यर्मिया 18:18 - नेवाः बाइबल

¹⁸ अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

यर्मिया 18:18 Referans Kwoze

भजनसंग्रहया सफू 52:2

न्‍हिच्‍छिं छं स्‍यंकेत ग्‍वसाः ग्‍वया जुइगु, छंगु मे ला ज्‍वःगु छुरि थें च्‍वं, छं मखुगु खँ ल्‍हायेगुलिइ तसकं जाः।

मलाकी 2:7

“पुजाहारीया म्‍हुतुसिं ज्ञानया रक्षा यायेमाः। मनूतय्‌सं वयागु म्‍हुतुं व्‍यवस्‍था मालेमाः। इपिं दक्‍व शक्ति दुम्‍ह परमप्रभुया दूत खः।

यर्मिया 11:19

जि ला स्‍याये यंकेत्‍यंम्‍ह छुं मस्‍यूम्‍ह चिधिकःम्‍ह भ्‍याःचा खः। इमिसं थथे धयाः जिगु हे विरोधय् जाः ग्‍वःगु खः धकाः जिं मस्‍यूगु जुल, “व सिमायात उकिया फलनापं नाश यायेनु! उकियात म्‍वाःपिनिगु थासं पालाः वांछ्वयाब्‍यु। थुकिया नांयात आवंनिसें लुममंकेमा।”

यर्मिया 18:11

“उकिं आः छं यहूदायापिं मनूत व यरूशलेमयापिं मनूतय्‌त थथे धा, ‘परमप्रभुं थथे धयादी – स्‍व, जिं छिमिगु विरोधय् विपत्तिया योजना दय्‌का च्‍वनागु दु। उकिं छिपिं सकसिनं थःपिन्‍सं यानाच्‍वनागु मभिंगु ज्‍यायात त्‍वःति, थःगु पहःचहः व थःगु ज्‍या भिंकि।’

भजनसंग्रहया सफू 21:11

इमिसं जुजुया विरोधय् जाः ग्‍वःसां इमिगु मभिंगु ग्‍वसाः पूवनि मखु।

यर्मिया 43:2

होशयाहया काय् अजर्याह व कारेहया काय् योहानान व मेपिं फुक्‍क जिराहा मनूतय्‌सं यर्मियायात धाल, “छं मखुगु खँ ल्‍हानाच्‍वंगु दु! ‘छिपिं मिश्र देशय् च्‍वंवने हे मते’ धकाः धायेत परमप्रभु झी परमेश्‍वरं छन्‍त छ्वयाहयादीगु मखु।

हितोपदेश 18:21

म्‍हुतुया वचनं जीवन व मृत्‍यु क्‍वःछी। उकिं थःगु वचनया फल थःम्‍हं फयेमाली।

भजनसंग्रहया सफू 64:3

इमिसं थःपिनिगु मेयात तरवार थें ज्‍वय्‌कातइ। इमिसं नवाइबलय् नं वाणं कय्‌कू थें नवाइ।

भजनसंग्रहया सफू 57:4

जि मनू नइपिं सिंह थज्‍याःपिं शत्रुतय्‌गु दथुइ च्‍वंच्‍वनागु दु। थुमिगु वा भाला व वाण थें च्‍वं। थुमिगु मे ज्‍वःगु तरवार थें च्‍वं।

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

यशैया 32:7

मभिंगु ज्‍या यानाजुइपिनिगु चाला मभिंगु हे जुइ, दुःखय् लानाच्‍वंपिन्‍सं फ्‍वंगु पाय्‌छि जूसां नं मगाःमचाःपिन्‍त मखुगु खं नाश यायेगु निंतिं इमिसं मभिंगु ज्‍याया योजना दय्‌की।

अय्‍यूब 5:13

वय्‌कलं बुद्धिमानतय्‌त इमिगु हे चलाखिइ ज्‍वनादी, अले धूर्ततय्‌गु योजनायात स्‍यंकादी।

१ राजा 22:24

अले केनानाया काय् सिदकियाहं मीकायाया लिक्‍क वयाः वयागु न्‍यतालय् चाराक्‍क दायाः न्‍यन, “परमप्रभुया आत्‍मा जितः त्‍वःताः छनापं खँ ल्‍हायेत गथे यानावल?”

२ शमूएल 17:14

अब्‍शालोम व फुक्‍क इस्राएलीतय्‌सं धाल, “अहीतोपेलया सल्‍लाह स्‍वयाः हूशैयागु सल्‍लाह हे बांलाः।” छाय्‌धाःसा परमप्रभुं अब्‍शालोमयात नाश यायेत अहीतोपेलया बांलाःगु सल्‍लाहयात मानय् मयाकेगु क्‍वछिनादी धुंकूगु खः।

२ शमूएल 15:31

ग्‍वसाः ग्‍वःपिं मध्‍ये अहीतोपेल अब्‍शालोमनापं दु धकाः दाऊदयात न्‍यंकल। अनंलि दाऊदं थथे धकाः प्रार्थना यात, “हे परमप्रभु, अहीतोपेलया सल्‍लाहयात ज्‍यालगय् मजुइका बियादिसँ।”

लेवी 10:11

अले परमप्रभुं मोशापाखें इमित बियादीगु फुक्‍क शिक्षा छिमिसं इस्राएलीतय्‌त स्‍यनेमाः।”

यूहन्‍ना 9:40

थ्‍व न्‍यनाः अन दुपिं गुम्‍हं गुम्‍हं फरिसीतय्‌सं वय्‌कःयात थथे धाल – “अय्‌सा जिपिं नं कांपिं ला?”

यर्मिया 26:11

अले पुजाहारीत व अगमवक्तातय्‌सं हाकिमत व फुक्‍क मनूतय्‌त थथे धाल, “थ्‍व मनूयात स्‍याये हे माः। छाय्‌धाःसा थ्‍व मनुखं थ्‍व शहरया विरोधय् अगमवाणी ल्‍हाःगु दु। थ्‍व छिमिसं थःगु हे न्‍हाय्‌पनं न्‍यने धुंकल।”

लूका 11:45

छम्‍ह शास्‍त्रीं वय्‌कःयात धाल – “गुरुजु छिं धयादीगु ला जिमित नं लात नि।”

यर्मिया 44:17

जिमिसं याये धकाः धयागु फुक्‍क ज्‍या या हे याये। स्‍वर्गयाम्‍ह रानी जिमि द्यःमय्‌जुया निंतिं जिमिसं अथे हे धुपाँय् च्‍याके अले त्‍वँसाबलि नं वयात छाये गथे जिमि पुर्खा, जुजुपिं व नायःतय्‌सं यहूदाया शहर शहरय्‌ व यरूशलेमया गल्‍लि गल्‍लिइ छाःगु खः। उबलय् जिमिके नयेगु नसा गाक्‍क दुगु खः, जिमित बांलानाच्‍वंगु खः, जिमिके विपत्ति नं वःगु मदु।

यर्मिया 8:8

“‘छिमिसं गथे यानाः धाये फइ, “जिपिं बुद्धिमान खः, अले परमप्रभुयागु व्‍यवस्‍था जिमिके दु?” तर स्‍व, शास्‍त्रीतय्‌गु फताहा कलमं उकियात फताहा दय्‌कूगु दु।

यर्मिया 18:19

हे परमप्रभु, जिगु खँ ध्‍यान बियाः न्‍यनादिसँ, अले जिम्‍ह शत्रुतय्‌सं छु धयाच्‍वन – व न्‍यनादिसँ।

यर्मिया 20:10

यक्‍वसिनं खुसखुस खँ ल्‍हाःगु जिं न्‍यनागु दु, “प्‍यखें भय हे भय दु, उकिया बारे खबर बीनु, खः, उकिया बारे खबर बीनु!” जिमि फुक्‍क पासापिन्‍सं थथे धयाः जिगु पतन पियाच्‍वंगु दु, “सके वं धोखा नइ ला? अले झीसं वयात त्‍याकाः वयाके बदला काये फइ।”

यर्मिया 37:13

तर व बेन्‍यामीनया ध्‍वाखाय् थ्‍यंबलय् हनन्‍याहया छय्, शेलेम्‍याहया काय् ध्‍वाखाया पिवाःतय् कप्‍तान यिरियाहं यर्मियायात ज्‍वनाः थथे धाल, “छ बेबिलोनीतय्‌थाय् बिस्‍युं वनेत्‍यंगु खः।”

इजकिएल 7:26

छगू विपत्तिया ल्‍यू मेगु विपत्ति वइ अले छगू बांमलाःगु खबरया ल्‍यू मेगु बांमलाःगु खबर वइ। इमिसं अगमवक्तातपाखें दर्शन कायेत स्‍वइ। पुजाहारीतपाखें व्‍यवस्‍थाया शिक्षा व धर्म गुरुतपाखें सल्‍लाह तनावनी।

२ इतिहास 24:21

तर इमिसं जकरियाया विरोधय् ग्‍वसाः ग्‍वल, अले जुजुया आज्ञा कथं इमिसं परमप्रभुया देगःया चुकय् ल्‍वहँतं कय्‌काः वयात स्‍यात।

यर्मिया 1:19

इपिं छलिसें ल्‍वाः वइ, तर इमिसं छन्‍त त्‍याके फइ मखु, छाय्‌धाःसा छन्‍त रक्षा यायेत जि छलिसें दइ,” जि परमप्रभु न्‍ववानागु दु।

यर्मिया 44:16

“छिं परमप्रभुया नामय् धाःगु खँ जिमिसं मानय् याये मखु।

विलाप 3:62

चच्‍छि न्‍हिच्‍छिं हे जिमि शत्रुतय्‌सं जितः मभिंकाः खुसखुस खँ ल्‍हानाः जुइगु।

मीका 3:6

उकिं छिमिके दर्शन मदुगु चा वइ। छिपिं तच्‍वःगु खिउँगुलिइ लाइ, अले छिमिसं ज्‍वखना स्‍वये फइ मखु। अगमवक्तातय्‌गु निंतिं सूर्य बिनावनी, छिमिगु निंतिं दिं खिउँसे च्‍वनी।

मीका 3:7

दर्शन खनीपिं मनूत लज्‍या चाइ, अले ज्‍वखना स्‍वइपिनिगु ख्‍वाः ह्याउँसे च्‍वनी। इपिं सकसिनं थःगु ख्‍वाः त्‍वपुइ, छाय्‌धाःसा इमित परमेश्‍वरपाखें लिसः दइ मखु।”