यर्मिया 16:20 - नेवाः बाइबल

²⁰ छु मनूतय्‌सं थः द्यःत दय्‌के फइ ला? फइ, तर इपिं ला परमेश्‍वर मखु।”

यर्मिया 16:20 Referans Kwoze

यशैया 37:19

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।

गलाती 4:8

न्‍हापा परमेश्‍वरयात म्‍हमस्‍यूगुलिं छिपिं परमेश्‍वर हे मखुपिं मेपिं द्यःतय् दास जुयाच्‍वंगु खः।

यर्मिया 2:11

मेगु छुं नं जातिं थः द्यःतय्‌त उपिं ईश्‍वर मखुसां हीगु दु ला? तर जिमि प्रजां थःगु महिमां जाःम्‍ह परमेश्‍वरयात ज्‍यालगय् मजूपिं द्यःतनापं हिल।

गलाती 1:8

अय्‌जूगुलिं जिपिं हे थजुइमा, स्‍वर्गं वःम्‍ह स्‍वर्गदूत हे थजुइमा, छिमित जिमिसं न्‍हापा कना थकागु भिंगु खँयात हीकाः सुनानं न्‍यंकल धाःसा वयात सराः लायेमा।

प्रेरित 19:26

एफिससय् जक मखु, सारा एशियाय् हे थ्‍व पावलं मनूतय्‌त ल्‍हातं दय्‌कूम्‍ह द्यः ला द्यः हे मखु धकाः स्‍यनाः विश्‍वास याकाः ल्‍हातय्‌ कया जूगु ला छिकपिन्‍सं सि हे स्‍यू, अले न्‍यंगु नं द हे दु।

यशैया 36:19

हमात व अर्पादया द्यःत गन वन? सपर्बेमया द्यःत ग्‍व लय्? छु! इमिसं सामरियायात जिगु ल्‍हातं बचय् यात ला?

यर्मिया 5:7

“जिं छिमित छाय् क्षमा यायेगु? छिमि काय् म्‍ह्याय्‌पिन्‍सं जितः त्‍वःतूगु दु अले ईश्‍वर मखुपिनिगु नामय् पाफःगु दु। जिं इमित प्‍वाः जाय्‌क नका, अय्‌नं इमिसं व्‍यभिचार यात, वेश्‍यातय्‌गु छेँय् ग्‍वाः ग्‍वाः वन।

दानिएल 3:1

नबूकदनेसर जुजुं स्‍विगू मिटर तःजाःगु व स्‍वँगू मिटर ब्‍या दुगु छगू लुँयागु मूर्ति दय्‌कल, अले वं वयात बेबिलोन प्रान्‍तया दूरा धाःगु मैदानय् पलिस्‍था यात।

२ राजा 19:18

इमिसं जाति जातितय् द्यःतय्‌त मिइ वान्‍छ्वयाः नाश यानाबिल, छाय्‌धाःसा इपिं द्यः मखु, तर मनूतय्‌गु ल्‍हातं दय्‌कूगु सिँ व ल्‍वहं जक खः।