यर्मिया 17:20 - नेवाः बाइबल

²⁰ इमित थथे धा, ‘थुपिं ध्‍वाखां दुहां वनीपिं अय् यहूदाया जुजु व यहूदाया फुक्‍क मनूत, अले यरूशलेमयापिं सकलें मनूत, परमप्रभुया वचन न्‍यँ!

यर्मिया 17:20 Referans Kwoze

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

इजकिएल 2:7

छं इमित जिगु वचन धा, इमिसं चाहे न्‍यनेमा वा मन्‍यनेमा छाय्‌धाःसा इपिं विद्रोही खः।

यर्मिया 22:2

‘हे दाऊदया सिंहासनय् च्‍वनादीम्‍ह यहूदाया जुजु, छि, छिकपिनि भारदारत व ध्‍वाखां दुहां वइपिं छिकपिनि सकलें मनूत, परमप्रभुया थ्‍व वचन न्‍यँ!

प्रकाश 2:29

सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”

मीका 3:1

अले जिं धया, “हे याकूबया नायःत, हे इस्राएलया घरानायापिं शासकत, ध्‍यान बिया न्‍यँ। न्‍याययात सिकाकायेगु छु छिमिगु ज्‍या मखु ला?

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

इजकिएल 3:17

“अय् सीमानिम्‍ह मनू, जिं छन्‍त इस्राएलया घरानाया पिवाः यानागु दु। उकिं जिं आः धयाच्‍वनागु खँ न्‍यँ, अले इमित जिगुपाखें ख्‍याच्‍वः ब्‍यु!

यर्मिया 13:18

जुजु व राजमातायात धा, “सिंहासनं कुहां वा, छाय्‌धाःसा छिमिगु छेनं गौरवं जाःगु मुकुट कुतुं वनी।”

यर्मिया 17:19

परमप्रभुं जितः थथे धयादिल, “यहूदाया जुजुपिं दुनेपिने जुइगु मनूतय्‌गु ध्‍वाखा व यरूशलेमया मेमेगु ध्‍वाखाय् वनाः दँ।

यर्मिया 19:4

छाय्‌धाःसा इमिसं जितः त्‍वःतूगु दु, अले थ्‍व थाय् विदेशी द्यःतय्‌गु थाय् दय्‌कूगु दु। इमिसं थःपिन्‍सं, इमि पुर्खातय्‌सं व यहूदाया जुजुपिन्‍सं म्‍हमस्‍यूपिं मेपिं द्यःतय्‌गु लागि धुपाँय् च्‍याकाः इमिसं थ्‍व थाय्‌यात द्वं मदुपिं मनूतय्‌गु हिं जाय्‌कूगु दु।

यर्मिया 21:11

“अले यहूदाया जुजुया घरानायात थथे धा, ‘परमप्रभुया वचन न्‍यँ,