यर्मिया 16:21 - नेवाः बाइबल

²¹ परमप्रभुं धयादी, “उकिं जिं थःम्‍हं हे इमित स्‍यने, थुपालय् जिं इमित जिगु तागत व बल क्‍यने। अले इमिसं जिगु नां ‘परमप्रभु’ खः धकाः सी।”

यर्मिया 16:21 Referans Kwoze

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

यर्मिया 33:2

“पृथ्‍वी दय्‌काः उकियात आकार बियाः थासय् तयादीम्‍ह परमप्रभु खः। वय्‌कःया नां परमप्रभु खः। वय्‌कलं थथे धयादी,

भजनसंग्रहया सफू 83:18

छिगु नां परमप्रभु खः, इमिसं पृथ्‍वी न्‍यंकंयाम्‍ह दक्‍वसिबय् तःधंम्‍ह शासक खः धकाः म्‍हसीमा।

आमोस 5:8

किरकिटी व मृगशिरा नगु पुचःयात सृष्‍टि यानादीम्‍ह, तसकं खिउँगुयात सुथसिया जलय् हीकादीम्‍ह, न्‍हियात खिउँकाः चा यानादीम्‍ह, गुम्‍हय्‌सिनं समुद्रया लःयात सःतादी अले उकियात बँय् प्‍वंकादी वय्‌कःया नां हे परमप्रभु खः।

यशैया 43:3

छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

प्रस्‍थान 15:3

परमप्रभु झीगु निंतिं ल्‍वानादीम्‍ह खः, वय्‌कःया नां परमप्रभु खः।

इजकिएल 25:14

जिं थः प्रजा इस्राएलपाखें एदोमयात बदला काये। थुमिसं जिगु तं व झ्‍वँक कथं एदोमयात व्‍यवहार याइ। अले थुमिसं जिगु बदला गय् च्‍वं धकाः सी, परमप्रभु परमेश्‍वरं धयादी।’”

इजकिएल 24:27

अबलय् छंगु म्‍हुतु चाइ, छ हाकनं सुम्‍क च्‍वनी मखु, छं वलिसें खँ ल्‍हाइ। थुकथं छ इमिगु निंतिं छगू चिं जुइ, अले इमिसं जि हे परमप्रभु खः धकाः सी।”

इजकिएल 24:24

थुकथं इजकिएल छिमिगु निंतिं छगू चिं जुइ। वं याःथें छिमिसं नं याइ। थथे जुइ धुंकाः छिमिसं जि हे परमप्रभु परमेश्‍वर खः धकाः सी।’

इजकिएल 6:7

छिमि मनूतय्‌त स्‍याइगु जुइ, इपिं छिमिगु हे दथुइ ग्‍वतुली अले छिमिसं जि हे परमप्रभु खः धकाः सी।

प्रस्‍थान 14:4

जिं मिश्रया जुजु फारोया नुगः छाय्‌काबी, वं छिमित ल्‍यू वइ। जिं फारो व वया सेनायात त्‍याके, अले जिगु महिमा जुइ। मिश्रीतय्‌सं जि हे परमप्रभु खः धकाः सीकी।” इस्राएलीतय्‌सं अथे हे यात।

प्रस्‍थान 6:3

अब्राहाम, इसहाक व याकूबयाथाय् जि दक्‍व शक्ति दुम्‍ह परमेश्‍वर कथं खनेदय्‌क वया, तर परमप्रभु धकाः जिं थःगु नामं इमित म्‍हसीके मबिया।