यर्मिया 13:9 - नेवाः बाइबल

⁹ “परमप्रभुं थथे धयादी, ‘थुकथं हे यहूदाया घमण्‍ड व यरूशलेमया तःधंगु घमण्‍ड नाश यानाबी।

यर्मिया 13:9 Referans Kwoze

लेवी 26:19

जिं छिमिगु घमण्‍ड चुंचुं याये। छिमिगु च्‍वय्‌यागु आकाश नँ थें व छिमिगु क्‍वय्‌या जमिन कँय् थें याये।

सपन्‍याह 3:11

व दिं, जिगु विरोधय् छं याःगु फुक्‍कं ज्‍याखँया हुनिं छ लज्‍या चायेमाली मखु, छाय्‌धाःसा तःधंछुयाः लय्‌ताया जुइपिन्‍त उबले जिं छिमिगु दथुइ लिकया छ्वये, अले जिगु पवित्र पहाडय् छ हाकनं तःधंछुयाः जुइ मखु।

यशैया 23:9

तःधंछुया जुइगु व शहरयागु फुक्‍क गौरवयात क्‍वह्यंकाबीत, पृथ्‍वीया सकलें नां जाःपिन्‍त क्‍वमिलु यानादीत दक्‍व शक्ति दुम्‍ह परमप्रभुं थ्‍व ग्‍वसाः ग्‍वयादीगु दु।

हितोपदेश 16:18

अप्‍वः घमण्‍डयात कि नाश जुइ, तःधंछुया जुल कि क्‍वःदली।

१ पत्रुस 5:5

क्‍वकालिपिं मनूतय्‌सं थकालिपिं मनूतय्‌त मानय् यायेमाः। थथःम्‍हं तुं तःधं जुया जुइगु बांमलाः। अय्‌जूगुलिं ग्‍वाहालि याये माःपिन्‍त छिमिसं ग्‍वाहालि या। थ्‍व हे खँ धर्मशास्‍त्रय् नं थथे च्‍वयातःगु दु – “परमेश्‍वरं तःधंछुना जुइपिनिगु विरोध यानादी, क्‍वमिलुपिन्‍त धाःसा दया यानादी।”

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”

लूका 18:14

वय्‌कलं धयादिल – “जिं छिकपिन्‍त धाये – व फरिसी स्‍वयाः थ्‍व मनू हे परमेश्‍वरया न्‍ह्यःने धर्मी ठहरय् जुयाः लिहां वन। सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

नहूम 2:2

परमप्रभुं याकूबयात न्‍हापा इस्राएल झःझः धाःगु थें हाकनं झःझः धाय्‌कादी। छाय्‌धाःसा शत्रुतय्‌सं इमित लुतय् यात, अले इमिगु दाखमा भज्‍यंक नाश यात।

इजकिएल 16:56

छंगु घमण्‍डया दिनय् छं याःगु मभिंगु ज्‍या खनेदये न्‍ह्यः छिमि केहेँ सदोमया नां तक नं छं काइ मखुगु।

इजकिएल 16:50

इपिं घमण्‍डी खः, इमिसं जिगु न्‍ह्यःने घच्‍चाइपुगु ज्‍या यात। उकिं जिं इमित नाश यानाबिया, व छं खंगु हे दु।

यर्मिया 48:29

“मोआब गुलि तःधं जुइमाःम्‍ह खः धयागु खँ जिमिसं न्‍यनागु दु। व तसकं तःधं जुइमाःम्‍ह खः। वयागु फुँइ व नुगःया तःधंछुया बारे जिमिसं न्‍यनागु दु।

यशैया 16:6

मोआबया घमण्‍डया बारे जिमिसं न्‍यनागु दु, इपिं गुलि तःधंसू व फुइँ यायेमाःपिं खः धकाः नं जिमिसं स्‍यू तर इमिगु व फुक्‍क फुइँ व्‍यर्थ खः।

यर्मिया 13:8

अबलय् परमप्रभुया वचन जिथाय् वल –

यर्मिया 25:18

जि यरूशलेम व यहूदाया मेमेगु शहरय् वना अले अन च्‍वंपिं मनूत, जुजुपिं व हाकिमतय्‌त व त्‍वंके बिया। उबलय् निसें थौं तक उपिं शहरत झिजांमिजां दंगु मरुभूमिइ थें जुया हे च्‍वंगु दु, उपिं शहरत खनाः मनूत ग्‍याइगु अले उपिं शहरतय्‌त तसकं मय्‌कीगु। थौं तक मनूतय्‌सं इमिगु नां कयाः सराः बियेगु यानावयाच्‍वंगु दु।