यर्मिया 23:29 - नेवाः बाइबल

²⁹ जिगु वचन मि थें मच्‍वं ला? छु व ल्‍वहंयात तछ्याइगु छगू तःधंगु मुगः थें मच्‍वं ला?”

यर्मिया 23:29 Referans Kwoze

हिब्रू 4:12

छाय्‌धाःसा परमेश्‍वरयागु वचन ज्‍या याना तुं च्‍वनीगु व जीवन बीगु खः। थ्‍व निखें धाः दुगु तरवार स्‍वयाः नं ज्‍वः, थ्‍वं दुने थ्‍यंक वनाः प्राण व आत्‍मायात छुतय् यानाबी, साहाः व स्‍यःयात छुतय् यानाबी। अले मनूतय्‌गु नुगलय् च्‍वंगु खँ व इच्‍छायात ल्‍ययाः जाँचय् याइ।

यर्मिया 5:14

अथे जुयाः दक्‍व शक्ति दुम्‍ह परमप्रभु परमेश्‍वरं थथे धयादी, “मनूतय्‌सं थज्‍याःगु खँ धयाच्‍वंगुलिं जिं थःम्‍हं हे थःगु वचन छंगु म्‍हुतुइ मि, अले थुपिं मनूतय्‌त भस्‍म जुइगु सिँ दय्‌काबी।”

लूका 24:32

इमिसं थःथवय् थथे खँ ल्‍हात – “वय्‌कलं झीत धर्मशास्‍त्रयागु खँ ध्‍वाथुइकादीबलय् झीगु नुगः लसतां चंचं धाःगु मखु ला?”

यर्मिया 20:9

तर “जिं वय्‌कःया खँ पिकाये मखु, जिं हाकनं गुबलें वय्‌कःया नामय् नवाये मखु” धकाः जिं धाल धाःसा वय्‌कःया वचन जिगु नुगलय् च्‍यानाच्‍वंगु व जिगु क्‍वँचय् कुनाच्‍वंगु मि थें जुइ। उकियात पँपं जितः त्‍यानुसे च्‍वनी। धात्‍थें जिं व सह याये मफु।

प्रकाश 11:5

सुनानं इमित सास्‍ती यायेत वल धाःसा इमिगु म्‍हुतुं मि पिहां वयाः इमि शत्रुतय्‌त नाश यानाबी। सुं मनू इमित स्‍यंकेत वल धाःसा वयात नं अथे हे यानाः स्‍यानाबी।

यूहन्‍ना 6:63

परमेश्‍वरयागु आत्‍मां हे जक अनन्‍त जीवन बी। शरीर छुं यायेत नं ज्‍यालगय् मजू। जिं छिमित धयाच्‍वनागु खँ जीवन बीगु परमेश्‍वरयागु आत्‍मा खः।

प्रेरित 2:3

अले अन मियागु मे थें च्‍वंगु छुं खनेदत। थ्‍व मियागु मे कूकू दयाः इपिं फुक्‍कसिगु छेनय् छेनय् च्‍वन।

प्रेरित 2:37

थ्‍व खँ न्‍यंपिनिगु नुगलय् थ्‍यंक दुहां वन। अले इमिसं पत्रुस व मेपिं प्रेरिततय्‌त थथे धाल – “दाजुकिजापिं, अय्‌सा जिमिसं छु यायेगु लय्?”

२ कोरिन्‍थी 2:16

नाश जुइपिनिगु निंतिं थ्‍व नवःगु नरक थें खः, मुक्ति काइपिनिगु निंतिं थ्‍व नस्‍वाःगु जीवन थें खः। थथे याये फुम्‍ह सु दु?

होशे 6:5

अथे जुयाः जिं छिमित जिमि अगमवक्तातपाखें कुचा कुचा यानागु दु। जिं छिमित जिगु म्‍हुतुया वचनं स्‍यानागु दु। जिगु न्‍याय छिमिके हाबलासा थें प्‍वालापिलि च्‍यात।