यर्मिया 22:19 - नेवाः बाइबल

¹⁹ बरु वयात गधायात थें थुनी, वयात साला यंकाः यरूशलेमया ध्‍वाखाया पिने वांछ्वयाबी।”

यर्मिया 22:19 Referans Kwoze

यर्मिया 36:30

उकिं यहूदाया जुजु यहोयाकीमया बारे परमप्रभुं थथे धयादी – दाऊदया गद्दीइ च्‍वनीम्‍ह वया सुं सन्‍तान दइ मखु। वयागु सीम्‍ह पिने वांछ्वइ अले न्‍हिनय् निभालय् व चान्‍हय् सुतिलखय् लानाच्‍वनी।

यर्मिया 36:6

उकिं छ अपसंया दिं परमप्रभुया देगलय् हुँ अले जिगु म्‍हुतुं न्‍यनाः छं भ्‍वँतय् च्‍वःगु परमप्रभुया खँ मनूतय्‌सं ताय्‌क ब्‍वनान्‍यंकि।

यर्मिया 15:3

परमप्रभुं धयादी, “जिं इमिगु विरोधय् प्‍यंगूकथंया नाश छ्वये। स्‍यायेत तरवार, इमिगु सीम्‍ह लुत्तुलुया यंकेत खिचात, नयेत व नाश यायेत झंगःपन्छि व जंगली पशुत।

२ इतिहास 36:6

बेबिलोनयाम्‍ह जुजु नबूकदनेसरं यहूदाय् हमला यात। वं यहोयाकीमयात ज्‍वनाः कँय्‌यागु सिखलं चिनाः बेबिलोनय् यंकल।

२ राजा 9:35

इपिं वयात थुनेत क्‍वय् वंबलय् इमिसं वयागु छ्यंया क्‍वँय्, तुति व ल्‍हाः जक लुइकल।

१ राजा 14:10

“‘अथे जुयाः जिं यारोबामया घरानाय् विपत्ति हयाबी। जिं इस्राएलय् दुपिं यारोबामया परिवारयापिं दासतनापं फुक्‍क सन्‍तानतय्‌त स्‍यानाबी। जिं यारोबामया घरानायात नाश यानाबी अले सौयात च्‍याकू थें च्‍याकाबी।

२ राजा 23:36

यहोयाकीम निइन्‍यादँ दुबलय् जुजु जुल, वं यरूशलेमय् झिंछदँ राज्‍य यात। वया मांया नां पदायाहया म्‍ह्याय् जबीदा खः। व रूमायाम्‍ह खः।

२ राजा 24:6

यहोयाकीम थः पुर्खात थें सित। वया लिपा वया काय् यहोयाकीन जुजु जुल।

उपदेशक 6:3

छम्‍ह मनूया सछिम्‍ह काय्‌पिं दयाः यक्‍व दँ तक म्‍वात, तर व यक्‍व दँ तक म्‍वानाः नं थःगु बांलाःगु अवस्‍थापाखें वयागु आत्‍मा लय्‌मताःसा अले वयात सीबलय् खःकथं मथुन धाःसा अज्‍याःम्‍ह मनू स्‍वयाः ला बूबलय् सीम्‍ह मचा हे बांलाः।

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

इजकिएल 19:8

अले प्‍यखें च्‍वंगु जाति जातियापिं मनूत थथःगु लागां वलिसें लडाइँ यायेत वल, इमिसं वयात ज्‍वनेत जाः ह्वल, अले व इमिगु गालय् लात।

इजकिएल 39:5

छ चक्‍कंगु मैदानय् हे ग्‍वतुली, छाय्‌धाःसा जि, परमप्रभु परमेश्‍वरं थ्‍व घोषणा यानागु खः।