यर्मिया 22:7 - नेवाः बाइबल

⁷ जिं छंगु विरोधय् नाश याइपिं छ्वयाहये, इपिं सकसिके हतियार दइ। अले इमिसं छंगु भिंगु देवदारुया धलिंत ध्‍यनाः उमित मिइ वांछ्वयाबी।

यर्मिया 22:7 Referans Kwoze

यशैया 37:24

थः दूततपाखें छं परमप्रभुयात तसकं बेइज्‍जत याःगु दु। छं थथे धाःगु दु, जिं यक्‍व रथत ज्‍वनावनाः ततःजाःगु पहाडत त्‍याकागु दु अले लेबनानया तसकं तापाःगु गुँ च्‍वका च्‍वका तक। जिं थुकिया ततःमागु देवदारुया सिमा व बांबांलाःगु सल्‍लाया सिमा पाला, अले जि उकिया तातापाःगु च्‍वका व उकिया ख्‍वातुगु गुँ दुने जि दुहां वना।

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

मत्ती 22:7

“जुजुं तमं मि जुयाः सिपाइँतय्‌त छ्वयाः व ज्‍यानमारातय्‌त स्‍याकल। अले इमिगु शहर नं छ्वय्‌काबिल।

जकरिया 11:1

हे लेबनान, खापा चाय्‌कि, गुकिं यानाः मिं छंगु देवदारुया सिमायात भस्‍म यायेमा।

यर्मिया 5:15

परमप्रभुं धयादी, “हे इस्राएल घराना, स्‍व, जिं थःम्‍हं हे यक्‍व तापाकं छिमित हमला यायेत छगू जातियात हयाच्‍वनागु दु। थ्‍व जाति बल्‍लाःगु व पुलांगु जाति खः। इमिगु भाय् छिमिसं सी मखु, इमिसं धाःगु खँ छिमिसं थुइ मखु।

यर्मिया 15:8

जिं इमि भाःत मदुपिं मिसातय्‌गु ल्‍याः समुद्रया फिया ल्‍याः स्‍वयाः अप्‍वः दय्‌काबी। जिं इमिगु विरोधय्, ल्‍याय्‌म्‍हपिनि मांया विरोधय् न्‍हिनय् नाश याइम्‍ह ब्‍वनाहये। जिं इमित आकांझाकां संकटय् लाकाबी अले इपांथिपां कंकाबी।