यर्मिया 25:7 - नेवाः बाइबल

⁷ परमप्रभुं धयादी “अय्‌नं छिमिसं जिगु खँ मन्‍यंसे थःगु ल्‍हातं दय्‌कूगु मूर्तिं जितः तंचाय्‌कल गुकिं यानाः छिमिगु हे मभिं जुल।”

यर्मिया 25:7 Referans Kwoze

२ राजा 21:15

छाय्‌धाःसा इमिसं जितः मयःगु मभिंगु ज्‍या याःगु दु। इमि पुर्खा मिश्रं पिहां वःगु दिनंनिसें थौं तक इमिसं जितः तंचाय्‌कूगु दु।”

हितोपदेश 8:36

सुनां जितः मालेत स्‍वइ मखु, वं थःत थःम्‍हं हे स्‍यंकी। सुनां जितः घृणा याइ, वं मृत्‍युयात यय्‌की।”

२ राजा 17:17

इमिसं थः काय्‌म्‍ह्याय्‌पिं मिइ बलि बिल, इमिसं ज्‍वखना स्‍वल, तन्‍त्रमन्‍त्र यात, अले परमप्रभुयात मयःगु ज्‍या यायेत थःपिन्‍त मिल। थुकथं इमिसं वय्‌कःयात तंचाय्‌कल।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

नहेम्‍याह 9:26

“अय्‌नं छिकपिनि प्रजातय्‌सं विद्रोह यात। अले इमिसं खँ मन्‍यन। छिगु व्‍यवस्‍थापाखें ख्‍वाः फस्‍वय्‌कल। छिपाखे लिहां वयेत ख्‍याच्‍वः बीपिं अगमवक्तातय्‌त इमिसं स्‍यानाबिल। इमिसं छितः गज्‍याःगु अपमान यात।

यर्मिया 25:8

उकिं दक्‍व शक्ति दुम्‍ह परमप्रभुं थथे धयादी, “छिमिसं जिं धाःगु खँ मन्‍यंगुलिं,

यर्मिया 44:8

छिपिं च्‍वंवःगु थ्‍व मिश्र देशय् मेपिं द्यःतय्‌त धुपाँय् च्‍याकाः जितः छाय् तं चाय्‌कागु? थथे यानाः छिमिसं थःत हे नाश याइ अले पृथ्‍वीया फुक्‍क जातिया मनूतय्‌सं छिमित हेस्‍याइ अले छिमिगु नां कयाः सराः बी।

२ इतिहास 24:19

तर इमित थःथाय् हे लित हयेत परमप्रभुं अगमवक्तात छ्वयादिल। उपिं अगमवक्तातय्‌सं इमिगु दोष क्‍यनाबिल अय्‌नं इमिसं अगमवक्तातय्‌गु खँ मन्‍यं।

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 22:21

छन्‍त सुख जुयाच्‍वंबलय् हे जिं छन्‍त ख्‍याच्‍वः बियागु खः। तर छं जिं न्‍यने मखु धाल। थ्‍व ला ल्‍याय्‌म्‍हबलय् निसेंया छंगु बानी खः, छं जिगु खँ न्‍यंगु मदु।

यर्मिया 29:19

छाय्‌धाःसा इमिसं जिगु खँ बांलाक मन्‍यन,” परमप्रभुं धयादी। “गुगु वचन जिं थः दासत अगमवक्तातपाखें बारम्‍बार इमिथाय् छ्वयागु खः। छिपिं यरूशलेमं ज्‍वनाः बेबिलोनय् यंकूपिन्‍सं नं ध्‍यान बियाः मन्‍यं,” परमप्रभुं धयादी।

यर्मिया 44:7

“आः दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – यहूदापाखें मिजंपिं, मिस्‍त, चीधिकःपिं मस्‍त व ह्याउँमस्‍त नाश याकाः सुं छम्‍ह हे ल्‍यं मदय्‌क छिमिसं थःपिन्‍के थज्‍याःगु विपत्ति छाय् हयेगु?

जकरिया 1:4

छिपिं थः पुर्खा थें जुइ मते। न्‍हापायापिं अगमवक्तातय्‌सं इमित थथे धाःगु खः – दक्‍व शक्ति दुम्‍ह परमप्रभुं थथे धयादी, ‘छिपिं थःपिनिगु मभिंगु बानी व मभिंगु ज्‍याखँ त्‍वःता जिथाय् वा।’ अय्‌नं इमिसं जिगु खँ मन्‍यं, परमप्रभुं घोषणा यानादी।