यर्मिया 25:10 - नेवाः बाइबल

¹⁰ जिं इमिगु दथुं लसता व आनन्‍दया सः, भम्‍चा व जिलाजंया सः, घःल्‍वहंया सः व मतया जः चीकाछ्वये।

यर्मिया 25:10 Referans Kwoze

यर्मिया 7:34

जिं यहूदाया शहर व यरूशलेमया गल्‍लि गल्‍लिइ न्‍ह्यूगु सः व लसताया सः, भम्‍चा व जिलाजंया सः मदय्‌काबी। छाय्‌धाःसा देश झिजांमिजां दनी।”

इजकिएल 26:13

जिं छंगु म्‍येयागु सः दिकाबी। छंगु वीणाया सः हाकनं ताये दइ मखु।

यर्मिया 16:9

छाय्‌धाःसा दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी, जिं थम्‍हं हे छंगु मिखाया न्‍ह्यःने छंगु हे इलय् थ्‍व थासय् लसताया सः, आनन्‍दया सः, भम्‍चा व जिलाजंया सः जिं बन्‍द यानाबी।

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

एस्‍तर 8:11

फुक्‍क शहरय् थःगु प्राणया रक्षा यायेत यहूदीत छथाय् मुनेफु, अथे यायेत जुजुयागु अनुमति दु धकाः उपिं पतिइ च्‍वयातःगु दु। गुगु नं प्रान्‍तयापिं, गुगु नं जातियापिं मनूतय्‌सं ल्‍वाभः ज्‍वनाः यहूदीत, इमि कलाःपिं व मस्‍तय्‌त हमला याः वल धाःसा यहूदीतय्‌सं इपिंनापं लडाइँ यायेफु, इमित स्‍याये फु, अले छम्‍हय् छम्‍हय्‌सित नाश यानाः इमिगु जग्‍गा, जमिन, धन-सम्‍पत्ति काये फु धकाः नं पतिइ च्‍वयातःगु दु।

एस्‍तर 7:4

छाय्‌धाःसा जि व जिमि जातितय्‌त स्‍यानाः नां तकं मल्‍यंक नाश यानाछ्वयेत्‍यंगु दु। जिमि मिजं व मिसा फुक्‍क दासया निंतिं मिया जक छ्वःगु जूसा ला जि सुम्‍क हे च्‍वने। थ्‍व खँ जक जूसा ला जिं छसपोलयात दुःख बी हे मखुनि।”

एस्‍तर 3:13

उजं पौ ज्‍वनाः हुलाकीत देशया फुक्‍क प्रान्‍तय् वन। उकी थ्‍व उजं दु, अदार धाइगु झिंनिलाया झिंस्‍वन्‍हु खुन्‍हु फुक्‍क यहूदीतय्‌त, ल्‍याय्‌म्‍हपिं, बुरापिं, मिसात, मस्‍तय्‌त छन्‍हु हे स्‍यानाछ्व। भचानं दयामाया मयासें इमित स्‍यानाछ्व अले इमिगु सम्‍पत्ति लाका का।

यशैया 47:2

ल्‍वहंया घःचा ज्‍वनावनाः छ्वचुं क्‍य! छेनय् त्‍वपुयातःगु रानीया गाबः लिका! पतासि च्‍वय् थ्‍यंक सा! जँ खनेदय्‌कः खुसि छ्यु!

यर्मिया 48:33

मोआबया यक्‍व सइगु क्‍यबत व बुँनं लसता व खुसि वने धुंकूगु दु। जिं दाख तिसीगु थासं दाखया ति वयेगु दिकाबियागु दु। लय्‌तायाः हा हां सुनानं उकियात न्‍हुइ मखु। इमिगु हाःसः लसताया हाःसः मखु।

विलाप 5:15

जिमिगु नुगलं लय्‌ता मदयावंगु दु, जिमिगु हुलाप्‍याखं दुःखय् फहिले धुंकल।