यर्मिया 22:11 - नेवाः बाइबल

¹¹ छाय्‌धाःसा योशियाहया काय् यहोआहाज, थः अबुया थासय् यहूदाया जुजु जुल। थ्‍व हे यहोआहाज थनं वंम्‍ह खः। वयागु बारे परमप्रभुं थथे धयादी, “व हाकनं गुबलें थन लिहां वइ मखु।

यर्मिया 22:11 Referans Kwoze

१ इतिहास 3:15

योशियाहया काय्‌पिं तःधिकःम्‍ह योहानान, माइलाम्‍ह येहोयाकीम, साइँलाम्‍ह सिदकियाह, व चिधिकःम्‍ह शल्‍लूम खः।

२ राजा 23:34

फारो नेकोनं योशियाहया मेम्‍ह काय् एल्‍याकीमयात वया बौया थासय् जुजु दय्‌कल। वयागु नां हिलाः यहोयाकीम तल। वं यहोआहाजयात धाःसा मिश्र देशय् यंकल। व अन हे सित।

२ इतिहास 34:22

हिल्‍कियाह व जुजुं आज्ञा ब्‍यूपिं मनूत देगःया वसः स्‍वइम्‍ह हसराया छय् तोखतया काय् शल्‍लूमया कलाः अगमवादिनी हुल्‍दायाथाय् वन। इमिसं वनापं उकियागु बारे खँ ल्‍हात। व यरूशलेमया न्‍हूगु त्‍वालय् च्‍वनीम्‍ह खः।

२ इतिहास 28:12

एफ्राइमयापिं प्‍यम्‍ह नायःत यहोहानानया काय् अजर्याह, मशिल्‍लेमोतया काय् बेरेक्‍याह, शल्‍लूमया काय् येहिजक्‍याह व हदलैया काय् अमासां सेनाया ज्‍याया नं विरोध यात।

२ राजा 23:31

यहोआहाज निइस्‍वदँ दुबलय् जुजु जुल। वं यरूशलेमय् स्‍वला राज्‍य यात। वया मांया नां यर्मियाया म्‍ह्याय् हमुतल खः। व लिब्‍नायाम्‍ह खः।

२ राजा 23:30

योशियाहया च्‍यःतय्‌सं वयागु सीम्‍ह रथय् तयाः मगिद्दों यरूशलेमय् हल। वयात वयागु हे चिहानय् थुन। अनंलि देशयापिं मनूतय्‌सं योशियाहया काय् यहोआहाजयात अभिषेक यानाः वया बौया थासय् जुजु दय्‌कल।

सपन्‍याह 1:1

यहूदाया जुजु योशियाहं राज्‍य याना च्‍वंबले परमप्रभुयागु थ्‍व वचन सपन्‍याहयाके वल। सपन्‍याह हिजकियाया उइ, अमर्याहया छुइ, गदल्‍याहया छय् व कूशीया काय् खः।

२ राजा 23:29

योशियाह जुजु जुयाच्‍वंबलय् हे मिश्र देशयाम्‍ह जुजु फारो नेको अश्‍शूरयाम्‍ह जुजुयात ग्‍वाहालि यायेत यूफ्रटिस खुसि तक वन। योशियाह जुजु वलिसें लडाइँ यायेत न्‍ह्यज्‍यात। तर नेकोनं वलिसें लडाइँ यानाः वयात मगिद्दोय् स्‍यात।

यर्मिया 22:27

छिमिसं लिहां वये मास्‍तिवय्‌कूगु देशय् छिपिं गुबलें लिहां वइ मखु।”