यर्मिया 23:5 - नेवाः बाइबल

⁵ “स्‍व, थज्‍याःगु दिं वयाच्‍वंगु दु, गबले जिं दाऊदया वंशपाखें छगू धर्मी कचायात पिकाय्। वं जुजु जुयाः बुद्धिं शासन याइ। वं देशय् न्‍याय व पाय्‌छिगु ज्‍या याइ।

यर्मिया 23:5 Referans Kwoze

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 52:13

स्‍व, जिमि दास ताःलाइतिनि। वयात च्‍वछाइ, थकाइ अले वयात तसकं तःधंकी।

यशैया 9:7

वय्‌कःया शासन न्‍ह्याबलें दयाच्‍वनी, वय्‌कःया शान्‍तिया अन्‍त्‍य गुब्‍सं जुइ मखु। दाऊद जुजुया लिपा वइम्‍ह जुजु वय्‌कः हे खः। न्‍याय व धर्मया निंतिं धिसिलाक्‍क दना थनिंनिसें सदांया निंतिं राज्‍य यानादी। दक्‍व शक्ति दुम्‍ह परमप्रभुया जोशं थ्‍व पूवनी।

जकरिया 3:8

“‘हे यहोशू, दकलय् तःधंम्‍ह पुजाहारी व छंगु न्‍ह्यःने च्‍वनीपिं मेपिं पुजाहारी, गुपिं वइतिनिगु खँया चिं खः, सकसिनं थ्‍व खँ न्‍यँ– जिं जिमि दास, कचायात हये।

यशैया 53:2

व ला वय्‌कःया न्‍ह्यःने क्‍यातूगु मा थें व गंगु बं पिहां वःगु हा थें तःमा जुयावल। वयात स्‍वयेत झःझः मधाः अले बांलाः नं मजू। वयागु ख्‍वालय् झीत यःगु छुं नं मदु।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।

आमोस 9:11

“व दिंखुन्‍हु “जिं दाऊदया नाश जुइ धुंकूगु वंशयात हाकनं थापं याये, व दुंगु छेँ थें जूगु खः। जिं उकिया पःखाः दय्‌के अले उकियात हाकनं थापं याये। जिं उकियात हाकनं दय्‌के अले उकियात यक्‍व न्‍हापायागु थें दय्‌के।

यर्मिया 30:9

तर इमिसं जि परमप्रभु थः परमेश्‍वरयागु व जिं इमिगु लागि ल्‍ययाम्‍ह दाऊद जुजुया सेवा याइ।

यर्मिया 30:3

जिं जिमि प्रजा इस्राएल व यहूदायात बेबिलोनं लित हयेगु दिं वयेत्‍यंगु दु। जिं इमि पुर्खातय्‌त बियागु देशय् जिं इमित लित हये। इमिसं हाकनं उगु देशय् अधिकार याइ,’” परमप्रभुं धयादी।

यर्मिया 23:6

वयागु इलय् यहूदाया मनूतय्‌त बचय् याइ। अले इस्राएल सुरक्षित जुयाच्‍वनी। परमप्रभुं वयागु नां ‘परमप्रभु जिमिगु धार्मिकता’ तयादी।”

हिब्रू 8:8

परमेश्‍वरं इमिगु द्वंबिद्वंयात क्‍यनाः थथे धयादिल – “इस्राएलयापिं व यहूदायापिंलिसे जिं न्‍हूगु बाचा चीत्‍यनागु ई वयाच्‍वंगु दु।

यूहन्‍ना 1:45

फिलिपं नथानेलयात नाप लानाः धाल – “मोशां व्‍यवस्‍थाय् धया थकूम्‍ह व अगमवक्तातय्‌सं च्‍वया थकूम्‍ह नासरतय् च्‍वंम्‍ह योसेफया काय् येशूयात जिमिसं नापलाये धुन।”

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

दानिएल 9:24

“पाप व मभिंपाखे छिमिगु जाति व पवित्र शहरयात त्‍वःतकेत, पाप क्षमा यायेत व अधर्मया प्रायश्‍चित यायेत परमेश्‍वरं न्‍हयेगू वाः क्‍वछिनादीगु दु। उकिं दर्शन व अगमवाणी पूवनी व पवित्र देगः हानं अभिषेक जुइ।

यर्मिया 31:27

परमप्रभुं धयादी, “जिं इस्राएलया घराना व यहूदाया घरानाया मनूतय्‌गु ल्‍याः व पशुतय्‌गु ल्‍याः यक्‍व अप्‍वय्‌काबीगु दिं वयेत्‍यंगु दु।

यर्मिया 22:3

परमप्रभुं थथे धयादी – खःगु व पाय्‌छिगु ज्‍या या! लुतय् याकाच्‍वंम्‍ह मनूयात अत्‍याचारीया ल्‍हातं बचय् या! परदेशी, मांबौ मदुपिं व भाःत मदुपिन्‍त क्‍वत्‍यके बी मते! थ्‍व थासय् दोष मदुपिनिगु हिबाः वय्‌केबी मते!

यशैया 53:10

वयात दुःखकष्‍ट सह याकेगु हे परमप्रभुया इच्‍छा खः, परमप्रभुं वयागु जीवनयात पलेसा बीगु बलिदान थें यानादीसां, वं थः सन्‍तानतय्‌त खनाः थःगु दिं ताहाकय्‌की। परमप्रभुया इच्‍छा कथं व ताःलाइ।

यूहन्‍ना 1:49

वं लिसः बिल – “गुरुजु, छि ला परमेश्‍वरया हे काय् खः। छि ला इस्राएलया जुजु हे खः।”

मत्ती 2:2

अले इमिसं मनूतय्‌के थथे धकाः न्‍यन – “यहूदीतय् जुजु जुयाः बूम्‍ह गन दु? वय्‌कः बूगु खँ सीकेगु छगः नगु पुर्बय् खनागुलिं वय्‌कःयात दर्शन यायेत जिपिं थन वयागु खः।”

इजकिएल 34:29

जिं इमित अन्‍नया निंतिं नां जाइगु देश बी। उगु देशय् इपिं हाकनं गुबलें नये मखना सी मखु। इमित हाकनं जाति जातितय्‌सं हेस्‍याइ मखु।

भजनसंग्रहया सफू 80:15

छिं थःम्‍हं पिनादीगु दाखमायात बचय् यानादिसँ। छिं थःगु लागिं बल्‍लाकादीगु कचायात बचय् यानादिसँ।

भजनसंग्रहया सफू 45:4

सत्‍य व न्‍यायया निंतिं थःगु साहसनापं सवारी जुयादिसँ। छिगु जव ल्‍हातिं अजू चायापुगु ज्‍या क्‍यनेमा।

यर्मिया 22:30

परमप्रभुं थथे धयादी, “थ्‍व मनूया नां मस्‍त मदुम्‍ह धकाः च्‍व, छम्‍ह मनू गुम्‍ह थःगु जीवनकालय् ताःलाइ मखु। छाय्‌धाःसा वया सन्‍तान मध्‍ये सुं नं ताःलाइ मखु, वया सुं सन्‍तान दाऊदया सिंहासनय् च्‍वने खनी मखु अथवा यहूदाय् शासक जुइ खनी मखु।”

यर्मिया 22:15

“छु यक्‍व देवदारु दयां छ जुजु जुइ ला? छु छिमि अबुयाके नयेगु व त्‍वनेगु गाक्‍क मदुगु खः ला? वं खःगु व पाय्‌छिगु ज्‍या हे यात। अथे जुयाः वयागु भिं हे जुल।

१ कोरिन्‍थी 1:30

परमेश्‍वरं छिमित ख्रीष्‍ट येशू नाप मिलय् यानादिल। वय्‌कलं झीत ख्रीष्‍टपाखें फुक्‍क खँ सीके थुइके फय्‌कादिल। ख्रीष्‍टं यानाः हे झीपिं परमेश्‍वर नाप मिलय् जुइ खन। ख्रीष्‍टं झीत पवित्र यानाः पापं मुक्त यानादिल।

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

यर्मिया 29:11

छाय्‌धाःसा जिं छिमिगु निंतिं गुगु योजना दय्‌कागु दु, व जिं स्‍यू,” परमप्रभुं धयादी। “व छिमिगु भिंया लागि खः, छिमित स्‍यंकेत मखु, छिमित बांलाःगु भविष्‍य व आशा बीत।

इजकिएल 21:27

नाश! नाश! जिं थ्‍व शहरयात सत्‍यानाश यानाबी। थ्‍व शहरयात न्‍याय यायेगु अधिकार दुम्‍ह मवतले हाकनं थ्‍व शहरयात दय्‌की मखु। व वये धुंकाः जिं वयात थ्‍व लःल्‍हानाबी।’”

इजकिएल 45:8

थ्‍व धाःसा इस्राएलय् वयागु जमिन जुइ। इस्राएलया राजकुमारतय्‌सं जिगु प्रजायात हाकनं गुबलें अत्‍याचार याइ मखु, तर इमिसं इस्राएलया घरानायात इमिगु कुल कुलकथं जग्‍गा जमिन बी।’”

होशे 1:11

यहूदा व इस्राएलया मनूत मिले जुइ। अले इमिसं थःगु निंतिं छम्‍ह नायः ल्‍यइ, अले इपिं कैदी जुयाच्‍वंगु थासं लिहां वइ। धात्‍थें हे यिजरेलया व दिं छगू तःधंगु दिं जुइ।

२ शमूएल 23:3

इस्राएलया परमेश्‍वर नवानादिल, इस्राएलयात ल्‍वहंधी थें रक्षा यानादीम्‍हं जितः धयादिल, “गुम्‍हय्‌सिनं धार्मिकताकथं न्‍याय याइ, अले परमेश्‍वरया भय कयाः शासन याइ,

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

यशैया 9:5

लडाइँलय् सिपाइँतय्‌सं छ्यःगु फुक्‍क लाकां व हि क्‍यूगु वसःत मि छ्वय्‌का छ्वइगु जुइ।

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यशैया 33:5

परमप्रभु दक्‍वसिबय् तःधंम्‍ह जुयादीगु दु, छाय्‌धाःसा वय्‌कः दक्‍वसिबय् च्‍वय् च्‍वनादी। वय्‌कलं सियोनयात न्‍याय व धार्मिकतां जाय्‌कादीगु दु।

यशैया 45:24

इमिसं जिगु बारे थथे धाइ, ‘परमप्रभुयापाखें जक धार्मिकता व शक्ति वइ।’” वय्‌कःया विरोधय् तंपिकापिं फुक्‍क वय्‌कःयाथाय् हे वइ अले लाजय् लाइ।

इजकिएल 34:16

तंपिन्‍त जिं माले, लँ द्वंकुपिन्‍त जिं लुइकाः हये। घाःपाः जूपिन्‍त मलम तयाः पट्टी चिनाबी, बमलाःपिन्‍त बल्‍लाकाबी। तर ल्‍ह्वंपिं व बल्‍लाःपिन्‍त जिं नाश यानाबी। खःकथं बथां स्‍वइम्‍ह फैजवाः जि जुइ।

मीका 5:3

अथे जुयाः मचाबू ब्‍यथा जूम्‍ह मिसां मचा मबुइकूतले इस्राएलयात शत्रुया ल्‍हातय् त्‍वःता तइ। अले वया दाजुकिजापिं लिहां वयाः इस्राएलीतलिसें मिलय् जुइ।