यर्मिया 14:22 - नेवाः बाइबल

²² जात जातिया द्यःत मध्‍ये सुनां वा वय्‌के फइ? अथवा आकाशं थःम्‍हं हे वा वय्‌के फइ ला? हे परमप्रभु, जिमि परमेश्‍वर, छिं हे वा वय्‌कादी। उकिं जिमित छिगु हे आशा दु, छाय्‌धाःसा थ्‍व फुक्‍क यानादीम्‍ह छि हे खः।

यर्मिया 14:22 Referans Kwoze

योएल 2:23

हे सियोनयापिं मनूत, लय्‌ता, परमप्रभु थः परमेश्‍वरयाके लय् लय्‌ताता न्‍ह्यइपुइकाच्‍वँ! छाय्‌धाःसा वय्‌कलं दकलय् न्‍हापां वइगु वा छिमित बियादीगु दु, छाय्‌धाःसा वय्‌कः विश्‍वास याये बहःम्‍ह खः। अले छिमिगु निंतिं माक्‍व वा वय्‌कादी न्‍हापागु वा व लिपायागु वा न्‍हापा थें हे वय्‌कादी।

यर्मिया 5:24

तर इमिसं थःगु नुगलय् थथे धाइ मखु, ‘झीसं परमप्रभु झी परमेश्‍वरया भय कायेनु। वय्‌कलं हे वा वइगु इलय्‌या न्‍हापांगु व लिपांगु वा वय्‌कादी। दँय्‌दसं अन्‍न लइगु ई बियादी।’

भजनसंग्रहया सफू 135:7

वय्‌कलं पृथ्‍वीया कुन्‍चां सुपाँय् थकयादी, वानापं हाबलासा छ्वयाहयादी, अले थःगु धुकुतिं फय् पिकयादी।

यशैया 30:23

छिमिसं बुँइ ह्वलिगु पुसाया निंतिं वय्‌कलं आकाशं लः छ्वयाहयादी। अले बुं अन्‍न बांलाक सय्‌की अले यक्‍व दइ। व दिंखुन्‍हु सा-द्वहंत तःधंगु ख्‍यलय् ज्‍वइ।

व्‍यवस्‍था 32:21

इमिसं द्यः मखुपिन्‍त पुजा यानाः जिगु नुगः मुइकल, अले ज्‍यालगय् मजूगु मूर्तिपाखें जितः तंचाय्‌कल। उकिं, आः जिं नं थः मखुपिं मनूतपाखें इमिगु नुगः मुइके। छगू मूर्ख जातियापाखें इमित तं चाय्‌के।

यर्मिया 51:16

वय्‌कः थ्‍वय्‌क हालादीबलय् आकाशय् लः गड्याङ गुडयाङ याइगु, वय्‌कलं पृथ्‍वीया तापाःगु थासं सुपाँय् थकयादी। वय्‌कलं वानापं हाबलासा त्‍वय्‌कादी। थःगु धुकुतिं फय् वय्‌कादी।

यर्मिया 16:19

हे परमप्रभु, जिगु बल व जिगु किल्‍ला, दुःखया दिनय् जिगु शरण कायेगु थाय्, पृथ्‍वीयागु ताताःपाःगु थासं जाति जातितय्‌सं छिथाय् वयाः धाइ, “जिमि तापाःबाज्‍यापिन्‍के ला फताहा द्यःत, ज्‍यालगे मजूगु मूर्तित बाहेक मेगु छुं नं मदु।

यर्मिया 10:15

उपिं ज्‍यालगय् मजूगु व न्‍हीकीगु खँ खः। उमिगु न्‍याय जुइबलय् उपिं नाश जुइ।

यशैया 41:29

स्‍व, इपिं फुक्‍कं असत्‍य खः। इमिगु ज्‍या नं छुं मू मवं। इमिगु मूर्तित फय् व अलमल जक खः।”

भजनसंग्रहया सफू 130:5

जिं परमप्रभुयात पियाच्‍वना, जिं दुनुगलंनिसें हे वय्‌कःया लँ स्‍वयाच्‍वना। अले जिगु आशा वय्‌कःया वचनय् दु।

भजनसंग्रहया सफू 25:21

जिगु इमान्‍दारी व भिंगु पहलं यानाः जितः बचय् यानातयेमा। छाय्‌धाःसा जिं छिगु भलसा कयागु दु।

१ राजा 17:14

परमप्रभु, इस्राएलया परमेश्‍वरं थथे धयादी, ‘परमप्रभुं देशय् वा छ्वयाहयामदीं तक बात्‍चाय् च्‍वंगु छुचुं फुइ मखु अले सिसिइ च्‍वंगु चिकं कम जुइ मखु।’”

१ राजा 17:1

गिलादया तिश्‍बेयाम्‍ह तिश्‍बी एलियां आहाबयात धाल, “जिं सेवा याना वयाच्‍वनाम्‍ह परमप्रभु, इस्राएलया परमेश्‍वर म्‍वाःम्‍ह खः थें, जिं पाफयाः धाये जिं मधायेकं आः वइगु छुं दँ तक सुतिलः नं गाइ मखु, वा नं वइ मखु।”

व्‍यवस्‍था 28:12

परमप्रभुं थःगु भिंगु धुकू आकाशं छिमिगु बुँइ पाय्‌छिगु इलय् वा वय्‌कादी, अले छिमिगु ल्‍हाःया फुक्‍क ज्‍याय् सुवाः बियादी। छिमिसं यक्‍व जातितय्‌त त्‍यासा बी अय्‌नं सुयाकें त्‍यासा कायेमाली मखु।

मीका 7:7

तर जिं धाःसा जिम्‍ह परमप्रभुयाके आशा तयाच्‍वने, जि जितः उद्धार याइम्‍ह परमेश्‍वरयात पियाच्‍वने छाय्‌धाःसा वय्‌कलं जिगु प्रार्थना बिन्‍ति न्‍यनादी।

आमोस 4:7

“अन्‍न मुनीगु स्‍वला न्‍ह्यः हे जिं छिमिथाय् वा वयेगु दीकाबिया। जिं छगू शहरय् वा वय्‌काबिया, मेगु शहरय् वा मवय्‌का। छगू बुँइ वा वल अले मेगु बुँ वा मवयाः गना वन।

यर्मिया 10:13

वय्‌कलं न्‍ववानादीबलय् आकाशय् लः थ्‍वय्‌क हाली। पृथ्‍वीया कुन्‍चां वय्‌कलं सुपाँय् हयादी। वा वइबलय् वय्‌कलं हाबलासा त्‍वय्‌कादी अले थःगु धुकुतिं फय् वय्‌कादी।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

भजनसंग्रहया सफू 147:8

वय्‌कलं आकाशयात सुपाँचं त्‍वपुयादी, पृथ्‍वीइ वा वय्‌कादी, अले पहाड पहाडय् घाँय् बुइकादी।

भजनसंग्रहया सफू 27:14

परमप्रभुयागु लँ स्‍वयाच्‍वँ। साहस या, थःगु नुगः बल्‍लाकि। परमप्रभुयागु लँ स्‍वयाच्‍वँ।

भजनसंग्रहया सफू 25:3

छिगु भलसा काइपिं सुं नं मछालेमालि मखु। मेपिन्‍त ध्‍वंलाये स्‍वइपिं मनूत जक मछालेमालि।

अय्‍यूब 5:10

वय्‌कलं पृथ्‍वीइ वा वय्‌कादी, अले बुँइ बुँइ लः छ्वयाहयादी।

१ राजा 18:1

यक्‍व दिं लिपा, वा मवःगु स्‍वंगूगु दँय् परमप्रभुयागु थ्‍व वचन एलियायाथाय् वल, “आहाब जुजुयात नापलाः हुँ, अले जिं वा वय्‌काबी।”

१ राजा 8:36

हे परमप्रभु, छिं स्‍वर्गं इमिगु बिन्‍ति न्‍यनादिसँ, अले थः दासत इस्राएलीतय्‌गु पाप क्षमा यानादिसँ। इमित इपिं जुइमाःगु खःगु लँपु स्‍यनादिसँ। छिं थः मनूतय्‌त इमिगु सर्बयया निंतिं बियादीगु थ्‍व देशय् हाकनं वा वय्‌कादिसँ।

मत्ती 5:45

अले जक छिपिं स्‍वर्गय् दीम्‍ह बाःया मस्‍त जुइ फइ, छाय्‌धाःसा वय्‌कलं भिंपिं व मभिंपिं निम्‍हय्‌सितं निभाः त्‍वय्‌कादी। अले धर्मी व पापी निम्‍हय्‌सितं वा वय्‌कादी।

यर्मिया 5:12

इमिसं परमप्रभुया बारे मखुगु खँ धाःगु दु। इमिसं धाल, “वय्‌कलं छुं यानादी मखु। झीत छुं जुइ मखु। झीसं गुबलें तरवार व अनिकाल खनी मखु।

यर्मिया 10:3

छाय्‌धाःसा जाति जातितय्‌गु थितिकुति ज्‍यालगय् मजू। इमिसं गुँइ छमा सिमा पाली, अले छम्‍ह कारिगरं उकियात ज्‍याभलं आकार बी।

होशे 2:7

व थः प्रेमीपिनिगु ल्‍यूल्‍यू वनी तर वं नापलाके फइ मखु। वं इमित माली तर लुइकी मखु। अले वं थथे धाइ, ‘जि न्‍हापायाम्‍ह भाःतयाथाय् हे लिहां वने, छाय्‌धाःसा जिगु न्‍हापायागु अवस्‍था आःयागु अवस्‍था स्‍वयाः बांलाः।’

अय्‍यूब 28:26

वय्‌कलं आकाशं वइगु वायागु लागि विधि व नँ न्‍यानाः वइगु वाफय्‌या लागि लँ क्‍वःछिनादीबलय्,

यर्मिया 10:12

तर परमेश्‍वरं हे थःगु शक्तिं पृथ्‍वीयात दय्‌कादिल। वय्‌कलं हे संसारयात थःगु बुद्धिं थापं यानादिल। अले आकाशयात थःगु दुग्‍यानं चक्‍कंकादिल।

मीका 5:6

इमिसं अश्‍शूर देशयात तरवारं व निम्रोद देशयात नांगागु तरवारं शासन याइ। अश्‍शूरीत झीगु देशय् हमला यायेत वइबलय् अले झीगु सिमानाया दुने पलाः तइबलय् वय्‌कलं झीत अश्‍शूरीतपाखें बचय् यानादी।