यर्मिया 18:15 - नेवाः बाइबल

¹⁵ अय्‌नं जिम्‍ह मनूतय्‌सं जितः ल्‍वःमंकूगु दु, इमिसं ज्‍यालगय् मजूगु मूर्तितय्‌गु निंतिं धुपाँय् च्‍याकूगु दु, इपिं थः जुइगु लँपुइ लुफिं हाःगु दु। इमिसं थःगु पुलांगु लँ द्वंकूगु दु। इपिं ध्‍याचः दुगु लँपुइ वंगु दु।

यर्मिया 18:15 Referans Kwoze

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

होशे 11:2

तर जिं गुलि गुलि इस्राएलयात सःता, उलि उलि हे इपिं जिपाखें तापात। इमिसं बालद्यःतय्‌त बलि छाल। मूर्तिया थासय् धुँपाय् च्‍याकल।

यर्मिया 2:32

छु सुं मिसामचां थःगु तिसा व सुं भम्‍चां थःगु समा ज्‍वलं ल्‍वःमंके फइ ला? तर जिमि प्रजां जुग जुगंनिसें जितः ल्‍वःमंके धुंकल।

यशैया 57:14

अले परमेश्‍वरं थथे धयादी, “दय्‌की, दय्‌की, मू लँ दय्‌की! जिमि प्रजाया लँया फुक्‍क पंगःत चीकाछ्व।”

मलाकी 2:8

छिपिं धाःसा परमप्रभुयागु लँपुइ वंगु मदु। छिमिगु शिक्षां यानाः यक्‍व मनूत पापय् लाये धुंकल। छिमिसं लेवीतलिसें याःगु बाचा त्‍वाःथूगु दु,” दक्‍व शक्ति दुम्‍ह परमप्रभुं धयादी।

यर्मिया 2:13

“छाय्‌धाःसा जिमि प्रजां निगू पाप याःगु दु, जि जीवन बीगु लःया मुहानयात इमिसं त्‍वःतूगु दु। अले थःगु निंतिं लः मच्‍वनीगु प्‍वाःगंगु त्‍यांकि दय्‌कूगु दु।”

यर्मिया 17:13

हे परमप्रभु, छि इस्राएलया आशा खः। छितः त्‍वःतिपिं सकलें मछालेमाली। छिपाखें फस्‍वयावनीपिं धुलय् च्‍वयातःगु नां थें मदयावनी, छाय्‌धाःसा इमिसं छि परमप्रभु म्‍वाःगु लःया मुहानयात त्‍वःतूगु दु।

यर्मिया 10:15

उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

मत्ती 15:6

वं थः मां बौयात हनाबना तये म्‍वाः।’ थुकथं छिमिसं थःपिनिगु थितिकुतिं यानाः परमेश्‍वरयागु वचनयात ज्‍यालगय् मजूगु यानाब्‍यूगु दु।

होशे 2:13

बालद्यःतय्‌त धूप थंगुलिं जिं वयात दण्‍ड बी। व इलय् वं तिसा तिनाः थः यःम्‍ह नाप ल्‍यूल्‍यू वनी, अले जितः ल्‍वःमंकी,” परमप्रभुं घोषणा यानादी।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 13:25

छंगु ब्‍व थ्‍व हे खः, अर्थात जिगुपाखें छंगु लागि क्‍वःछिनागु ब्‍व” परमप्रभुं धयादी। “छाय्‌धाःसा छं जितः त्‍वःताः मखुपिं द्यःतय्‌गु भलसा काःगु दु।

यर्मिया 3:21

नांगा डाँडा डाँडाय् इस्राएलीतय्‌गु ख्‍वःसः व इनाप यानाच्‍वंगु सः ताये दयाच्‍वंगु दु। छाय्‌धाःसा इपिं मखुगु लँय् वंगु दु, अले इमिसं थः परमप्रभु परमेश्‍वरयात ल्‍वःमंकूगु दु।

रोमी 14:21

धात्‍थें हे – ला मनयेगु, दाखमद्य मत्‍वनेगु व थः दाजुकिजापिं लुफिं हाइगु छुं नं मयायेगु हे बांलाः।

यर्मिया 44:25

दक्‍व शक्ति दुम्‍ह परमप्रभु, इस्राएलयाम्‍ह परमेश्‍वरं थथे धयादी – स्‍वर्गयाम्‍ह रानीयात धुपाँय् च्‍याकेत व त्‍वँसाबलि छायेत जिमिसं यानागु ‘भाकल धात्‍थें हे जिमिसं पूरा याये धकाः छिमिसं व छिमि कलाःपिन्‍सं थःम्‍हं बचं ब्‍यूगु खँ थःगु हे ज्‍यां छिमिसं पूरा याःगु दु।’ “उकिं छिमिसं थःगु बचं पूरा या! छिमिसं यानागु भाकल पूरा या!

यर्मिया 19:5

इमिसं थः काय्‌पिन्‍त बालद्यःया लागि मिइ होमबलि छायेत बालद्यःयात पुजा याइगु थाय्‌त दय्‌कूगु दु। अथे यायेत जिं धयागु मदु, मतिइ तयागु नं मदु अले जिगु नुगलय् थज्‍याःगु खँ गुबलें दुहां नं मवं।

यशैया 62:10

हुँ, मू ध्‍वाखापाखें जुयाः हुँ! मनूतय्‌गु निंतिं लँपु दय्‌कि! दय्‌कि, मू लँ दय्‌कि! अन दुगु ल्‍वहंत चीकाछ्व। अले जाति जातितय्‌गु निंतिं चिंया झण्‍डा धस्‍वाकि।

यशैया 9:16

थुपिं मनूतय् नायःतय्‌सं इमित मखुगु लँय् यंकूगु दु अले इमित इतिमिति कंका ब्‍यूगु दु।

यशैया 3:12

मचातय्‌सं जिमि मनूतय्‌त क्‍वत्‍यली अले मिसातय्‌सं इमित शासन याइ। हे जिमि मनूत, छिमि नायःतय्‌सं छिमित मखुगु लँपुइ यंकेत्‍यंगु दु अले छिपिं थःगु लँपुइ अलमल जूगु दु।

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यशैया 65:7

जिं छिमिगु व छिमि पुर्खातय्‌गु पापया बदला काये” परमप्रभुं धयादी। “छाय्‌धाःसा इमिसं पर्वतय् बलि छ्वय्‌कल, अले डाँडाय् जितः हेपय् यात। जिं इमिगु न्‍हापाया ज्‍याया पलेसा इमित पूरा बदला काये।”

यर्मिया 7:9

छिमिसं खुइगु, स्‍याइगु, व्‍यभिचार याइगु, अदालतय् मखुगु साक्षी बीगु, बालद्यःया लागि धुपाँय्‌ थनीगु अले थःपिन्‍सं न्‍हापा म्‍हमस्‍यूपिं द्यःतय्‌त पुजा यानाजुइगु।

यर्मिया 18:14

छु लेबनानया गुँच्‍वकां च्‍वापु गुबलें तनावंगु दु ला? छु ताताःपाःगु थासं वःगु थुकिया ख्‍वाउँगु लः गुबलें न्‍ह्यायेगु दी ला?

यर्मिया 51:18

उपिं ज्‍यालगे मजू, न्‍हीकीगु खँ जक खः। इमिगु न्‍याय जुइबलय् इपिं नाश जुइ।

इजकिएल 21:15

मनूतय्‌गु नुगः ग्‍यानाः नाया वनेमा, अले यक्‍व मनूत क्‍वःदयेमा धकाः इमिगु फुक्‍क मू ध्‍वाखाय् स्‍याये पालेत जिं तरवार तयागु दु। हाबलासा थें थीत उकियात दय्‌कूगु दु, उकियात स्‍याये पालेत ज्‍वनी।

इजकिएल 36:15

छं हाकनं गुबलें जाति जातितय्‌गु हेला न्‍यनेमाली मखु, न छं गुबलें मनूतय्‌गु हेला फयेमाली, अथवा न छंगु कारणं छिमि मनूत गुबलें लुफिं हाइ। परमप्रभु परमेश्‍वरं धयादी।’”

होशे 2:6

अथे जुयाः जिं वयात कंयागु बार तयाः कुनाबी अले छगू पःखाः दय्‌काः वयागु लँ पनाबी।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

नहेम्‍याह 9:17

इमिसं आज्ञा पालन यायेत म्‍हाः धाल अले छिं यानादीगु फुक्‍क ज्‍या व अजू चाइपुगु ज्‍या लुममंकू। इमिसं जिराहा जुयाः विरोधी जुल हाकनं दासत्‍वय् लिहां वनेत छम्‍ह नायः ल्‍यल। अय्‌नं छि क्षमा यानादीम्‍ह, दयादुम्‍ह, नुगः क्‍यातुम्‍ह, तंचायेत लिबाकादीम्‍ह व दया मायां जाःम्‍ह परमेश्‍वर खः। छिं इमित त्‍वःतामदी।

यर्मिया 1:16

जिं थः प्रजायात सजाँय बी, छाय्‌धाःसा इमिसं पाप याःगु दु, जितः त्‍वःतूगु दु, मेमेपिं द्यःतय्‌गु निंतिं धुपाँय् च्‍याकूगु दु, अले थःम्‍हं दय्‌कूगु द्यःतय्‌त भागि याःगु दु।

यर्मिया 11:12

अले यहूदा व यरूशलेमयापिं मनूतय्‌सं थःपिन्‍सं बलि छाःम्‍ह द्यःतय्‌त सःती। तर विपत्तिया इलय् उपिं द्यःतय्‌सं इमित बचय् याये फइ मखु।

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।