यर्मिया 2:2 - नेवाः बाइबल

² “छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

यर्मिया 2:2 Referans Kwoze

इजकिएल 16:60

अथे जूसां छ ल्‍याय्‌म्‍हबलय् छलिसें यानागु जिगु बाचायात लुमंकाः जिं छलिसें सदांया बाचा ची।

इजकिएल 16:8

“‘अनंलि जि छंगु लिक्‍क जुयाः वनाबलय् जिं छन्‍त मतिना याये ज्‍यूगु उमेरय् थ्‍यंगु खना। स्‍व, जिं थःगु गाः चक्‍कंकाः छंगु नांगा म्‍हय् फाय्‌काबिया। जिं छलिसें पाफयाः ब्‍याहाया बाचा चिना, अले छ जिम्‍ह जुल, परमप्रभु परमेश्‍वरं धयादी।

यर्मिया 11:6

परमप्रभुं जितः धयादिल, “यहूदाया फुक्‍क शहर व यरूशलेमया गल्‍लि गल्‍लिइ वनाः थथे धाधां थ्‍व फुक्‍क वचन न्‍यंकि– छिमिसं थ्‍व बाचाया शर्त ध्‍यान बियाः न्‍यँ, अले उकियात पालन या!

यर्मिया 7:2

“परमप्रभुया देगःया मू लुखाय् दनाः थ्‍व खँ न्‍यंकि, “‘परमप्रभुया आराधना यायेत थ्‍व मू लुखां दुहां वःपिं छिपिं यहूदायापिं सकलें मनूत, परमप्रभुया वचन न्‍यँ।

व्‍यवस्‍था 2:7

परमप्रभु परमेश्‍वरं छिमित ल्‍हातं यायेगु फुक्‍क ज्‍याय् सुवाः बियादीगु दु। वय्‌कलं छिमित थ्‍व तःधंगु मरुभूमिया यात्रा दुच्‍छि बिचाः यानादीगु दु। थुपिं पिइदँया इलय् परमप्रभु परमेश्‍वर छिपिंनापं च्‍वनादीगु दु। अले छिमित छुं नं मगाःमचाः जूगु मदु।

होशे 2:15

अन जिं वयात वयागु दाखया क्‍यब लितबी, अले आकोरया ब्‍यासियात आशाया लुखा यानाबी। अन वं थःगु ल्‍याय्‌म्‍हबलय्‌यागु दिं थें व मिश्र देशं वःगु दिं थें म्‍ये हाली।

यर्मिया 2:6

इमिसं थुलि तक नं मधाः, ‘झीत मिश्र देशं च्‍वय् हयादीम्‍ह अले मरुभूमिइ, गंगु जमिन व न्‍हसिकाप दुगु, लः मदुगु सुनानं पलाः मतःगु, सुं नं मच्‍वनीगु तसकं खिउँगु देशया दथुं ब्‍वना हयादीम्‍ह परमप्रभु गन दी?’

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।

प्रस्‍थान 14:31

अले इस्राएलीतय्‌सं परमप्रभुं मिश्रीतय्‌गु विरोधय् क्‍यनादीगु तःधंगु शक्ति खनाः परमप्रभुयागु ग्‍याःभय काल। अले परमप्रभु व वय्‌कःया च्‍यः मोशायात पत्‍याः यात।

मत्ती 11:15

सुयाके न्‍हाय्‌पं दु वं न्‍यना का।”

लूका 12:13

मनूतय्‌गु हुलं छम्‍ह मनुखं येशूयात थथे धाल – “गुरुजु, जिमि दाजुयात अबुया सम्‍पत्ति इनाब्‍यु धकाः धयादिसँ रे।”

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

इजकिएल 23:19

अय्‌नं वं थः ल्‍यासेबलय् थःम्‍हं मिश्रय् याःगु वेश्‍याया ज्‍यायात लुमंकाः वं थःगु वेश्‍याया ज्‍यायात झन झन अप्‍वय्‌काहल।

इजकिएल 23:8

थः मिश्र देशय् दुबलय्‌निसें याःगु वेश्‍याया ज्‍या वं त्‍वःमतू। छाय्‌धाःसा व ल्‍यासेबलय् मनूत वलिसें द्यन, वयागु कुमारी अवस्‍थायागु दुरुप्‍वलय् इमिसं ल्‍हाः तल, अले वलिसें व्‍यभिचार यात।

इजकिएल 23:3

इमिसं मिश्रय् ल्‍यासेबलय् हे वेश्‍याया ज्‍या यात। अन इमिगु दुरुप्‍वः ज्‍वन, अले इमिगु कुमारी म्‍हयात तिसिल।

इजकिएल 16:22

छंगु थ्‍व फुक्‍क घच्‍चाइपुगु ज्‍या व वेश्‍याया ज्‍याय् छं थःगु ल्‍याय्‌म्‍हबलय्‌या दिंत लुममंकू– उबलय् छ नांगा, वसः मदुम्‍ह व थःगु हिइ ग्‍वारा ग्‍वारा तुलाच्‍वंगु खः।

यर्मिया 19:2

तज्‍याःगु थलया ध्‍वाखां बेन-हिन्‍नोमया ब्‍यासिइ हुँ अले अन जिं छन्‍त धयागु खँ कँ।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

श्रेष्‍ठगीत 3:11

हे सियोनया म्‍ह्याय्‌पिं, पिने पिहां वा, जुजु सोलोमनं मुकुट पुगू स्‍वः वा, व मुकुट वया मांनं ब्‍याहाया दिंखुन्‍हु लय्‌ताःबलय् वयात पुइकाब्‍यूगु खः।

हितोपदेश 1:20

बुद्धि सतकय् सतकय् च्‍वनाः चिल्‍लाय् दनाच्‍वंगु दु। चुकय् चुकय् च्‍वनाः वं सः तयाच्‍वंगु दु।

प्रस्‍थान 16:8

मोशां हानं धाल, “परमप्रभुं छिमित बहनिइ नयेत ला व सुथय् माक्‍व नसा बीबलय् छिमिसं थ्‍व फुक्‍क वय्‌कलं यानाच्‍वंगु खः धकाः सी। छाय्‌धाःसा वय्‌कलं छिमिसं वय्‌कःया विरोधय् याःगु कचकच न्‍यनादीगु दु। छिमिसं जिमिगु विरोधय् मखु, बरु परमप्रभुया विरोधय् कचकच यानाच्‍वंगु दु।”

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

प्रकाश 2:4

“अय्‌नं छिमिसं जितः न्‍हापा न्‍हापा माया याना जू थें थौंकन्‍हय् मयात धकाः जिं छिमित धायेमाल।

भजनसंग्रहया सफू 129:1

इमिसं इस्राएल ल्‍याय्‌म्‍ह जूबलय् निसें हे सास्‍ती बियावयाच्‍वंगु दु। इस्राएलं थथे धायेमा,

यर्मिया 2:1

परमप्रभुयागु थ्‍व वचन जिथाय् वल,

यर्मिया 3:4

अय्‌नं छं जितः थथे धाइ, ‘हे जिम्‍ह अबु, छि जिम्‍ह ल्‍याय्‌म्‍हबलय्‌याम्‍ह पासा खः।

होशे 2:7

व थः प्रेमीपिनिगु ल्‍यूल्‍यू वनी तर वं नापलाके फइ मखु। वं इमित माली तर लुइकी मखु। अले वं थथे धाइ, ‘जि न्‍हापायाम्‍ह भाःतयाथाय् हे लिहां वने, छाय्‌धाःसा जिगु न्‍हापायागु अवस्‍था आःयागु अवस्‍था स्‍वयाः बांलाः।’

व्‍यवस्‍था 33:3

मनूतय्‌त माया याइम्‍ह धात्‍थें छि हे खः, फुक्‍क पवित्र मनूत छिगु हे ल्‍हातय् दु। इपिं सकसिनं छिगु तुतिइ थःपिनिगु छ्यं क्‍वछुकी, अले छिपाखें सय्‌का सीका काइ,

श्रेष्‍ठगीत 3:6

ब्‍यापार याइपिन्‍सं मिइगु मूर्र व गुगुं नस्‍वाः वय्‌काः, मरुभूमिं पिहां वःगु थ्‍व कुँत्‍याः थें ज्‍याःगु छु खः?

होशे 2:17

जिं वयात हाकनं गुबलें बालद्यःया नां काय्‌केबी मखु, अले इमिगु नां हाकनं गुबलें काइ मखु।

होशे 9:10

“अय् इस्राएल, छन्‍त दकलय् न्‍हापालाक नापलाःबलय् जितः मरुभूमिइ बुयावःगु दाख लूगु थें जुल। जिं छिमि पुर्खात दकलय् न्‍हापालाक खंबलय् जितः दाखमाय् न्‍हापां सःगु यःमरि फल खंगु थें जुल। तर इपिं बाल-पोरय् थ्‍यंबलय् इमिसं थःत घच्‍चाइपुस्‍से च्‍वंगु मूर्तितय्‌त अर्पण यात, इमिसं पुजा याःपिं मूर्ति थें इपिं मछालेपुस्‍से च्‍वंपिं जुल।

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।