यर्मिया 13:20 - नेवाः बाइबल

²⁰ थःगु मिखा चाय्‌काः उत्तरपाखें वयाच्‍वंपिन्‍त स्‍व! छन्‍त लःल्‍हाःगु बथां, बांलाःपिं फैत गन दु?

यर्मिया 13:20 Referans Kwoze

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

हबकूक 1:6

स्‍व, जिं बेबिलोनीतय्‌त थने, व जाति तसकं नुगः छाःगु व लाः लाः थें यानाजुइगु जाति खः, मेपिनिगु च्‍वनेगु थाय् लाकाकायेत इपिं पृथ्‍वी न्‍यंकनं वनी।

यर्मिया 23:2

अथे जूगुलिं थः मनूतय्‌त ज्‍वइपिं फैजवाःतय्‌त परमप्रभु इस्राएलयाम्‍ह परमेश्‍वरं थथे धयादी, “छिमिसं जिगु बथांयात छ्यालब्‍याल यानाबिल, छिमिसं इमित लिनाछ्वत, इमित मस्‍वः। उकिं छिमिसं याःगु मभिंगु ज्‍याया निंतिं जिं थःम्‍हं हे छिमित सजाँय बी,” परमप्रभुं धयादी।

यर्मिया 1:14

वय्‌कलं जितः धयादिल, “थ्‍व देशय् च्‍वंपिं सकसिथाय् उत्तरपाखें विपत्ति वइ।

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 10:22

न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यर्मिया 25:37

अले परमप्रभु तंम्‍वयादीगुलिं शान्‍त ख्‍यः नाश जुइ।

हितोपदेश 14:28

सुं नं जुजु गुलि तःधं धयागु वया गुलि प्रजा दु धयागुलिं क्‍यनी, प्रजा मदय्‌कं जुजु धयापिं छुं नं मखु।