यर्मिया 27:20 - नेवाः बाइबल

²⁰ गुगु सामान बेबिलोनया जुजु नबूकदनेसरं यहोयाकीमया काय्, यहूदाया जुजु यहोयाकीनयात यरूशलेमं ज्‍वनाः यहूदा व यरूशलेमयापिं ततःधंपिं मनूतलिसें बेबिलोनय् यंकूबलय् मयंकूगु खः,

यर्मिया 27:20 Referans Kwoze

यर्मिया 24:1

बेबिलोनया जुजु नबूकदनेसरं यहूदाया जुजु यहोयाकीमया काय् यहोयाकीन व यहूदाया भारदारत, कारिगरत व नँकःमिततय्‌त ज्‍वनाः यरूशलेमं बेबिलोनय् यंके धुंकाः परमप्रभुं जितः परमप्रभुया देगःया न्‍ह्यःने तयातःगु यःमरिया निगः दाला क्‍यनादिल।

२ इतिहास 36:10

बसन्‍तया इलय् नबूकदनेसर जुजुं यहोयाकीनयात ज्‍वनाः देगःया मू वंगु सामाननापं बेबिलोनय् यंकल। अले नबूकदनेसरं वया कका सिदकियाहयात यरूशलेमया व यहूदाया मेगु फुक्‍क थाय्‌या जुजु दय्‌कल।

यर्मिया 22:28

छु! थ्‍व मनू यहोयाकीन छगः सुनां वास्‍ता मयाःगु वांछ्वयातःगु तज्‍याःगु थल खः ला? छाय् वयात वया काय्‌म्‍ह्याय्‌पिंनापं इमिसं म्‍हमस्‍यूगु देशय् वांछ्वयाबीगु?

२ इतिहास 36:18

बेबिलोनयाम्‍ह जुजुं देगःया चिग्‍वःगु व तग्‍वःगु फुक्‍क थलबल, परमप्रभुया देगःया धन-सम्‍पत्ति, जुजु व भारदारतय्‌गु धन-सम्‍पत्ति फुक्‍कं लुतय् यानाः बेबिलोनय् यंकल।

मत्ती 1:11

योशियाहया काय् यकोनियास व वया किजापिं खः। अबलय् हे इस्राएलीतय्‌त ज्‍वनाः बेबिलोनय् यंकूगु खः।

मत्ती 1:12

बेबिलोनय् इस्राएलीतय्‌त ज्‍वना यंके धुंकाः यकोनियासया शालतिएल धयाम्‍ह काय् बुल। शालतिएलया काय् यरूबाबेल,

मत्ती 1:17

थुकथं ल्‍याःखाय् बलय् अब्राहामंनिसें दाऊद तक झिंप्‍यंगू पुस्‍ता, दाऊदंनिसें बेबिलोनय् इस्राएलीतय्‌त ज्‍वनायंकूबलय् तक झिंप्‍यंगू पुस्‍ता, अले बेबिलोनय् इमित ज्‍वनायंके धुंकाःनिसें मुक्ति बीम्‍ह ख्रीष्‍ट तक झिंप्‍यंगू पुस्‍ता जुल।

२ राजा 24:12

यहूदाया जुजु यहोयाकीन, वया मां, वयात सल्‍लाहबीपिं, वया भारदारत सकसिनं थःपिन्‍त वयागु ल्‍हातय् लःल्‍हाना बिल। बेबिलोनयाम्‍ह जुजुं थः जुजु जूगु च्‍यागूगु दँय् यहोयाकीनयात ज्‍वनाः कुन।

यशैया 34:12

वया भारदारतय्‌त उकिया राज्‍य छगू नं दइ मखु, अले अनयापिं शासकत तनावनी।

यर्मिया 27:21

परमप्रभुया देगलय्, यहूदाया जुजुया दरबारय् व यरूशलेमय् ल्‍यनाच्‍वंगु उपिं थलबलया बारे दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी,

यर्मिया 29:2

(जुजु यहोयाकीन, राजमाता, दरबारयापिं हाकिमत, यहूदा व यरूशलेमयापिं नायःत, कारिगरत व सःपिं मिस्‍त्रीतय्‌त यरूशलेमं ज्‍वना यंके धुंकाः थ्‍व पौ च्‍वःगु खः।)

यर्मिया 35:1

यहूदाया जुजु योशियाहया काय् यहोयाकीमं राज्‍य यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः।

दानिएल 1:2

परमप्रभुं यहूदाया जुजु यहोयाकीम व देगःयागु लुँ, वहः व कँय्‌यागु छुं थलबल नबूकदनेसरया ल्‍हातय् बियादिल। अले वं थुपिं थलबल बेबिलोनियाय् दुगु थः द्यःया देगलय् यंकाः देगःयागु धुकुतिइ तल।