यर्मिया 21:13 - नेवाः बाइबल

¹³ जि थः हे छंगु विरोधय् दु, अय् यरूशलेम, अय् थ्‍व ब्‍यासिया च्‍वय् च्‍वंपिं, ल्‍वहंया ल्‍वहं दुगु तज्‍जाःगु माथंवंगु थासय् च्‍वंपिं, जि, परमप्रभुं धाये, छिमिसं धाइ “सुनां जिमित हमला याये फइ? वा जिपिं च्‍वनेगु थासय् सु दुहां वये फइ?”

यर्मिया 21:13 Referans Kwoze

इजकिएल 13:8

“‘उकिं परमप्रभु परमेश्‍वरं छिमित थथे धयादी – छिमिसं मखुगु खँ ल्‍हाःगुलिं व मखुगु दर्शन खंगुलिं जि छिमिगु विरोधय् दु, परमप्रभु परमेश्‍वरं धयादी।

विलाप 4:12

सुं शत्रु यरूशलेमया मू ध्‍वाखात जुयाः दुहां वनी धकाः पृथ्‍वीया सुं जुजु व संसारया सुं मनुखं विचाः हे मयाः।

मीका 3:11

अनच्‍वंपिं नायःतय्‌सं घुस कयाः न्‍याय याइ। अन च्‍वंपिं पुजाहारीतय्‌सं ज्‍याला कयाः स्‍यनी। अले अगमवक्तातय्‌सं धिबाया लागि अगमवाणी याइ। अथे जूसां इमिसं परमप्रभुयाके भलसा कयाः थथे धाइ “परमप्रभु झीगु दथुइ च्‍वनादीगु दु, झीत मभिं जुइ मखु।”

यर्मिया 50:31

“हे घमण्‍डी, स्‍व, जि हे छंगु विरोधय् दु,” प्रभु, दक्‍व शक्ति दुम्‍ह परमप्रभुं धयादी, “छाय्‌धाःसा छंगु दिं वःगु दु, जिं छन्‍त सजाँय बीगु दिं।

भजनसंग्रहया सफू 125:2

पहाडत यरूशलेमया छचाःखेरं दु थें आवंलि अले न्‍ह्याबलें परमप्रभु थः मनूतय् छचाःखेरं दी।

यर्मिया 49:16

छं हःपाः ब्‍यूगु भय व छंगु नुगःया घमण्‍डं छन्‍त ध्‍वंलाःगु दु। हे ल्‍वहंधीया कापिचाय् च्‍वनीपिं, हे डाँडाया च्‍वका च्‍वकाय् ढुक्‍क जुयाः च्‍वनीपिं, तर छ इमा थें च्‍वय् च्‍वय् ब्‍वःसां, अले नगुतय्‌गु दथुइ छेँ दय्‌का च्‍वंसां अनं जिं छन्‍त बँय् कुर्काबी,” परमप्रभुं धयादी।

यर्मिया 21:5

ल्‍हाः ल्‍ह्वनाः बल्‍लाःगु लप्‍पां जि थः हे तच्‍वःगु तम्‍वय् व क्रोधय् छिपिंलिसें ल्‍वाये।

यशैया 22:1

दर्शनया ब्‍यासिया बारे अगमवाणी– छिमित छु जुल अले छिपिं सकलें छाय् फुक्‍क छेँया कःसिइ थाहां वनागु?

यर्मिया 51:25

“हे नाश याइगु पहाड, गुगु फुक्‍क पृथ्‍वीयात नाश याइगु खः, स्‍व! जि हे छंगु विरोधय् दु,” परमप्रभुं धयादी, “अले जिं थःगु ल्‍हाः छंगु विरोधय् न्‍ह्यज्‍याके। छन्‍त भीरं क्‍वय् क्‍वफानाबी, अले छन्‍त मिं नःगु पहाड यानाबी।

यर्मिया 7:4

मखुगु खँय् भलसा कयाः थथे धाये मते “थ्‍व हे परमप्रभुया देगः खः, परमप्रभुया देगः खः, परमप्रभुया देगः खः!”

प्रस्‍थान 13:8

उखुन्‍हु छिमिसं थःकाय्‌यात धा, ‘जि मिश्रं पिहां वयाबलय् परमप्रभुं जिगु निंतिं छु छु यानादिल, व हे जिं यानागु खः।’

प्रस्‍थान 13:20

इपिं सुक्‍कोतं वनाः मरुभूमिया लिक्‍कसं लाःगु एथामय् पाल ग्‍वयाः च्‍वन।

इजकिएल 5:8

“उकिं जि, परमप्रभु परमेश्‍वरं थथे धाये – हे यरूशलेम, जि हे छंगु विरोधय् दु, अले मेगु जातितय्‌गु न्‍ह्यःने हे जिं थःम्‍हं छन्‍त सजाँय बी।

इजकिएल 21:3

वयात थथे धा, ‘परमप्रभुं थथे धयादी, स्‍व! जि छंगु विरोधय् दु। जिं दापं थःगु तरवार लिकयाः छिपिं मध्‍ये धर्मी व दुष्‍ट निखलःसितं स्‍यानाबी।

इजकिएल 34:10

जि, परमप्रभु परमेश्‍वर थथे न्‍ववानागु दु – जि फैजवाःतय्‌गु विरोधय् दु। जिं इमिके थःगु बथांया ल्‍याःचाः काये। जिं उपिं फैजवाःतय्‌त बथांयात नकेगु ज्‍यापाखें लिकयाबी, इमिसं हाकनं थथःगु प्‍वाः जाय्‌के खनी मखु। जिं छिमिगु म्‍हुतुं जिगु बथांयात बचय् याये, अले जिम्‍ह फैत इमिगु निंतिं आहारा जुइ मखु।’”

नहूम 2:13

दक्‍व शक्ति दुम्‍ह परमप्रभुं धयादी, “जि छंगु विरोधय् दु। जिं छंगु रथतय्‌त च्‍याकाबी अले अन कुँया कुं जुइ, अले ल्‍याय्‌म्‍ह सिंहतय्‌त तरवारं स्‍याइ। जिं छंगु निंतिं पृथ्‍वीइ शिकार त्‍वःते मखु। अले छन्‍त खबर हइम्‍हय्‌सिया सः आवंलि न्‍यनेदइ मखु।”

यर्मिया 17:3

थ्‍व देशय् दुगु जिगु पर्वत व छिमिगु फुक्‍क धन-सम्‍पत्ति छिमिगु पुजा याइगु थाय्‌नापं देश न्‍यंकया पापया कारणं जिं छिमि शत्रुतय्‌त लुटपाट याकेबी।