यर्मिया 16:18 - नेवाः बाइबल

¹⁸ इमिगु अधर्म व पापया निंतिं जिं इमित निदुगं सजाँय बी, छाय्‌धाःसा इमिसं जिगु देशयात इमिगु घच्‍चाइपुगु द्यःतय्‌गु ज्‍यालगय् मजूगु मूर्तिं अशुद्ध याःगु दु। अले जिगु सर्बययात इमिसं थःगु घच्‍चाइपुगु मूर्तिं जाय्‌कूगु दु।”

यर्मिया 16:18 Referans Kwoze

यशैया 40:2

यरूशलेमया मनूतय्‌त साहस ब्‍यु। इमित धा, इमिसं ताःइलंनिसें सास्‍ती नयावयाच्‍वंगु दु। आः इमिगु पाप क्षमा जूगु दु, इमिगु पापया लागिं जिं इमित पूरा सजाँय बियागु दु।

प्रकाश 18:6

वं छिमित गथे यानातःगु खः छिमिसं नं वयात अथे हे या। वं याःगु ज्‍या सिबय् निदुगं अप्‍वः वयात छिमिसं नं या। छिमित त्‍वंकेत ख्‍वल्‍चाय् तयाब्‍यूगु सिबय् निदुगं अप्‍वः कडागु वयागु ख्‍वल्‍चाय् तयाब्‍यु।

इजकिएल 11:21

तर थःगु घच्‍चाइपुगु झ्‍वातात व घच्‍चाइपुगु मूर्तिपाखे मन वंकिपिन्‍त धाःसा जिं इमिसं याःगु ज्‍या इमिगु हे छेनय् प्‍वंकाबी, जि, परमप्रभु परमेश्‍वरं धाये।”

यर्मिया 17:18

जितः दुःख बीपिं हे मछाले मालेमा, तर जितः धाःसा मछाले म्‍वाय्‌कादिसँ। इमित ख्‍यानादिसँ तर जितः ग्‍यायेगुपाखें बचय् यानादिसँ। इमिके आतंकया दिं हयादिसँ अले निदुगं नाशं इमित चुंचुं यानादिसँ।

यर्मिया 2:7

जिं छिमित यक्‍व सइगु भिंगु बुँ दुगु देशय् अन्‍न बाली व मेमेगु भिंगु नसा नयेमा धकाः हया। तर वये धुंकाः छिमिसं जिगु थ्‍व देशयात अशुद्ध यात, अले जिगु सर्बययात घच्‍चाइपुगु यानादिल।

इजकिएल 11:18

“इपिं अन लिहां वइ अले इमिसं अनं उकियागु फुक्‍क घच्‍चाइपुगु झ्‍वातात व घच्‍चाइपुगु मूर्तित चीकाछ्वइ।

यर्मिया 3:9

व लज्‍या मचाःम्‍ह व्‍यभिचारिणी जूगुलिं देश नं अशुद्ध जुल। वं ल्‍वहं व सिँनापं नं व्‍यभिचार यात।

यशैया 61:7

छिमिगु लज्‍याया पलेसा छिमित निदुगं सुवाः दइ, अले हेलाया पलेसा छिपिं थःगु अधिकारय् लय्‌तायाच्‍वनी। अथे जुयाः छिमित थःगु हे देशय् निदुगं हक दइ, अले छिमिगु निंतिं सदां सदांया लसता दइ।

मीका 2:10

दँ, वना हे छ्व, थ्‍व थाय् छिमिगु आराम कायेगु थाय् मखु, छाय्‌धाःसा थ्‍व देश अशुद्ध जूगु दु, छुं उपाय मदय्‌क थ्‍व नाश जूगु दु।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

भजनसंग्रहया सफू 106:38

इमिसं द्वं मदुपिं काय् म्‍ह्याय्‌पिनिगु हि बाः वय्‌कल, इमिसं इमित कनान देशया मूर्तितय्‌गु निंतिं भोग बिल, थथे इमिगु हिं देश अपवित्र जुल।

लेवी 26:30

जिं छिमिगु पुजा यायेगु देगःचात स्‍यंकाबी, अले छिमिगु धुपाँय्‌ च्‍याकेगु मकःयात नं स्‍यंकाबी, अले छिमिगु सीम्‍हयात उपिं जीवन मदुगु मूर्तितय्‌गु द्यःने तयाबी। जिं स्‍वइबलय् छिपिं घचाइपुसे च्‍वंपिं जुइ धुंकूगु दु।

यशैया 65:6

“स्‍व, जिगु न्‍ह्यःने च्‍वयातःगु दु, जि सुम्‍क च्‍वने मखु, तर जिं इमित पूरा बदला काये, धात्‍थें हे जिं पूरा बदला काये।

यर्मिया 7:30

“यहूदायापिं मनूतय्‌सं जिगु मिखाय् मभिंगु ज्‍या याःगु दु, परमप्रभुं धयादी। जितः तसकं मयःगु मूर्तित इमिसं जिगु नां दुगु देगलय् तयातःगु दु अले देगःयात अशुद्ध यानाब्‍यूगु दु।

यर्मिया 44:4

अय्‌नं जिं जिम्‍ह दास अगमवक्तातय्‌त बारम्‍बार इमिथाय् थथे धाय्‌के छ्वया, ‘जितः तसकं मयःगु थज्‍याःगु घच्‍चाइपुगु ज्‍या याये मते।’

इजकिएल 5:11

“गथे जि धात्‍थें म्‍वाःम्‍ह खः, जि, परमप्रभु परमेश्‍वरं धाये, छंगु फुक्‍क घच्‍चाइपुगु मूर्तित व छं याःगु घच्‍चाइपुगु व्‍यवहारपाखें जिगु पवित्र थाय्‌यात छं अशुद्ध याःगुलिं जिं धात्‍थें हे छिमित नाश याये, जिं छिमित मायां स्‍वये मखु अले जिं छन्‍त दया नं याये मखु।

होशे 9:7

सजाँयया ई न्‍ह्यःने थ्‍यंकः वःगु दु। इमिगु पापया पलेसा काइगु ई वःगु दु। इस्राएलं थ्‍व खँ सी। छिमिगु यक्‍व पाप व तःधंगु इखयागु कारणं छंगु निंतिं अगमवक्तात मूर्ख व आत्‍मां जाःपिं मनूत वँय् थें जुइ।

यशैया 65:7

जिं छिमिगु व छिमि पुर्खातय्‌गु पापया बदला काये” परमप्रभुं धयादी। “छाय्‌धाःसा इमिसं पर्वतय् बलि छ्वय्‌कल, अले डाँडाय् जितः हेपय् यात। जिं इमिगु न्‍हापाया ज्‍याया पलेसा इमित पूरा बदला काये।”

इजकिएल 36:18

इमिसं देशय् हि बाः वय्‌कूगु व थःगु मूर्तितपाखें उकियात अशुद्ध याःगुलिं जिं थःगु तं इमिके प्‍वंका।