यर्मिया 14:6 - नेवाः बाइबल

⁶ गुँ गधात नांगा डाँडाय् दनाः ध्‍वंचात थें स्‍वाँ स्‍वाँ वय्‌की। घाँय् मदुगुलिं इमिगु मिखा बुलुसे च्‍वनी।”

यर्मिया 14:6 Referans Kwoze

यर्मिया 2:24

छ मरुभूमिइ च्‍वनीम्‍ह ज्‍वःचिनीगु इलय् फसय् नँतुनाजुइम्‍ह मिसाम्‍ह गुँगधा थें खः। सुनां वयागु येचाःगु पने फइ? वयात यय्‌कीपिन्‍सं वयात माला जुइम्‍वाः, छाय्‌धाःसा व इमिथाय् ब्‍वाँय् वइ।

योएल 1:18

पशुत गथे यानाः ख्‍वयाच्‍वंगु दु। सा द्वहंतय्‌गु बथांत वाथा वाथा जुयाच्‍वंगु दु छाय्‌धाःसा इमिगु निंतिं ज्‍वयेगु थाय् मदु। फैच्‍वलय्‌या पुचः नं कष्‍टय् लानाच्‍वंगु दु।

विलाप 5:17

थथे जुयाः जिमिगु नुगः बमलाये धुंकल, जिमिगु मिखा बुलुइ धुंकल।

विलाप 4:17

ग्‍वाहालिया निंतिं मफतय् लँपु स्‍वस्‍वं­ जिमिगु मिखा बुलुइ धुंकल। सुरक्षाया निंतिं छगू जातिया लँपु स्‍वयाच्‍वना, अय्‌नं इमिसं जिमित बचय् याये मफुत।

१ शमूएल 14:29

जोनाथनं धाल, “जिमि बौनं देय्‌या निंतिं हानि यानादीगु दु। स्‍व, जि थ्‍व कस्‍ति नये धुंकाः बल वःगु दु।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।