यर्मिया 20:13 - नेवाः बाइबल

¹³ परमप्रभुया लागि म्‍ये हा! परमप्रभुया प्रशंसा या! वय्‌कलं मगाःमचाःपिनिगु प्राणयात दुष्‍टतय्‌गु ल्‍हातं त्‍वःतकादी।

यर्मिया 20:13 Referans Kwoze

यशैया 25:4

मगाःमचाःपिं व चीमिपिनिगु निंतिं, छि बल्‍लाःगु शरण कायेगु थाय् जुयादीगु दु। छि इमिगु निंतिं ग्‍वःफय् वइबलय् शरण कायेगु थाय् व क्‍वइगु निभालं बचय् जुइत किचः जुयादीगु दु। दयामदुपिं मनूतय्‌सं पखालय् ग्‍वःफय् जू वः थें,

भजनसंग्रहया सफू 69:33

परमप्रभुं मगाःमचाःपिनिगु सः न्‍यनादी। अले कुना तःपिं थः मनूतय्‌त ल्‍वःमंकादी मखु।

भजनसंग्रहया सफू 72:4

जुजुं चीमिपिन्‍त नं उतिग्‍यंक बिचाः यायेमा, मगाःमचाःपिन्‍त ग्‍वाहालि यायेमा अले इमित क्‍वत्‍यलातःपिन्‍त न्‍हंकाछ्वयेमा।

भजनसंग्रहया सफू 34:6

थ्‍व दुःखीम्‍ह मनुखं सःतल, परमप्रभुं न्‍यनादिल, अले फुक्‍क दुःखकष्‍टपाखें वयात बचय् यानादिल।

यर्मिया 15:21

“मभिंपिं मनूतय्‌गु ल्‍हातं जिं छन्‍त बचय् याये, अले दयामाया मदुपिनिगु ल्‍हातं जिं छन्‍त त्‍वःतके।”

यर्मिया 31:7

परमप्रभुं थथे धयादी, “लय्‌तातां याकूबया मनूतय्‌गु निंतिं म्‍ये हा! ततःधंगु जातिया निंतिं तःसलं हा! तःसलं प्रशंसा यानाः धा, ‘हे परमप्रभु, थः प्रजा, इस्राएलया ल्‍यनाच्‍वंपिन्‍त उद्धार यानादिसँ।’