यर्मिया 19:5 - नेवाः बाइबल

⁵ इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

यर्मिया 19:5 Referans Kwoze

यर्मिया 32:35

अज्‍ज इमिसं बेन-हिन्‍नोमया बेसीइ बालद्यःयात पुजा याइगु थाय् दय्‌कल। मोलोखद्यःयात थः काय्‌म्‍ह्याय्‌पिं बलि बिल। इमिसं थज्‍याःगु घच्‍चाइपुगु ज्‍या यानाः यहूदायात पाप याके बीमा धकाः जिं इमित आज्ञा बियागु नं मदु, न जिगु मतिइ थज्‍याःगु खँ गुबलें वल।”

व्‍यवस्‍था 12:31

छिमिसं परमप्रभु थः परमेश्‍वरया आराधना इमिसं इमि द्यःयात आराधना याःथें याये मते, छाय्‌धाःसा इमि द्यःतय्‌त पुजा याइबलय् इमिसं परमप्रभुयात मयःगु फुक्‍क कथंयागु घच्‍चाइपुसे च्‍वंगु ज्‍या याइ। इमिसं थःकाय् म्‍ह्याय्‌पिन्‍त तक नं थः द्यःतय् लागिं मिइ तयेगु याः।

लेवी 18:21

“‘थः काय्‌म्‍ह्याय् मोलेक द्यःया निंतिं मिइ छानाः थः परमेश्‍वरया नां अशुद्ध याये मते। जि हे परमप्रभु खः।

२ राजा 17:17

इमिसं थः काय्‌म्‍ह्याय्‌पिं मिइ बलि बिल, इमिसं ज्‍वखना स्‍वल, तन्‍त्रमन्‍त्र यात, अले परमप्रभुयात मयःगु ज्‍या यायेत थःपिन्‍त मिल। थुकथं इमिसं वय्‌कःयात तंचाय्‌कल।

दानिएल 2:29

“हे महाराज, लासाय् छःपिनिगु मन लिपा जुइगु खँपाखे वन अले सुलाच्‍वंगु खँ उलादीम्‍हय्‌सिनं छःपिन्‍त लिपा जुइगु खँ क्‍यनादिल।

इजकिएल 38:10

“‘परमप्रभु परमेश्‍वरं थथे धयादी – उखुन्‍हु छुं बिचाःत छंगु नुगलय् वइ, अले छं छगू मभिंगु ग्‍वसाः ग्‍वइ।

इजकिएल 20:26

इमित वातां यायेत जिं इमित उपिं हे बलिदानतपाखें अपवित्र याकेबिया, गुगु बलिदानय् इमिसं थः फुक्‍कं न्‍हापा बूपिन्‍त मिइ बलि छाल। इमिसं जि परमप्रभु इमि परमेश्‍वर खः धयागु सीमा धकाः थथे याना।’

२ इतिहास 28:3

वं बेन-हिन्‍नोमया ब्‍यासिइ बलि बिल। इस्राएलीतय्‌त न्‍ह्यःनं गुगु जातियात परमप्रभुं देशं पितिनाछ्वःगु खः वं व हे जातियापिन्‍सं याइगु थें यानाः थः काय्‌पिन्‍त मिइ छ्वय्‌काः बलि बिल।

गन्‍ती 22:41

कन्‍हय् सुथय् बालाकं बालामयात बमोत-बालया च्‍वकाय् ब्‍वना यंकल। अनं बालामं इस्राएलीतय् छाउनीया छुं ब्‍व खन।

इजकिएल 16:36

परमप्रभु परमेश्‍वरं थथे धयादी – छं व्‍यभिचार यानाः तसकं लज्‍या मचासें थःगु म्‍ह थः प्रेमीपिन्‍त क्‍यन, थःगु मूर्तितलिसें घच्‍चाइपुगु ज्‍या यात, अले द्यःतय्‌त थः मस्‍तय्‌गु हि छाल,

२ राजा 21:6

वं थःकाय्‌यात मिइ बलि बिल। वं तन्‍त्रमन्‍त्र यात, छुक बिछुक मानय् यात। सीकं दुबिना वइम्‍ह मनू व झाँक्री ज्‍या याइम्‍हय्‌सिके सल्‍लाह काल। वं परमप्रभुयात मयःगु व वय्‌कःयात तंचाय्‌कीगु यक्‍व मभिंगु ज्‍या यात।