यर्मिया 2:3 - नेवाः बाइबल

³ उबलय्, इस्राएल परमप्रभुया निंतिं पवित्र खः, व वय्‌कःया सन्‍तानत मध्‍ये न्‍हापांम्‍ह खः। वय्‌कःया मनूतय्‌त मभिं याःपिं फुक्‍क दोषी ठहरय् जुल, अले इमिके विपत्ति वल।’” परमप्रभुं धयादी।

यर्मिया 2:3 Referans Kwoze

प्रकाश 14:4

थुपिं मिस्‍तनापं लसपस मजूनिपिं च्‍वखपिं खः। थुपिं चीधिकःम्‍ह भ्‍याःचायागु जक ल्‍यूल्‍यू जुइपिं खः। परमेश्‍वर व चीधिकःम्‍ह भ्‍याःचायागु लागि संसारं लिफ्‍याना हःपिं दकलय् न्‍हापायापिं मनूत, थुपिं हे खः।

याकूब 1:18

वय्‌कलं सृष्‍टि यानादीगु मध्‍ये न्‍हापांगु फल झीपिं जुइ फयेमा धकाः सत्‍य वचनपाखें झीत थःम्‍हं ल्‍ययादीगु खः।

यशैया 41:11

“छनापं तंम्‍वःपिं फुक्‍क धात्‍थें हे लाजय् लाइ, अले बेइज्‍जत जुइ। छन्‍त विरोध याइपिं छुं मखुपिं जुइ अले नाश जुयावनी।

रोमी 11:16

छायेहःगु छकुचा जक छ्वचुं पवित्र जूसां न्‍हायातःगु छ्वचुं छग्‍वारां पवित्र जुइ। अथे हे सिमाया हा पवित्र जूसा कचामचा नं पवित्र जुइ।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

यर्मिया 50:7

इमित नापलाकूपिन्‍सं इमित नयाबिल। इमि शत्रुतय्‌सं धाल, ‘थुकी जिमिगु छुं दोष मदु, छाय्‌धाःसा इमिसं इमिगु खःगु च्‍वनेगु थाय् परमप्रभु, इमि पुर्खातय्‌गु आशा, परमप्रभुया विरोधय् पापयात।’

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

यर्मिया 12:14

परमप्रभुं थथे धयादी, “जि थः प्रजा इस्राएलयात अधिकार यायेत बियागु देश कब्‍जा याःपिं जिम्‍ह दुष्‍ट जःलाखःलातय्‌त जिं थम्‍हं हे सिमायात थें लिनाकयाः इमिगु देशं पितिनाछ्वये। यहूदाया घरानायात नं जिं इमिगु दथुं लिनाकाये।

व्‍यवस्‍था 14:2

छाय्‌धाःसा छिपिं परमप्रभु छिमि परमेश्‍वरया लागिं छगू पवित्र जाति खः। परमप्रभुं पृथ्‍वीइ दुपिं जातितपाखें छिमित थः विशेष मनूत, मू वंगु सम्‍पत्ति जुइत ल्‍ययादीगु दु।

व्‍यवस्‍था 7:6

परमप्रभु छिमि परमेश्‍वरया निंतिं छिपिं छगू पवित्र जाति खः। परमप्रभु छिमि परमेश्‍वरं पृथ्‍वीइ दुपिं सकलें मनूतय् दथुं थःगु निंतिं विशेष सम्‍पत्तिकथं छिमित ल्‍ययादिल।

गन्‍ती 18:12

“इस्राएलीतय्‌सं दँय्‌दसं जितः छायेहइगु न्‍हापांगु बालीया भिंगु भिंगु फुक्‍कं जिं छन्‍त हे बियागु दु, गथेकि, जैतूनया चिकं, न्‍हूगु दाखमद्य व अन्‍न।

रोमी 16:5

इमिगु छेँय् मुनीगु मण्‍डलीयात नं ज्‍वजलपा दु। जितः यःम्‍ह अले एशियाय् दकलय् न्‍हापां ख्रीष्‍टयात विश्‍वास यानादीम्‍ह इपेनितसयात जिगु ज्‍वजलपा दु धकाः न्‍यंकाब्‍यु।

जकरिया 1:15

अय्‌नं जि सुरक्षित जुयाः याउँक च्‍वनाच्‍वंपिं मेमेगु जातितलिसे तसकं तंम्‍वयागु दु। जि थः मनूतलिसें भचा जक तम्‍वयागु खः। अय्‌नं जिं सजाँय बीगु यानागु उपिं जातितय्‌सं इमित बांमलाःगु व्‍यवहार यात।’

योएल 1:3

छिमि काय् म्‍ह्याय्‌पिन्‍त थ्‍व खँ न्‍यंकि, अले छिमि काय् म्‍ह्याय्‌पिन्‍सं इमि काय् म्‍ह्याय्‌पिन्‍त न्‍यंकेमाः अले इमि काय् म्‍ह्याय्‌पिन्‍सं मेगु पुस्‍तायात न्‍यंकेमाः।

यर्मिया 30:16

“‘छन्‍त नःपिं सकसितं नइ। छिमि फुक्‍क शत्रुतय्‌त देशं पितिनाछ्वइ। छंगु धन-सम्‍पत्ति लाकाकाइपिनिगु धन-सम्‍पत्ति लाका काइ। छन्‍त स्‍यंकीपिन्‍त जिं स्‍यंके।’

यशैया 47:6

जि जिमि प्रजा खनाः तंम्‍वयागु खः, अले जिं थः हे मनूयात अशुद्ध ठहरे याना। जिं इमित छंगु ल्‍हातय् बिया, तर छं इमित दयामाया मयात। बुरातय्‌त नं छं थःगु झ्‍यातुगु ककुसिँ क्‍वबिकल।

व्‍यवस्‍था 26:19

अथे यात धाःसा वय्‌कलं छिमित मेगु जातित स्‍वयाः तःधंकादी। अनंलि छिमित हनाबना व नां दइ। अले परमप्रभु छिमि परमेश्‍वरं बचं बियादीगु थें छिपिं वय्‌कःया पवित्र जाति जुइ।

प्रस्‍थान 23:16

“थःगु बुँइ सःगु बालीया न्‍हापांगु फल छायाः सामाज्‍याया नखः हँ। “अले दक्‍वसिबय् लिपा थःगु बुँइ सःगु फल खानाः ‘फल खायेगु नखः’ हँ।

प्रस्‍थान 22:29

“जितः थःगु बुँयागु बाली व दाखरस छायेत लिबाके मते। “छिमिसं थःपिनि न्‍हापां बूपिं काय्‌पिं जिगु निंतिं फ्‍यायेमाः।

आमोस 6:1

सियोनय् मोजमज्‍जा यानाः आरामं च्‍वनाच्‍वंपिन्‍त व सामरियाया डाँडाय् थःत सुरक्षित ताय्‌कीपिन्‍त धिक्‍कार। छिपिं न्‍हापांगु जातिया नांजाःपिं मनूत खः, ग्‍वाहालि फ्‍वनेत छिमिथाय् इस्राएलया मनूत वयाच्‍वनी।

यर्मिया 2:4

हे याकूबया घराना, इस्राएलया घराना, परमप्रभुया वचन न्‍यँ।

हबकूक 1:11

अले इपिं ग्‍वःफय् थें तसकं ब्‍वाँय्‌ वइ, वनी। इपिं दोषी मनूत खः, इमिगु बल हे इमि द्यः खः।”