यर्मिया 1:15 - नेवाः बाइबल

¹⁵ छाय्‌धाःसा जिं थःम्‍हं हे उत्तर पाखेया देश देशयापिं फुक्‍क मनूतय्‌त सःतेत्‍यनागु दु।” “इमि जुजुपिन्‍सं थथःगु सिंहासन यरूशलेमया ध्‍वाखा ध्‍वाखाय्, पःखाःया छचाःखेरं व यहूदाया फुक्‍क शहरया छचाःखेरं तइ। इमिसं थुकिया पःखाःत व यहूदाया मेमेगु शहरय् हमला याइ। परमप्रभुं धयादी।

यर्मिया 1:15 Referans Kwoze

यर्मिया 43:10

अले इमित धा, ‘दक्‍व शक्ति दुम्‍ह परमप्रभु, इस्राएलया परमेश्‍वरं थथे धयादी – जिं थःम्‍हं हे थः दास बेबिलोनया जुजु नबूकदनेसरयात सःते, अले जिं सुचुका तयागु थुपिं ल्‍वहंतय्‌गु च्‍वय् वयागु सिंहासन थापं याये। वं उकिया च्‍वय् थःगु पाल ग्‍वइ।

यर्मिया 25:9

स्‍व, जिं थःम्‍हं हे उत्तरयापिं फुक्‍क मनूतय्‌त व जिम्‍ह दास बेबिलोनयाम्‍ह जुजु नबूकदनेसरयात सःताहये,” परमप्रभुं धयादी। “जिं इमित थ्‍व देश व थनच्‍वंपिं मनूतय्‌गु विरोधय् व जःखः च्‍वंगु जातिया विरोधय् हये। जिं इमित भज्‍यंक नाश यानाबी। मनूत इमित खनाः वातां जुइ, अले इमित हेस्‍याइ। उलि जक मखु, थ्‍व फुक्‍क देश सदां झिजांमिजां जुयाच्‍वनी।

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

यर्मिया 4:16

“ताताःपाःगु देशं शत्रुत वयाच्‍वंगु दु धकाः यरूशलेमयापिं मनूतय्‌त ‘व जाति जातितय्‌त ख्‍याच्‍वः बीत इपिं वःगु दु। थुपिं शत्रुत यहूदाया शहरया विरोधय् हाली।

यर्मिया 39:3

अले बेबिलोनयाम्‍ह जुजुया सकलें हाकिमत वयाः दथुइच्‍वंगु ध्‍वाखाय् च्‍वन। इपिं हाकिमत थुपिं खः - सम्‍गरयाम्‍ह नेर्गल-सरेसर, मू हाकिम नेबो-सर्सेकिम, छम्‍ह तःधंम्‍ह हाकिम नेर्गल-सरेसर व बेबिलोनयाम्‍ह जुजुया मेपिं सकलें हाकिमत।

यर्मिया 10:25

छितः स्‍वीकार मयाःपिं जाति जातितय्‌के व छिगु नां मकाइपिं मनूतय्‌के थःगु तं प्‍वंकादिसँ! छाय्‌धाःसा इमिसं याकूबयात क्‍वाप्‍प नःगु दु। इमिसं वयात क्‍वाप्‍प नःगु दु अले वयागु देशयात नाश यानाब्‍यूगु दु।

यशैया 22:7

छंगु भिंगु भिंगु ब्‍यासि रथतय्‌सं जाइ, अले सलगइपिं धाःसा शहरया मू ध्‍वाखाय् पिवाः च्‍वनेत छ्वइ।

विलाप 5:11

सियोनय् मिसातय्‌त व यहूदाया शहरय् ब्‍याहा मजूपिं ल्‍यासेतय्‌त स्‍यंकाब्‍यूगु दु।

यर्मिया 44:6

उकिं जिं थःगु तं यहूदाया शहर शहर व यरूशलेमया गल्‍लि गल्‍लिइ प्‍वंका। उपिं थौं तक नं झिजांमिजां दंगु व सुनसान थाय् जुयाच्‍वंगु दु।

यर्मिया 34:22

परमप्रभुं धयादी, ‘जिं थःम्‍हं हे आज्ञा बी, अले इमित थ्‍व शहरय् लित हये। इमिसं लडाइँ यानाः थ्‍व शहरयात त्‍याकाकाइ, अले थुकियात मिं नकाबी। अले जिं यहूदाया शहरयात मनू मदुगु सुनसान थाय् यानाबी।’”

यर्मिया 33:10

“परमप्रभुं थथे धयादी, ‘थ्‍व थाय्‌या बारे छिमिसं थथे धयाच्‍वंगु, “मनूत वा पशुत मदुगु थ्‍व ज्‍यालगय् मजूगु सुनसान थाय् खः।” अय्‌नं थ्‍व हे त्‍वःतातःगु मनूत व पशुत मदुगु यहूदा देशया शहर व यरूशलेमया लँय् हाकनं छकः

यर्मिया 25:28

इमिसं छंगु ल्‍हातं ख्‍वला कयाः त्‍वने मखु धाल धाःसा इमित थथे धा, ‘दक्‍व शक्ति दुम्‍ह परमप्रभुं थथे धयादी – छिमिसं व त्‍वने हे माः।

यर्मिया 10:22

न्‍यँ! छगू खबर वयाच्‍वंगु दु – उत्तरया देशं छगू तःधंगु हलचल! उकिं यहूदाया शहर शहरयात झिजांमिजां यानाः ध्‍वंचात च्‍वनीगु थाय् यानाबी।

यर्मिया 6:22

परमप्रभुं थथे धयादी, “स्‍व, उत्तरय् लाःगु देशं छगू सेना वयाच्‍वंगु दु, पृथ्‍वीया तापाःगु थासं छगू बल्‍लाःगु जाति लडाइँया लागिं तयार जुयाच्‍वंगु दु।

यर्मिया 5:15

परमप्रभुं धयादी, “हे इस्राएल घराना, स्‍व, जिं थःम्‍हं हे यक्‍व तापाकं छिमित हमला यायेत छगू जातियात हयाच्‍वनागु दु। थ्‍व जाति बल्‍लाःगु व पुलांगु जाति खः। इमिगु भाय् छिमिसं सी मखु, इमिसं धाःगु खँ छिमिसं थुइ मखु।

यर्मिया 4:6

सियोन वनेगु लँय् झण्‍डा धस्‍वाकि। लिमबाकुसे शरण कायेत बिस्‍युं हुँ। छाय्‌धाःसा जिं उत्तरपाखें विपत्ति व तःधंगु नाश हयेत्‍यनागु दु।”

यर्मिया 13:20

थःगु मिखा चाय्‌काः उत्तरपाखें वयाच्‍वंपिन्‍त स्‍व! छन्‍त लःल्‍हाःगु बथां, बांलाःपिं फैत गन दु?

यर्मिया 34:1

बेबिलोनयाम्‍ह जुजु नबूकदनेसर व वया फुक्‍क सेना, वयागु अधीनय् दुपिं पृथ्‍वीया फुक्‍क राज्‍य व मनूतय्‌सं यरूशलेम व उकिया जःखः च्‍वंगु शहरतलिसें लडाइँ यानाच्‍वंबलय् परमप्रभुपाखें यर्मियायाथाय् वःगु वचन थ्‍व हे खः,

यर्मिया 46:24

मिश्र देशया म्‍ह्याय्‌यात मछाले माय्‌काबी। वयात उत्तरयापिं मनूतय्‌गु ल्‍हातय् लःल्‍हानाबी।”

इजकिएल 32:30

“उत्तरयापिं फुक्‍क शासकत व फुक्‍कं सीदोनीत अन दु। इमिगु शक्तिं ग्‍यासु थंगु जूसां इपिं स्‍याःपिंनापं हे बेइज्‍जत जुयाः चिहानय् वंगु दु। इपिं म्‍हय् चिं मतय्‌कं तरवारं स्‍याःपिंनापं लानाच्‍वंगु दु। पातालय् वनीपिंलिसें इमिगु नं बेइज्‍जत जूगु दु।

योएल 2:20

“जिं उत्तरपाखें वःपिं सेनायात छिमिगु न्‍ह्यःनें तापाक लिनाछ्वये, अले वयात जिं मरुभूमिइ लिनाछ्वये। न्‍ह्यःनेयापिं झ्‍वःयात पुर्बय् च्‍वंगु मृत सागरय् अले ल्‍यूनेयापिं झ्‍वःयात पच्‍छिमपाखे च्‍वंगु भूमध्‍यसागरय् लिनाछ्वये। अले इपिं अन सिनाः तसकं ध्‍वग्‍गिक नवइ।” धात्‍थें हे परमप्रभुं तःतधंगु ज्‍या यानादिल।

जकरिया 6:6

हाकुपिं सलत दुगु रथ उत्तरयागु देशपाखे वनाच्‍वंगु दु, तुयुपिं सलत दुगु रथ पच्‍छिमपाखे, अले तातेपाते जूपिं सलत दुगु रथ दच्‍छिनपाखे वनाच्‍वंगु दु।”