यर्मिया 16:11 - नेवाः बाइबल

¹¹ अबलय् छं इमित थथे धा, ‘छिमि तापाःबाज्‍यापिन्‍सं जितः त्‍वःताः मेपिं द्यःतय्‌त पुजा यात अले सेवा यात,’ परमप्रभुं धयादी। ‘इमिसं जिगु व्‍यवस्‍था पालन मयाः।

यर्मिया 16:11 Referans Kwoze

१ पत्रुस 4:3

परमेश्‍वरयात म्‍हमस्‍यूपिन्‍सं याना जू थें न्‍हापा छिमिसं नं थः यःथें यानाजुइगु, व्‍यभिचार यायेगु, अय्‌लाः थ्‍वँ त्‍वना जुइगु, मोजमज्‍जा यायेगु, मूर्ति पुजा यायेगु याना जुइ धुंकल।

इजकिएल 11:21

तर थःगु घच्‍चाइपुगु झ्‍वातात व घच्‍चाइपुगु मूर्तिपाखे मन वंकिपिन्‍त धाःसा जिं इमिसं याःगु ज्‍या इमिगु हे छेनय् प्‍वंकाबी, जि, परमप्रभु परमेश्‍वरं धाये।”

यर्मिया 22:9

अले मनूतय्‌सं धाइ, ‘इमिसं थः परमप्रभु परमेश्‍वरया बाचा त्‍वाथुलाः मेपिं द्यःतय्‌त पुजा व सेवा याःगुलिं थथे जूगु खः।’”

यर्मिया 8:2

मनूतय्‌सं माया यानाः सेवा याःगु, सल्‍लाह काःगु व पुजा याःगु सूर्य, तिमिला व आकाशया नगुतय्‌गु न्‍ह्यःने उपिं क्‍वँय्‌त ब्‍वइ। मुनाः चिहानय् थुनीगु पलेसा उपिं क्‍वँय् बँय् साः थें लानाच्‍वनी।

१ राजा 9:9

मनूतय्‌सं थथे लिसः बी, ‘थः पुर्खातय्‌त मिश्रं पित हयादीम्‍ह परमप्रभु थः परमेश्‍वरयात त्‍वःताः इमिसं मेपिं द्यःतय्‌त पुजायात। उकिं परमप्रभुं थ्‍व विपत्ति इमिथाय् हयादीगु खः।’”

यर्मिया 9:14

उकिया पलेसा इपिं जिराहा जुयाः इमि पुर्खातय्‌सं स्‍यं थें बालद्यःया ल्‍यूल्‍यू वंगु दु।”

यर्मिया 2:8

‘परमप्रभु गन दी?’ धकाः पुजाहारीतय्‌सं मन्‍यं। व्‍यवस्‍था स्‍यनीपिन्‍सं नं जितः म्‍हमसील। शासकतय्‌सं नं जिलिसें विद्रोह यात, अगमवक्तातय्‌सं बालद्यःया नामय् अगमवाणी ल्‍हात अले ज्‍यालगे मजूपिं मूर्तितय्‌त पुजा यात।

२ इतिहास 7:22

“मनूतय्‌सं लिसः बी, ‘थः पुर्खातय्‌त मिश्रं पित हयादीम्‍ह परमप्रभु थः परमेश्‍वरयात त्‍वःताः इमिसं मेपिं द्यःतय्‌त मानय् यानाः भागियानाः पुजा यात। उकिं परमप्रभुं थ्‍व विपत्ति इमिथाय् हयादीगु खः।’”

आमोस 2:4

परमप्रभुं थथे धयादी – “यहूदाया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु। इमिसं परमप्रभुया व्‍यवस्‍थायात हेला यात, वय्‌कःया विधित पालन मयात। इमि पुर्खात ल्‍यूवंपिं द्यःतय्‌सं इमित मखुगु लँय् यंकल।

मलाकी 3:7

छिमि पुर्खातय्‌गु इलंनिसें हे छिपिं जिगु नियम मानय् मयासें लिचिलाः फस्‍वया वंगु दु। जिथाय् लिहां वा अले जि छिमिथाय् लिहां वये,” दक्‍व शक्ति दुम्‍ह परमप्रभुं धयादी। “अय्‌सां छिमिसं धाइ, ‘जिपिं छु खँय् लिहां वयेगु?’

न्‍यायकर्ता 2:11

अनंलि इस्राएलीतय्‌सं परमप्रभुया मिखाय् मभिंगु ज्‍या यात। इमिसं बालद्यःयात पुजायात।

यर्मिया 13:22

छं “जितः थथे छाय् जुल?” धकाः मतिइ तल धाःसा छंगु पतसि खुगू व छन्‍त बलात्‍कार याःगु ला छंगु हे पापं यानाः खः।

यर्मिया 44:3

थ्‍व इमिसं मभिंगु ज्‍या याःगुलिं जूगु खः। इमिसं छिमिसं म्‍हमस्‍यूपिं व छिमि पुर्खातय्‌सं म्‍हमस्‍यूपिं मेपिं द्यःत पुजा यानाः जितः तंचाय्‌कल।

विलाप 5:7

जिमि तापाःबाज्‍यापिन्‍सं पाप यात, आः इपिं मन्‍त। इमिसं याःगु अर्धमया फल जिमिसं भोगे यानाच्‍वना।