यर्मिया 14:15 - नेवाः बाइबल

¹⁵ उकिं, जिगु नामय् अगमवाणी याइपिं अगमवक्तातय्‌गु बारे जि परमप्रभुं थथे धाये – जिं इमित छ्वयागु मखु। अय्‌नं इमिसं, ‘थ्‍व देशयात गुगुं तरवार वा अनिकालं थी मखु,’ धकाः धयाच्‍वंगु दु। उपिं अगमवक्तात हे तरवार व अनिकालं नाश जुइ।

यर्मिया 14:15 Referans Kwoze

इजकिएल 14:10

इपिं निम्‍हय्‌सिनं थथःगु अपराधया दोष फइ, अगमवक्ताया दोष व सल्‍लाह काइम्‍हय्‌सिगु दोष उति हे जुइ।

प्रकाश 19:20

अले व पशुयात व वया फताहा अगमवक्तायात ज्‍वन। व पशुयागु चिं दुपिन्‍त व पशुयागु मूर्तियात पुजा याःपिन्‍त चिं क्‍यनाः थगय् याःम्‍ह थ्‍व हे खः। गन्‍धक जक च्‍यानाच्‍वनीगु मि गालय् थुपिं निम्‍हय्‌सितं क्‍वफात।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”

यर्मिया 20:6

अले हे पशहूर, छ व छंगु छेँय् च्‍वंपिं सकसितं ज्‍वनाः बेबिलोनय् यंकी। छ व छिमि सकलें पासापिं, गुपिन्‍त छं मखुगु अगमवाणी याःगु खः, सकलें बेबिलोनय् सी। अले छिमित अन हे थुनी।’”

यर्मिया 8:12

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ

यर्मिया 6:15

छु इपिं थःगु घच्‍चाइपुगु ज्‍या याये धुंकाः लज्‍या चाल ला? मखु, इपिं भचा नं लज्‍या चाःगु मदु छाय्‌धाःसा इपिं लज्‍या चाये हे मसः। उकिं मेपिं पतन जूपिंनापं इपिं नं पतन जुइ। जिं इमित सजाँय बीबलय् इपिं नाश जुइ” परमप्रभुं धयादी।

१ राजा 22:25

मीकायां लिसः बिल, “व ला छ थः हे दुनेया क्‍वथाय् सुलेत वंगु दिनय् छं सी।”

यर्मिया 23:30

“अथे जुया,” परमप्रभुं धयादी, “जि छम्‍हय्‌सिनं मेम्‍हय्‌सिगु वचन खुयाः जिगु वचन खः धकाः धयाजुइपिं अगमवक्तातय्‌गु विरोधय् दु।”

यर्मिया 27:15

परमप्रभुं धयादी, ‘जिं इमित छ्वयागु मखु, अय्‌नं इमिसं जिगु नामय् मखुगु अगमवाणी ल्‍हानाच्‍वंगु दु। उकिं जिं छिमित देशं पितिनाछ्वये। छिपिं छिमित अगमवाणी ल्‍हाइपिं छिमि अगमवक्तातनापं नाश जुइ।’”

विलाप 1:19

“जिं थः प्रेमीतय्‌त सःता, तर इमिसं जितः धोखा बिल। थःत म्‍वाकातयेत नयेगु नसा माःजूबलय् शहरय् जिम्‍ह पुजाहारीत व न्‍ह्यलुवाः नाश जुल।

विलाप 2:20

“स्‍वयादिसँ! हे परमप्रभु, बिचाः यानादिसँ! सुयात छिं थज्‍याःगु दुःखकष्‍ट बियादीगु दु धकाः? छु मिसातय्‌सं थःगु गर्भया फल, व थःम्‍हं बुइका तःपिं मस्‍तय्‌गु ला नयेगु ला? छु पुजाहारीत व अगमवक्तात परमप्रभुया पवित्र देगलय् हे स्‍याइगु?

इजकिएल 13:14

अले छिमिसं सख्‍वाः पाःगु पःखाःयात जिं थुनाबी अले उकियात बँ तक हे माथं वंकाबी। व दुनीबलय् छिपिं नं उकिं ल्‍हानाः नाश जुइ, अले परमप्रभु जि हे खः धकाः छिमिसं सी।

इजकिएल 14:9

“‘अले उम्‍ह अगमवक्तायात लोभ क्‍यनाः अगमवाणी याकेब्‍यूगु दुसा, जि परमप्रभुं हे उम्‍ह अगमवक्तायात लोभ क्‍यनागु खः। जिं थःगु ल्‍हाः वयागु विरोधय् ल्‍ह्वने, अले जिगु प्रजा इस्राएलया दथुं वयात नाश यानाबी।

मीका 3:5

परमप्रभुं थथे धयादी, “जिमि प्रजायात मभिंगु लँपुइ यंकीपिं अगमवक्तातय्‌त सुनानं नयेत ब्‍यूसा इमिसं ‘शान्‍ति शान्‍ति’ धकाः हाला हइ। वं नयेत मबिल धाःसा वयागु विरोधय् ल्‍वाःवनेत इपिं तयार जुइ।

व्‍यवस्‍था 18:20

अय्‌नं जिं आज्ञा मबियागु वचन जिगु नामय् न्‍ववाइम्‍ह वा मेपिं द्यःतय्‌गु नामय् न्‍ववाइम्‍ह अगमवक्तायात स्‍याना छ्वयेमाः।”

यर्मिया 8:13

“‘जिं इमिगु बाली यंके। दाखमाय् दाख दइ मखु। यःमरिमाय् यःमरिया फल दइ मखु। अले उमिगु हः सुकुगनी। जिं इमित बियागु नं इमिपाखें लाका काइ।’” परमप्रभुं धयादी।

इजकिएल 13:9

जिगु ल्‍हाः मखुगु दर्शन खनीपिं व मखुगु ज्‍वखना ल्‍हाइपिं अगमवक्तातय्‌गु विरोधय् जुइ। इमित जिगु प्रजाया सभाय् थाय् दइ मखु। इमिगु नां इस्राएलया घरानाया धलखय् दइ मखु। इस्राएल देशय् इपिं दुहां वने दइ मखु। अले जि हे परमप्रभु परमेश्‍वर खः धकाः छिमिसं सी।

इजकिएल 13:15

थुकथं जिं थःगु तं पःखाः व उकी सख्‍वाः पाःपिं मनूतय्‌गु विरोधय् प्‍वंके। जिं छिमित धाये, “व पःखाः आः मन्‍त, उकी सख्‍वाः पाःपिं नं मन्‍त,

इजकिएल 33:6

तर शत्रुत वयाच्‍वंगु खनाः नं उम्‍ह पिवाः च्‍वंम्‍हय्‌सिनं सुचं बीत तुरही मपुल धाःसा अले शत्रुत वयाः सुं छम्‍हय्‌सित स्‍यात धाःसा उम्‍ह मनू थःगु हे पापया कारणं सीगु जुइ, तर व मनू सीगुया ल्‍याःचाः जिं पिवाः च्‍वंम्‍हय्‌सिके काये।’