यर्मिया 10:22 - नेवाः बाइबल

²² न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

यर्मिया 10:22 Referans Kwoze

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

मलाकी 1:3

एसावयात धाःसा मयय्‌का। जिं वयागु पहाडी देशयात खालिगु ज्‍याख्‍यलय् मदुगु थाय् यानाबिया, अले वयागु सर्बय मरुभूमिया ध्‍वँचातय्‌त त्‍वःताबिया।”

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

यर्मिया 5:15

परमप्रभुं धयादी, “हे इस्राएल घराना, स्‍व, जिं थःम्‍हं हे यक्‍व तापाकं छिमित हमला यायेत छगू जातियात हयाच्‍वनागु दु। थ्‍व जाति बल्‍लाःगु व पुलांगु जाति खः। इमिगु भाय् छिमिसं सी मखु, इमिसं धाःगु खँ छिमिसं थुइ मखु।

यर्मिया 4:6

सियोन वनेगु लँय् झण्‍डा धस्‍वाकि। लिमबाकुसे शरण कायेत बिस्‍युं हुँ। छाय्‌धाःसा जिं उत्तरपाखें विपत्ति व तःधंगु नाश हयेत्‍यनागु दु।”

यर्मिया 1:15

छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यशैया 34:13

उकिया किल्‍लाया च्‍वय् कंमा अले किल्‍लाय् न्‍हाय्‌कंमा व झाःत बुया वइ। व ध्‍वंचात च्‍वनेगु थाय् व न्‍हिकांझंगःत च्‍वनेगु छेँ जुइ।

यर्मिया 1:14

वय्‌कलं जितः धयादिल, “थ्‍व देशय् च्‍वंपिं सकसिथाय् उत्तरपाखें विपत्ति वइ।

यर्मिया 4:15

दान शहर व एफ्राइमया डाँडा डाँडां खबर हइपिं मनूतय्‌सं छगू विपत्तिया खबर कनाच्‍वंगु दु।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 49:33

“हासोर सदांया निंतिं सुनसान जुइ, अन ध्‍वंचात जक च्‍वनी। सुं मनू अन च्‍वनी मखु, सुं मनू अन च्‍वनाच्‍वने फइ मखु,”

विलाप 1:4

सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

इजकिएल 12:19

देशयापिं मनूतय्‌त धा, ‘यरूशलेमय् व इस्राएल देशय् च्‍वंपिनिगु बारे परमप्रभु परमेश्‍वरं थथे धयादी, इमिसं ग्‍याग्‍यां थःगु नसा नइ, अले निराश जुजुं थःगु लः त्‍वनी। छाय्‌धाःसा अन च्‍वंपिनिगु ल्‍वापुख्‍यापुया कारणं अन दुगु फुक्‍क चिजनापं इमिगु देशयात उजाड याइ।

यर्मिया 2:15

सिंहत थ्‍वयेक हाःगु दु, उपिं व पाखे स्‍वयाः थ्‍वयेक हालाच्‍वंगु दु। इमिसं वयागु देशयात भज्‍यंक नाश याःगु दु। वयागु शहरत नाश याःगु दु, अले उपिं शहरय् मनूत मदु।