूत लज्‍या चाइ, अले ज्‍वखना स्‍वइपिनिगु ख्‍वाः ह्याउँसे च्‍वनी। इपिं सकसिनं थःगु ख्‍वाः त्‍वपुइ, छाय्‌धाःसा इमित परमेश्‍वरपाखें लिसः दइ मखु।”

यर्मिया 23:32

परमप्रभुं धयादी, स्‍व, जि मखुगु म्‍हगसयात कनाजुइपिं अगमवक्तातय्‌गु विरोधय् दु। इमित जिं छ्वयाहयागु नं मखु, ल्‍ययागु नं मखु। अय्‌नं इमिसं व म्‍हगस जि प्रजायात धयाः इमित अलमलय् यानाबी। इमिसं थुपिं मनूतय्‌त भचा नं फाइदा बी मखु,” परमप्रभुं धयादी।

यर्मिया 23:25

“जिं थथे धयाः जिगु नामं मखुगु अगमवाणी ल्‍हाइपिं अगमवक्तातय्‌गु खँ न्‍यनागु दु, ‘जिं म्‍हगस खनागु दु, जिं म्‍हगस खनागु दु!’

यर्मिया 23:16

दक्‍व शक्ति दुम्‍ह परमप्रभुं थथे धयादी, “अगमवाणी ल्‍हानाः छिपिंलिसें नवाइपिं अगमवक्तातय्‌गु खँ छिमिसं न्‍यने मते। इमिसं छिमित मखुगु आस क्‍यनी। इमिसं थःगु हे मनयागु दर्शन कनी, जि परमप्रभुपाखेंयागु मखु।

यहोशू 13:22

लडाइँलय् स्‍याःपिं मनूत बाहेक इस्राएलीतय्‌सं बओरया काय् ज्‍वखना स्‍वइम्‍ह बालामयात नं तरवारं स्‍याःगु खः।

व्‍यवस्‍था 18:14

छिमिसं त्‍याके त्‍यंपिं जातित जादु मन्‍त्र याइपिं व लिपाया खँ धाइपिं मनूतय्‌गु खँ न्‍यनीपिं खः। छिमित धाःसा परमप्रभु छिमि परमेश्‍वरं अथे याकेबी मखु।

प्रस्‍थान 7:11

अले फारोनं ग्‍यां दुपिं व जादु क्‍यनिपिं मनूतय्‌त सःतल। अले मिश्रया जादु क्‍यनिपिन्‍सं वयाः थथःगु जादुनं अथे हे यानाः क्‍यन।

जकरिया 10:2

मूर्तितय्‌सं ध्‍वंलाइगु खँ ल्‍हाइ, तन्‍त्रमन्‍त्र याइपिन्‍सं मखुगु दर्शन खनी। म्‍हगसया अर्थ कनीपिन्‍सं सान्‍त्‍वना मबीगु मखुगु खँ ल्‍हाइ। उकिं जिमि मनूत तंपिं फैत थें उखेलाः थुखेलाः मदइ। जवाः मदयाः इमिसं दुःख सी।

एफिसी 5:6

छिमिसं सुयागुं बकंफुस्‍लु खँ न्‍यने मते। थुकिं छिमित स्‍यंकी। परमेश्‍वरयात विश्‍वास मयाइपिन्‍सं वय्‌कःयागु तं फयेमाली।

प्रस्‍थान 22:18

“तन्‍त्रमन्‍त्र सःम्‍ह मिसायात म्‍वाये बी मते।

हितोपदेश 19:27

हे जिमि काय्! छं सय्‌केगु सीकेगु ज्‍या न्‍यनेगु त्‍वःतल कि छ थःगु बुद्धिइ लगय् जुइ।

इजकिएल 21:29

छंगु बारे मखुगु दर्शन खंसां तबि, छंगु लागि मखुगु ज्‍वखना स्‍वःसां तबि उपिं स्‍याये हे माःपिं दुष्‍टत, गुपिनिगु दिं वये धुंकल, गुपिनिगु लिपांगु सजाँयया ई वये धुंकल, इमिगु ककुइ पालेत व तरवारयात छ्यलीगु जुइ।

दानिएल 4:7

जादु क्‍यनिपिं, ज्‍वखना स्‍वइपिं वःबलय्‌ जिं इमित म्‍हगस कना, ज्‍योतिषीतय्‌त व साइत स्‍वइपिं वःबलय्‌ जिं इमित म्‍हगस कना, अय्‌नं इमिसं उकिया अर्थ कने मफुत।

व्‍यवस्‍था 13:2

अले वं धाःगु चिं व अजू चायापुगु ज्‍या जुइ धुंकाः “छिमिसं म्‍हमस्‍यूपिं द्यःतय्‌गु ल्‍यू वनाः इमित पुजा याये नु” धकाः वं धाल धाःसा