यर्मिया 15:20 - नेवाः बाइबल

²⁰ जिं छन्‍त थ्‍व प्रजाया निंतिं कँय्‌यागु बल्‍लाःगु किल्‍ला दुगु पःखाः दय्‌काबी। इमिसं छंगु विरोधय् लडाइँ याइ, तर इमिसं छन्‍त त्‍याकी मखु, छाय्‌धाःसा छन्‍त बचय् यायेत व उद्धार यायेत जि छलिसें दु,” परमप्रभुं धयादी।

यर्मिया 15:20 Referans Kwoze

इजकिएल 3:9

जिं छंगु कपाःयात च्‍वल्‍वहं स्‍वयाः छाःगु ल्‍वहं थें छाकाबी। उपिं विद्रोही घराना जूसां इपिं खनाः ग्‍याये मते! इमिगु ख्‍वाः खनाः नं ग्‍याये मते!”

यर्मिया 1:8

इपिं खनाः छ ग्‍याये मते, छाय्‌धाःसा छन्‍त रक्षा यायेत जि छनापं दइ। जि परमप्रभु न्‍ववानागु दु।”

यशैया 41:10

अथे जुयाः ग्‍याये मते, छाय्‌धाःसा जि छनापं हे दु। नुगः क्‍वतुंके मते, छाय्‌धाःसा जि हे छिमि परमेश्‍वर खः। जिं छन्‍त बल्‍लाके। जिं छन्‍त ग्‍वाहालि याये। जिगु धार्मिकताया जव ल्‍हातं जिं छन्‍त तिबः बी।

भजनसंग्रहया सफू 46:11

दक्‍व शक्ति दुम्‍ह परमप्रभु झीनापं दी, याकूबया परमेश्‍वर झीगु शरण कायेगु थाय् खः। सेला

भजनसंग्रहया सफू 46:7

दक्‍व शक्ति दुम्‍ह परमप्रभु झीलिसे दी, याकूबया परमेश्‍वर झी शरण कायेगु थाय् खः।

२ तिमोथी 4:22

प्रभु छंगु नुगलय् दीमा। परमेश्‍वरं छिमित दया माया यानादीमा।

यर्मिया 6:27

“हे यर्मिया, इमिगु चाला जाँचय् यायेत व इपिं गथे च्‍वं स्‍वयेत जिं छन्‍त धातुयात जाँचय् याइम्‍ह व इमित नाय्‌के मानिगु कचिगु धातु थें दय्‌का।

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 15:10

हाय, जिमि मां, छाय् छिं जितः बुइकादिया? जिलिसें फुक्‍क देशं ल्‍वापु व जवाःसवाः याइगु। जिं न त्‍याय् बियागु दु, न त्‍याय्‌ कयागु दु, अय्‌नं सकसिनं जितः सराः बीगु।

यर्मिया 15:15

छिं स्‍यू, हे परमप्रभु, जितः लुमंकादिसँ, जितः वास्‍ता यानादिसँ। जिगु निंतिं जितः कसाः बीपिन्‍त बदला कयादिसँ। छि सह याये फुम्‍ह खः, जितः यंकादी मते! छिगु लागिं जिं गुलि ब्‍वः फये माल! व लुमंकादिसँ।

यर्मिया 38:28

थुकथं यर्मिया यरूशलेम कब्‍जा याःबलय् तक पिवाःत च्‍वनीगु चुकय् हे च्‍वन। थ्‍व गुकथं यरूशलेमयात कब्‍जा यात धयागु खँ खः।

यर्मिया 39:11

बेबिलोनयाम्‍ह जुजु नबूकदनेसरं जुजुया अङ्गरक्षकतय् सेनापति नबूजरदानयात यर्मियाया बारे थ्‍व आज्ञा बिल,

यर्मिया 42:11

छिपिं आः ग्‍यानाच्‍वंगु बेबिलोनया जुजुलिसें ग्‍याये मते, परमप्रभुं धयादी, छाय्‌धाःसा छिमित वयागु ल्‍हातं बचय् यायेत व त्‍वःतकेत जि छिपिंलिसें दु।

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

भजनसंग्रहया सफू 37:39

भिंपिं मनूतय्‌त परमप्रभुं स्‍वयादी, दुःखया इलय् वय्‌कलं इमित उद्धार यानादी।

इजकिएल 3:8

तर जिं छन्‍त इपिं थें हे जिद्दी व नुगः छाःपिं यानाबी।