यर्मिया 27:15 - नेवाः बाइबल

¹⁵ परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

यर्मिया 27:15 Referans Kwoze

यर्मिया 27:10

इमिसं मखुगु अगमवाणी ल्‍हाइ गुकिं छिमित थःगु देशं तापाक यंकीगु ज्‍या जक जुइ। जिं छिमित देशं पितिनाछ्वये अले छिपिं नाश जुइ।

२ इतिहास 25:16

वं थथे धयाच्‍वंबलय् हे अमस्‍याहं वयात धाल, “गुबलय्‌निसें जिमिसं छन्‍त जुजुयात सल्‍लाह बीम्‍ह दय्‌कागु? सुम्‍क च्‍वँ, मखुसा जिमिसं छन्‍त स्‍याके बी।” अगमवक्ता थुलि धयाः सुम्‍क च्‍वन, “परमेश्‍वरं छितः नाश यायेगु पक्‍का बिचाः यानादिल धयागु खँ जिं सिल। छाय्‌धाःसा छिं थ्‍व फुक्‍क यानादिल अले जिगु सल्‍लाहयात वास्‍ता याना मदिल।”

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

मत्ती 24:24

छाय्‌धाःसा उबलय् फताहा ख्रीष्‍टत व फताहा अगमवक्तात खनेदय्‌कः वइ। इमिसं फतिंफतले परमेश्‍वरं ल्‍ययातःपिं मनूतय्‌त झंगःलायेत ततःधंगु चिं व अजू चायापुगु ज्‍या यानाक्‍यनी।

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”

यर्मिया 29:9

इमिसं जिगु नामय् छिमित मखुगु अगमवाणी ल्‍हानाच्‍वंगु दु। इमित जिं छ्वयाहयागु मखु,” परमप्रभुं धयादी।

यर्मिया 23:21

“थुपिं अगमवक्तातय्‌त जिं छ्वयाहयागु मखु, तर इपिं थःगु खबर ज्‍वनाः ब्‍वाँय् वन। इपिंलिसें जि नमवाना अय्‌नं इमिसं अगमवाणी ल्‍हात।

यर्मिया 23:15

उकिं उपिं अगमवक्तातय्‌गु बारे दक्‍व शक्ति दुम्‍ह परमप्रभुं थथे धयादी, “जिं थःम्‍हं हे इमित खायुगु नसा नके अले त्‍वनेत बिख दुगु लः बी। छाय्‌धाःसा यरूशलेमयापिं अगमवक्तातय्‌सं यानाः देश न्‍यंकयापिं मनूत दुष्‍ट जूगु दु।”

यर्मिया 20:6

अले हे पशहूर, छ व छंगु छेँय् च्‍वंपिं सकसितं ज्‍वनाः बेबिलोनय् यंकी। छ व छिमि सकलें पासापिं, गुपिन्‍त छं मखुगु अगमवाणी याःगु खः, सकलें बेबिलोनय् सी। अले छिमित अन हे थुनी।’”

यर्मिया 23:25

“जिं थथे धयाः जिगु नामं मखुगु अगमवाणी ल्‍हाइपिं अगमवक्तातय्‌गु खँ न्‍यनागु दु, ‘जिं म्‍हगस खनागु दु, जिं म्‍हगस खनागु दु!’

यर्मिया 29:8

खः, दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, “छिपिंनापं दुपिं छिमि अगमवक्तात व ज्‍वखना स्‍वइपिन्‍सं छिमित धोखा मबीमा। इमिसं खंगु म्‍हगसय् ध्‍यान बी मते।

यर्मिया 14:14

अले परमप्रभुं जितः धयादिल, “उपिं अगमवक्तातय्‌सं जिगु नामय् फताहा अगमवाणी ल्‍हानाच्‍वंगु दु। जिं इमित छ्वयागु मखु वा ल्‍ययागु मखु वा इपिंलिसें नवानागु मदु। इमिसं ला मखुगु दर्शन, अगमवाणी, ज्‍वखना, मूर्ति पुजा व धोखाया खँया अगमवाणी ल्‍हानाच्‍वंगु दु।

यर्मिया 38:22

यहूदाया जुजुया दरबारय् त्‍वःताथकुपिं सकलें मिस्‍तय्‌त बेबिलोनयाम्‍ह जुजुया हाकिमतय्‌थाय् यंकी। उपिं मिसातय्‌सं छितः थथे धाइ, “‘छिं भलसा कयादीम्‍ह छिकपिनि पासापिन्‍सं छितः झंगः लानाः थःगु बसय् तल। छिगु तुति ध्‍याचलय् तुनेवं इमिसं छितः त्‍वःतावन।’