यर्मिया 11:6 - नेवाः बाइबल

⁶ परमप्रभुं जितः धयादिल, “यहूदाया फुक्‍क शहर व यरूशलेमया गल्‍लि गल्‍लिइ वनाः थथे धाधां थ्‍व फुक्‍क वचन न्‍यंकि– छिमिसं थ्‍व बाचाया शर्त ध्‍यान बियाः न्‍यँ, अले उकियात पालन या!

यर्मिया 11:6 Referans Kwoze

याकूब 1:22

वचनयात न्‍यनेगु जक मखु, मानय् नं यायेगु या। थःम्‍हं थःत धोखा बी मते।

रोमी 2:13

परमेश्‍वरया न्‍ह्यःने व्‍यवस्‍था न्‍यँ जक न्‍यनीपिं मनूत धर्मी जुइ मखु, व्‍यवस्‍थाय् च्‍वया तः थें याइपिं हे जक धर्मी जुइ।

यूहन्‍ना 13:17

थ्‍व खँ छिमिसं सीकाः यात धाःसा छिपिं धन्‍यपिं जुइ।

यर्मिया 19:2

तज्‍याःगु थलया ध्‍वाखां बेन-हिन्‍नोमया ब्‍यासिइ हुँ अले अन जिं छन्‍त धयागु खँ कँ।

यर्मिया 7:2

“परमप्रभुया देगःया मू लुखाय् दनाः थ्‍व खँ न्‍यंकि, “‘परमप्रभुया आराधना यायेत थ्‍व मू लुखां दुहां वःपिं छिपिं यहूदायापिं सकलें मनूत, परमप्रभुया वचन न्‍यँ।

यर्मिया 3:12

उकिं छ वनाः उत्तर पाखे थ्‍व खँ धा, “हे विश्‍वास यायेबहः मजूम्‍ह इस्राएल, छ लिहां वा, जि छ खनाः तम्‍वये मखु, छाय्‌धाःसा जि दयामाया दुम्‍ह खः, जि न्‍ह्याबलें तंचायाच्‍वने मखु,” परमप्रभुं धयादी।

जकरिया 7:7

परमप्रभुं न्‍हापा थ्‍व हे खँ न्‍हापायापिं अगमवक्तातपाखें धयादीगु खः? उबलय् यरूशलेम च्‍वन्‍ह्यानाः उकी ग्‍वाः ग्‍वाः मनूत दुगु जुल। यक्‍व मनूत उकिया जःखः च्‍वंगु चिचीधंगु शहरय् जक मखु अय्‌नं दच्‍छिन लाःगु नेगेव व पच्‍छिमय् क्‍वय् लाःगु इलाकाय् नं च्‍वंगु जुल।’”

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

भजनसंग्रहया सफू 15:5

गुम्‍हय्‌सिनं ब्‍याज मकासे त्‍यासाबी। अले सुनां घुस कयाः दोष मदुपिं मनूतय्‌गु विरोधय् बयान बी मखु। थज्‍याःपिं मनूत गुबलें नं लिचिले माली मखु।

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

व्‍यवस्‍था 4:1

हे इस्राएल, आः जिं छिमित स्‍यनेत्‍यनागु विधि व नियमय् बांलाक ध्‍यान ब्‍यु! थुपिं पालन या गुकिं यानाः छिपिं म्‍वाइ अले छिमिसं छिमि पुर्खाया परमप्रभु परमेश्‍वरं छिमित बियादीत्‍यंगु देशय् दुहां वनाः अधिकार याइ।

व्‍यवस्‍था 4:5

स्‍व! परमप्रभु जिमि परमेश्‍वरं जितः आज्ञा बियादीगु थें, छिमिसं अधिकार याइगु देशय् थुपिं फुक्‍क मानय् यायेत जिं छिमित थुपिं विधि व नियम स्‍यनागु दु।