यर्मिया 21:6 - नेवाः बाइबल

⁶ जिं थ्‍व शहरय् दुपिं मनूत व पशुत निखलःसित हे स्‍यानाबी। इपिं महामारीं सी।

यर्मिया 21:6 Referans Kwoze

सपन्‍याह 1:3

“जिं दक्‍व मनूत व पशुत निथिंयात भज्‍यंक नाश यानाबी। जिं आकाशय् ब्‍वइपिं झंगःत व समुद्रय् च्‍वंपिं न्‍यातय्‌त भज्‍यंक नाश यानाबी। जिं फुक्‍क मनूजातियात पृथ्‍वीं मदय्‌का छ्वयेबलय् दुष्‍टतय्‌गु निंतिं ल्‍वहंया कुचाकाचाया द्वँ जक दइ,” परमप्रभुं धयादी।

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

इजकिएल 14:21

“परमप्रभु परमेश्‍वरं थथे धयादी – जिं यरूशलेमय् अन च्‍वंपिं मनूत व पशुत स्‍यायेत जिगु प्‍यंगू सजाँय– तरवार, अनिकाल, गुँपशुत व महामारी छ्वयेबलय् झन गुलि बांमलाइगु जुइ!

इजकिएल 14:19

“अथवा जिं उगु देशय् महामारी छ्वल अले हिबाः वय्‌काः अन च्‍वंपिं मनूत व पशुत स्‍यानाः जिगु तं प्‍वंकल धाःसा,

इजकिएल 14:17

“अथवा थ्‍व देशया विरोधय् तरवार हयाः ‘देशया प्‍यखें थ्‍व तरवार चले जुइमा’ धकाः जिं धाल धाःसा अले जिं अन च्‍वंपिं मनूत व पशुत स्‍यानाबिल धाःसा,

इजकिएल 14:13

“अय् सीमानिम्‍ह मनू, धाये कि, देशं जिगु विरोधय् पापयात अले व देशयागु नसा वइगु दिकेत व अन अनिकाल छ्वयेत अले अनयापिं मनूत व पशुत स्‍यायेत जिं वयागु विरोधय् ल्‍हाः ल्‍ह्वन धाःसा,

यर्मिया 33:12

“दक्‍व शक्ति दुम्‍ह परमप्रभुं थथे धयादी, ‘थ्‍व सुनसान मनूत व पशुत मदुगु थासय्, थुकियागु फुक्‍क शहरय् थः बथांतय्‌त आराम बीत फैजवाःतय्‌गु निंतिं हाकनं घाँय् दुगु ख्‍यःत दइ।

यर्मिया 32:24

“स्‍वयादिसँ, शहर कब्‍जा यायेत बेबिलोनीतय्‌सं प्‍यखेरं घेरय् याःगु दु। तरवार, अनिकाल व महामारीया कारणं शहर इमिगु ल्‍हातय् लाइ। छिं धयादीगु फुक्‍क खँ आः पूवन, व छिं खं।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

इजकिएल 33:29

जिं इमिसं याःगु घच्‍चाइपुगु ज्‍याया निंतिं देशयात झिजांमिजां व सुनसान यानाबीबलय् इमिसं जि हे परमप्रभु खः धकाः सी।’

इजकिएल 33:27

“इमित धा, ‘परमप्रभु परमेश्‍वरं थथे धयादी – गथे जि धात्‍थें म्‍वाःम्‍ह खः, नाश जूगु शहरय् च्‍वनाच्‍वंपिं मनूत तरवारं सी। ख्‍यलय् दुपिन्‍त जिं गुँपशुतय्‌त नयेत बी। किल्‍लाय् व गुफाय् दुपिं महामारीं सी।

इजकिएल 12:16

तर जिं इपिं मध्‍ये गुलिंसित तरवार, अनिकाल व महामारीपाखें बचय् याये, अले इपिं गन गन वनी अनया जात जातितय्‌गु दथुइ इमिसं थःम्‍हं यानागु ज्‍या घच्‍चाइपुगु खः धकाः स्‍वीकार याइ, अले इमिसं जि हे परमप्रभु खः धकाः सी।”

इजकिएल 7:15

पिने तरवार दु, दुने महामारी व अनिकाल दु, गामय् दुपिं तरवारपाखें सी, अले शहर दुने दुपिन्‍त अनिकाल व तरवारं नइ।

यर्मिया 42:22

उकिं आः धात्‍थें छिमिसं सीकाति, छिपिं च्‍वंवने मास्‍तिवय्‌कूगु थासय् हे छिपिं तरवार, अनिकाल व महामारीं सी।”

यर्मिया 36:29

यहूदायाम्‍ह जुजु यहोयाकीमयात थथे नं धा, ‘परमप्रभुं थथे धयादी – छं व भ्‍वंया थू छ्वय्‌काः थथे धाल, “छाय् छं व भ्‍वंया थूलय् बेबिलोनयाम्‍ह जुजु धात्‍थें वइ, अले थ्‍व देशयात नाश यानाः थनयापिं मनूत व पशुतय्‌त स्‍याइ धकाः च्‍वयागु?”

यर्मिया 34:17

“उकिं परमप्रभुं थथे धयादी – छिमिसं जिगु आज्ञा पालन याःगु मदु। अले थः मनूतय्‌त स्‍वतन्‍त्र यायेगु घोषणा याःगु मदु। उकिं आः जिं थःम्‍हं हे छिमिगु निंतिं स्‍वतन्‍त्र यायेगु घोषणा याये, छिमित तरवार, महामारी व अनिकालं सीगु घोषणा याये। जिं छिमित पृथ्‍वीया राज्‍य राज्‍यया निंतिं घच्‍चाइपुपिं यानाबी।

यर्मिया 14:12

इपिं अपसं च्‍वंसां जिं इमिगु सः न्‍यने मखु। इमिसं होमबलि व अन्‍नबलि छाःसां जिं व नालाकाये मखु। उकिया पलेसा जिं इमित तरवार, अनिकाल व महामारीं नाश याये।”

यर्मिया 7:20

उकिं परमप्रभु परमेश्‍वरं धयादी, “थ्‍व थासय् जिं जिगु तं प्‍वंकाबी। मनू व पशु, ख्‍यलय् च्‍वंगु सिमा व बुँया बाली प्‍वंकाबी। जिगु तं मि थें च्‍यानाच्‍वनी, सुनानं उकियात क्‍वलाके फइ मखु।”

उत्‍पत्ति 6:7

अले परमप्रभुं धयादिल, “जिं सृष्‍टि यानापिं फुक्‍क मनूतय्‌त पृथ्‍वीं न्‍हंकाछ्वयाबी। अज्‍ज ला फुक्‍क पशु, बँय्‌ घिसय् जुयाजुइपिं जन्‍तुत व आकाशय् च्‍वंपिं पंक्षीतय्‌त तकं न्‍हंकाछ्वयाबी। छाय्‌धाःसा थुमित सृष्‍टि यानाः जि पस्‍ताय् चाये धुन।”

यर्मिया 16:4

“इपिं ग्‍यानापुगु ल्‍वचं सी। इमिगु लागिं सुं नं ख्‍वइ मखु वा सुनानं इमित थुनी मखु। इपिं बँय् फोहर थें लानाच्‍वनी। इपिं तरवार व अनिकालं नाश जुइ, इमिगु सीम्‍ह आकाशयापिं झंगःपन्छित व पृथ्‍वीयापिं पशुतय्‌गु नयेगु नसा जुइ।”

यर्मिया 20:4

छाय्‌धाःसा परमप्रभुं थथे धयादी, ‘जिं थःम्‍हं हे छन्‍त छंगु थःगु हे निंतिं व छिमि पासापिनिगु निंतिं भयया कारण यानाबी। छं खंक हे इमित इमि शत्रुतय्‌गु तरवारं स्‍याइ। जिं फुक्‍क यहूदायात बेबिलोनया जुजुया ल्‍हातय् लःल्‍हानाबी। वं इमित ज्‍वनाः बेबिलोनय् यंकी, अथवा इमित तरवारं स्‍याइ।