यर्मिया 14:10 - नेवाः बाइबल

¹⁰ थ्‍व प्रजाया बारे परमप्रभुं थथे धयादी, “इमित ला चाचाःहिलाः जुइगु तसकं यः। इमिसं थःगु तुतियात पनी मखु। उकिं परमप्रभुं इमित नालादी मखु। आः वय्‌कलं इमिगु अधर्म लुमंकादी अले इमिगु पापया सजाँय इमित बियादी।”

यर्मिया 14:10 Referans Kwoze

होशे 9:9

गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

भजनसंग्रहया सफू 119:101

छिगु वचन पालन याये धकाः जिं थःगु तुतियात फुक्‍क मभिंगु लँपुपाखें अलग तयागु दु।

आमोस 5:22

छिमिसं जिगु निंतिं होमबलि व अन्‍नबलि छाःसां जिं व नालाकाये मखु। छिमिसं छाःगु दकलय् बांलाःगु मेलबलियात नं जिं वास्‍ता याये मखु।

यर्मिया 6:20

जितः शेबां हःगु गुँगू व तसकं तापाकं हःगु नस्‍वाःगु तिंकथि छाय् माल? छिमिगु होमबलि जिं काये मखु। छिमिगु बलिदानं जि लय्‌ताये मखु।”

हिब्रू 8:12

इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी, अले इमिगु पाप नं जिं लुमंके मखु।”

यर्मिया 31:34

‘प्रभुयात म्‍हसीकी’ धकाः इमिसं थः जःलाखःलापिन्‍त व दाजुकिजापिन्‍त नं स्‍यना जुइ माली मखु, छाय्‌धाःसा चिधिकःपिन्‍संनिसें कयाः तःधिकःपिन्‍सं तकं जितः म्‍हसी। इमिसं याःगु मभिंगु बांमलाःगु ज्‍याखँ फुक्‍कं जिं क्षमा यानाबी। अले इमिगु पाप नं जिं लुमंके मखु,” परमप्रभुं धयादी।

होशे 11:9

जिं जिगु तच्‍वकं च्‍याःगु तमं छुं नं याये मखुत, जिं एफ्राइमयात हाकनं भज्‍यंक नाश याये मखुत। छाय्‌धाःसा जि परमेश्‍वर खः, मनू मखु, जि परमपवित्र छिपिंनापं हे दु, जि तःच्‍वगु तमं छिमिथाय् वये मखु।

होशे 11:7

जिमि मनूत जिपाखें फस्‍वया वनेगु जिद्दी यानाच्‍वंगु दु। इमिसं दकलय् तःधंम्‍ह परमेश्‍वयात सःतूसां जिं इमित च्‍वछाये मखु।

यर्मिया 8:5

अथे खःसा थुपिं यरूशलेमयापिं मनूत छाय् परमेश्‍वरयात त्‍वःताः फस्‍वयावन? इमिसं मूर्ति पुजा याना हे च्‍वंगु दु। इमिसं जिथाय् लिहां वये म्‍हां धाल।

यर्मिया 2:36

न्‍हूगु लँ लित। छ छाय् थुलिमछि थुखे उखे चाःहिलाजुयागु? गथे अश्‍शूरपाखें छ आशां द्यात अथे हे मिश्रपाखें नं छ आशां द्याइ।

१ राजा 17:18

विधवा मिसां एलियायात धाल, “अय् परमेश्‍वरया मनू! छाय् छिं जिलिसें थथे यानादियागु? छु छि जिगु पाप लुमंकाबीत व जिमि काय्‌यात स्‍यायेत थन झायागु ला?”

१ शमूएल 15:2

दक्‍व शक्ति दुम्‍ह परमप्रभुं थथे धयादी, ‘इस्राएलीत मिश्र देशं पिहां वःबलय् अमालेकीतय्‌सं इमित हमला याःगुलिं जिं इमित सजाँय बी।

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

इजकिएल 29:16

इस्राएलयापिं मनूतय्‌सं हाकनं गुबलें मिश्र देशयात भलसा याइ मखु। तर झीसं न्‍हापा मिश्रयात भलसा यानाः गुलि बांमलाःगु ज्‍या याना धकाः मिश्रयागु छ्यालब्‍याल जूगु अवस्‍थां इस्राएलयात सिइके बी। अनंलि इमिसं जि हे परमप्रभु परमेश्‍वर खः धकाः सी।’”

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 7:13

धिक्‍कार इमित, छाय्‌धाःसा इपिं जिपाखें फहिलाः वंगु दु। इमिगु भज्‍यंक नाश जुइमा, छाय्‌धाःसा इपिं जिगु विरोधय् विद्रोही जूगु दु। इमित मू पुलाः त्‍वःतकेगु जिगु इच्‍छा दु, अय्‌नं इमिसं जिगु विरोधय् मखुगु खँ ल्‍हाइ।

आमोस 3:2

“पृथ्‍वीइ च्‍वंपिं फुक्‍क परिवारतय्‌गु दथुइ जिं छिमित जक ल्‍ययागु दु। अथे जुयाः छिमिगु दक्‍व पाप व अधर्मया निंतिं जिं छिमित सजाँय बी।”

प्रस्‍थान 32:34

हुँ, जिं छन्‍त धयागु देशय् मनूतय्‌त ब्‍वनायंकि। जिम्‍ह दूत छंगु न्‍ह्यः न्‍ह्यः वनी। अथेजूसां जिं सजाँय बीगु ई वइबलय् इमित पापया सजाँय बी।”

भजनसंग्रहया सफू 95:10

पिइदँ तक जि इपिं खनाः तंचाया, अले जिं धया, “थुपिं जिपाखें फहिला वनीगु मनदुपिं खः, इमिसं जिगु लँ म्‍हसीके मफु।