यर्मिया 19:3 - नेवाः बाइबल

³ छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 19:3 Referans Kwoze

१ शमूएल 3:11

परमप्रभुं वयात धयादिल, “स्‍व, जिं इस्राएलय् याकनं हे छुं याये त्‍यनागु दु, थ्‍व न्‍यनाः फुक्‍क छक्‍क जुइ।

यर्मिया 17:20

इमित थथे धा, ‘थुपिं ध्‍वाखां दुहां वनीपिं अय् यहूदाया जुजु व यहूदाया फुक्‍क मनूत, अले यरूशलेमयापिं सकलें मनूत, परमप्रभुया वचन न्‍यँ!

यर्मिया 6:19

हे पृथ्‍वी न्‍यँ, स्‍व! जिं थुपिं मनूतय्‌थाय् विपत्ति हये, गुगु इमिगु थःगु हे बिचाःया लिच्‍वः खः। इमिसं जिगु वचनय् ध्‍यान मब्‍यू। अले जिगु व्‍यवस्‍थायात इमिसं त्‍वःतल।

यशैया 28:19

गुबलय् गुबलय् व तच्‍वकं थाहां वइ उकिं छिमित चुइकायंकी। सुथ पतिकं, न्‍हिनय् व चान्‍हय् व थाहां वइ।” थ्‍व बुखँ थूपिनिगु निंतिं तसकं भय जक हइ।

प्रकाश 2:29

सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”

मत्ती 10:18

जितः विश्‍वास याःगुलिं छिमित हाकिमत व जुजुपिनिगु न्‍ह्यःने थने यंकी। छिमिसं अन हे इमित व यहूदीमखुपिन्‍त जिगु साक्षी ब्‍यु।

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

भजनसंग्रहया सफू 110:5

छंगु जवपाखे दीम्‍ह परमप्रभुं तंया दिनय् जुजुपिन्‍त चुँचुं यानादी।

भजनसंग्रहया सफू 102:15

जाति जातियापिं मनूतय्‌सं परमप्रभुया नांयात च्‍वछाइ, अले पृथ्‍वीयापिं सकलें जुजुपिन्‍सं वय्‌कःया महिमायात तःधंकी।

भजनसंग्रहया सफू 2:10

उकिं, हे जुजुपिं, बुद्धि दय्‌कि! पृथ्‍वीया शासकत, होश या!

यर्मिया 19:15

“दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी, ‘स्‍व, जिं थःम्‍हं हे थ्‍व शहरय् व थुकिया लिक्‍क लाःगु गांगामय् जिं धयागु फुक्‍क विपत्तित हये, छाय्‌धाःसा इमिसं जिराहा जुयाः जिगु वचन मानय् मयाः।’”

यर्मिया 35:17

“उकिं दक्‍व शक्ति दुम्‍ह परमप्रभु परमेश्‍वर, इस्राएलयाम्‍ह परमेश्‍वरं थथे धयादी, ‘स्‍व! जिं थम्‍हं हे यरूशलेम व यरूशलेमय् च्‍वंपिं सकसिके जिं धयागु विपत्ति हयेत्‍यनागु दु। जिं इमित धया, तर इमिसं मन्‍यन, जिं इमित सःता, तर इमिसं लिसः मब्‍यू।’”

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

यर्मिया 25:29

स्‍व! मनूतय्‌सं जिगु धकाः धाइगु शहरय् हे ला जिं विपत्ति हयेत्‍यनागु दु धाःसा, छिमिसं स्‍वयेबलय् जिं छिमित सजाँय बी मखु धकाः च्‍वनागु ला? अथे मखु, जिं छिमित धात्‍थें सजाँय बी। छाय्‌धाःसा जिं पृथ्‍वीया फुक्‍क मनूतय्‌गु विरोधय् तरवार चले यायेत्‍यनागु दु, दक्‍व शक्ति दुम्‍ह परमप्रभुं धयादी!’

यर्मिया 44:3

थ्‍व इमिसं मभिंगु ज्‍या याःगुलिं जूगु खः। इमिसं छिमिसं म्‍हमस्‍यूपिं व छिमि पुर्खातय्‌सं म्‍हमस्‍यूपिं मेपिं द्यःत पुजा यानाः जितः तंचाय्‌कल।

इजकिएल 7:5

“जि, परमप्रभु परमेश्‍वरं थथे धाये, “‘विपत्ति, खः, तःधंगु विपत्ति वयाच्‍वंगु दु।