यर्मिया 2:19 - नेवाः बाइबल

¹⁹ छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 2:19 Referans Kwoze

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

भजनसंग्रहया सफू 36:1

दुष्‍टतय्‌गु दुनुगलंनिसें पाप हाला हइ। इमिके परमेश्‍वरयागु ग्‍याःभय भ्‍याः भचा हे दइ मखु।

होशे 5:5

इस्राएलया तःधंसुं वयागु हे विरोधय् साक्षी बी। इस्राएल व एफ्राइम नं थथःगु पापय् लुफिं हाइ। यहूदा नं इपिंनापं लुफिं हाइ।

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

होशे 11:7

जिमि मनूत जिपाखें फस्‍वया वनेगु जिद्दी यानाच्‍वंगु दु। इमिसं दकलय् तःधंम्‍ह परमेश्‍वयात सःतूसां जिं इमित च्‍वछाये मखु।

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

रोमी 3:18

इमिके परमेश्‍वरयागु ग्‍याःभय भ्‍याःभचा हे दइ मखु।”

जकरिया 7:11

“‘अय्‌नं जिराहा जुयाः जि मनूतय्‌सं जिगु खँ मन्‍यं। इमिसं थःगु न्‍हय्‌पं तित।

होशे 14:1

अय् इस्राएल, परमप्रभु थः परमेश्‍वरयाथाय् लिहां वा। छंगु पापं यानाः हे छ पतन जूगु दु।

यर्मिया 8:5

अथे खःसा थुपिं यरूशलेमयापिं मनूत छाय् परमेश्‍वरयात त्‍वःताः फस्‍वयावन? इमिसं मूर्ति पुजा याना हे च्‍वंगु दु। इमिसं जिथाय् लिहां वये म्‍हां धाल।

होशे 4:16

इस्राएली मनूत मचाःम्‍ह सा थें अतेरि खः। अले गथे यानाः परमप्रभुं तःधंगु ख्‍यलय् इमित चीधिकःम्‍ह भ्‍याःचा थें ज्‍वये फइ?

यर्मिया 5:22

छिपिं जिलिसें ग्‍याये म्‍वाः ला?” परमप्रभुं धयादी। “छिपिं जिगु न्‍ह्यःने थरथर खाये म्‍वाः ला? जिं फियात समुद्रं पुलावने मफइगु न्‍ह्याबलें दयाच्‍वनीगु पंगःया सिमाना यानाबिया। अले थुकिया लबुत थाहां वःसां उपिं त्‍याइ मखु। उपिं थ्‍वय्‌क हाःसां उकियात पुलावने फइ मखु।

यर्मिया 3:22

“हे विश्‍वास याये बहःमजूपिं मनूत, छिपिं सकलें जिथाय् लिहां वा, जिं छिमित लाय्‌काबी, अले जिं छिमित विश्‍वास यायेबहःपिं यानाबी।” मनूतय्‌सं लिसः बी, “स्‍वयादिसँ, जिपिं छिथाय् लिहां वये, छाय्‌धाःसा छि परमप्रभु जिमि परमेश्‍वर खः,

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 5:5

स्‍व, जिं जिगु दाखक्‍यबयात छु याये, व जिं छिमित धाये – जिं उकिया बाःर चीकाछ्वये, उकियात नाश जुइके बी, जिं उकिया पःखाः थुनाबी, गुँपशुतय्‌त व न्‍हुत्तुमत्तु न्‍हुकेबी।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।

हितोपदेश 1:31

छिमिसं छु यात, उकथं हे छिमित दइ। अले छिमिगु ज्‍यां छिमित हे दुःख जुइ।

हितोपदेश 1:32

बुद्धि मदुपिं मनूत जिपाखें तापानाच्‍वंगुलिं सिनावनी। मूर्खत छुं च्‍यूताः मकासे जूगुलिं नाश जुयावनी।

यर्मिया 5:24

तर इमिसं थःगु नुगलय् थथे धाइ मखु, ‘झीसं परमप्रभु झी परमेश्‍वरया भय कायेनु। वय्‌कलं हे वा वइगु इलय्‌या न्‍हापांगु व लिपांगु वा वय्‌कादी। दँय्‌दसं अन्‍न लइगु ई बियादी।’

इजकिएल 39:24

जिं इमित इमिगु अशुद्धता व अपराध कथं सजाँय बिया, जिं जिगु ख्‍वाः इपिंपाखें फस्‍वय्‌का।”

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 13:9

“अय् इस्राएल, जिं छिमित भज्‍यंक नाश यानाबी, छाय्‌धाःसा छिपिं जिगु विरोधय् दु, छिमित ग्‍वाहालि याःम्‍हय्‌सिगु विरोधय्।

मीका 1:5

थुपिं फुक्‍व याकूबया अपराध व इस्राएलया घरानाया पापया कारणं जूगु खः। याकूबया अपराध छु खः लय्? छु व सामरिया मखु ला? यहूदाया द्यःपुजा याइगु थाय् गन दु? छु व यरूशलेम मखु ला?

प्रस्‍थान 33:6

अथे जुयाः होरेब पर्वतय् इस्राएलीतय्‌सं थथःगु तिसा त्‍वल।

न्‍यायकर्ता 10:13

तर छिमिसं जितः त्‍वःताः मेपिं द्यःतय्‌त पुजायात। उकिं आः जिं छिमित हाकनं बचय् याये मखुत।

१ राजा 18:18

वं धाल, “जिं इस्राएलयात दुःख बियागु मदु, तर छि व छिकपिनि बौया परिवारं ब्‍यूगु दु। छिं परमप्रभुया उजं मानय् मयासें बालद्यःतय्‌त पुजा याना जूगु दु।

२ इतिहास 12:5

अले शमायाह अगमवक्ता रहबाम व यहूदायापिं कुलनायःतय्‌थाय् वल। इपिं सकलें शीशक खनाः ग्‍यानाः यरूशलेमय् मुंगु खः। शमायाहं रहबाम व यहूदाया कुलनायःतय्‌त थथे धाल, “परमप्रभुं थथे धयादी, ‘छिमिसं जितः त्‍वःतूगु दु, उकिं आः जिं छिमित त्‍वःताः शीशकया ल्‍हातय् तयाबी।’”

२ इतिहास 21:10

थौं तक नं एदोमं यहूदापाखें विद्रोह यानाच्‍वंगु दु। उबलय् हे लिब्‍नां नं विद्रोह यात। यहोरामं परमप्रभु थः पुर्खातय् परमेश्‍वरयात त्‍वःतूगुलिं थथे जूगु खः।

२ इतिहास 25:16

वं थथे धयाच्‍वंबलय् हे अमस्‍याहं वयात धाल, “गुबलय्‌निसें जिमिसं छन्‍त जुजुयात सल्‍लाह बीम्‍ह दय्‌कागु? सुम्‍क च्‍वँ, मखुसा जिमिसं छन्‍त स्‍याके बी।” अगमवक्ता थुलि धयाः सुम्‍क च्‍वन, “परमेश्‍वरं छितः नाश यायेगु पक्‍का बिचाः यानादिल धयागु खँ जिं सिल। छाय्‌धाःसा छिं थ्‍व फुक्‍क यानादिल अले जिगु सल्‍लाहयात वास्‍ता याना मदिल।”

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 7:19

छु इमिसं जितः हे हाय्‌काच्‍वंगु खः ला?” परमप्रभुं धयादी। “मखु, तर इमिसं थःत हे लज्‍या चाय्‌केत थःत हे स्‍यंकाच्‍वंगु, मदु ला?”

यर्मिया 13:22

छं “जितः थथे छाय् जुल?” धकाः मतिइ तल धाःसा छंगु पतसि खुगू व छन्‍त बलात्‍कार याःगु ला छंगु हे पापं यानाः खः।

इजकिएल 23:30

छन्‍त थज्‍याःगु अवस्‍थाय् हःगु खः। छाय्‌धाःसा जाति जातिया निंतिं छ वेश्‍या जुल अले इमिगु मूर्तितय्‌त पुजा यानाः छं थःत अपवित्र यात।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।