यर्मिया 17:6 - नेवाः बाइबल

⁶ व सुख्‍खा व लः मदुगु थासय्, छुं नं बुया मवइगु चि हे चि दुगु जमिनय् बुया वइगु छगू झाः थें खः। व गुबलें तःमा जुइ मखु।

यर्मिया 17:6 Referans Kwoze

अय्‍यूब 20:17

वं खुसिइ अर्थात धौ व कस्‍तिया खुसिइ न्‍ह्यइपुकी मखु।

भजनसंग्रहया सफू 1:4

दुष्‍टत अथे जुइ मखु, इपिं छ्वसँ थें खः। फसं इमित पुइकायंकी।

व्‍यवस्‍था 29:23

थ्‍व देशया फुक्‍क जमिन चि व गन्‍धकं झौ जुइ। अन छुं पी नं मज्‍यू, छुं बुया नं वइ मखु, अन घाँय्‌ तक नं बुयावइ मखु। थ्‍व परमप्रभुं थःगु तंम्‍वय् नाश यानादीगु सदोम व गमोरा, अदमा व सबोयीम थें जुइ।

यर्मिया 48:6

बिस्‍युं हुँ! थथःगु ज्‍यान बचय् या! मरुभूमियागु नांगा झाः थें जु!

अय्‍यूब 39:6

वयात जिं छेँया लागि मरुभूमि, च्‍वनीगु लागि चिया ब्‍यासि बियागु दु।

सपन्‍याह 2:9

अथे जुयाः जि धात्‍थें म्‍वाःम्‍ह खः थें” दक्‍व शक्ति दुम्‍ह परमप्रभु इस्राएलया परमेश्‍वरं धयादी, “धात्‍थें मोआब सदोम थें व अम्‍मोनीत गमोरा थें न्‍हाय्‌कंमा बुया वइगु थाय् व चिया गा दुगु थाय् व सदांया निंतिं गंगु थाय् जुइ। अले जिमि ल्‍यंदुपिं प्रजातय्‌सं इमित लुतय्‌ याइ, अले इमिगु देय् अधिकार याइ।”

न्‍यायकर्ता 9:45

न्‍हिच्‍छि हे लडाइँ जुयाच्‍वन। अबीमेलेकं शहर त्‍याका काल, अनयापिं मनूतय्‌त स्‍यानाः शहरयात नाश यानाबिल। अले अनयागु बँय् चि ह्वलाबिल।

इजकिएल 47:11

तर उकिया ध्‍वप व ध्‍याचा ध्‍याचा जुयाच्‍वंगु थाय्‌यागु लः साइ मखु, तर अनयागु लःयात चिया लागिं तया तइ।

यशैया 1:30

छिपिं हः सुकूगनावंगु स्‍वसिमा थें अले लः मदुगु बगैँचा थें जुये तिनि।

भजनसंग्रहया सफू 92:7

दुष्‍ट मनूत घाँय् थें थाहां वयेफु, दुष्‍ट ज्‍या याइपिनिगु भिं जुइफु, तर इपिं सदांया लागि नाश जुयावनी।

२ राजा 7:2

जुजुयात तिबः बियाच्‍वंम्‍ह कप्‍तानं परमेश्‍वरया मनूयात धाल, “स्‍वइदिसँ, परमप्रभुं स्‍वर्गया झ्‍याः चाय्‌कादिल धाःसां थथे जुइ फइ ला?” एलीशां लिसः बिल, “व छं थःगु हे मिखां खनी, तर छं उकिं नयेदइ मखु।”

भजनसंग्रहया सफू 107:34

वय्‌कलं लखं लाःगु बुँयात चि दुगु मरुभूमि यानादिल। थ्‍व धाःसा अन च्‍वंपिं मनूतय्‌गु मभिंगु ज्‍याया कारणं खः।

यर्मिया 29:32

उकिं जिं थःम्‍हं हे नेहेलामय् च्‍वंम्‍ह शमायाह व वया वंशयात सजाँय बी। थ्‍व प्रजाया दथुइ वया सुं नं मनू म्‍वानाच्‍वनी मखु। जिं थः प्रजायात यायेगु भिंगु ज्‍या वं स्‍वये खनी मखु। छाय्‌धाःसा वं मनूतय्‌त जिगु विरोधय् विद्रोह यायेत हपाः ब्‍यूगु दु। जि परमप्रभुं धयागु दु।’”