यशैया 9:3 - नेवाः बाइबल

³ छिं उपिं जातितय्‌त अप्‍वय्‌कादीगु दु, अले छिं इमिगु आनन्‍दयात नं अप्‍वय्‌कादीगु दु, अन्‍न मुंकीबलय् मनूत लय्‌ता थें व लुतय् यानाहःगु माल इनाकाइबलय् लय्‌ता थें इपिं लय्‌ताःगु दु।

यशैया 9:3 Referans Kwoze

भजनसंग्रहया सफू 119:162

गथे यक्‍व धन दयाः मनू लय्‌ताइ अथे हे जि छिगु बचंया कारणं लय्‌ताये।

१ पत्रुस 1:8

वय्‌कःयात छिमिसं मखंनिसां माया यानाच्‍वंगु दु। आः नं वय्‌कःयात छिमिसं मखंनि, अय्‌नं छिमिसं विश्‍वास यानाच्‍वंगु दु। अले धयां मब्‍याक छिपिं लय्‌तायाच्‍वंगु दु।

यशैया 26:15

परमप्रभु, छिं जिमि जातियात ब्‍वलने बियादीगु दु। उकिया सिमाना चाकःछिं न्‍यनावने बियादीगु दु। थुकिं यानाः छिगु हनाबना जूगु दु।

यशैया 66:10

“हे यरूशलेमयात माया याइपिं, छिपिं सकलें वनापं लय्‌ता, अले वयागु निंतिं लय्‌ता। हे वयागु निंतिं दुखं च्‍वनीपिं, आः लय्‌तायाः खुसि जु!

यशैया 65:18

तर जिं सृष्‍टि यानागु खँय् न्‍ह्याबलें लसता व खुशी हँ। छाय्‌धाःसा जिं यरूशलेमयात खुसिं जाःगु व अनयापिं मनूतय्‌त लसतां जाःपिं यानाबी।

यशैया 35:10

अले परमप्रभुं मू पुलाः छुत्‍कारा यानादीपिं लिहां वइ। इपिं सियोनय् म्‍ये हा हां दुहां वनी। न्‍ह्याबलेंया लसता इमिगु छ्यंया श्रीपेच जुइ। इमिसं लसता व खुशी लुइकी, अले दुःखकष्‍ट व झसुका इपिंपाखें तापाक्‍क हे जुइ।

१ शमूएल 30:16

अले वं लँ क्‍यँक्‍यं दाऊदयात इमिथाय् ब्‍वना यंकल। अन अमालेकीत प्‍यखेरं छ्यालब्‍याल जुयाः नयेत्‍वने यानाच्‍वन। अले पलिश्‍तीतय्‌गु व यहूदातय्‌गु लागां लुतय् यानाहःगु मालताल द्वंचिंकाः लय्‌तायाच्‍वन।

लूका 11:22

तर व स्‍वयाः बल्‍लाःम्‍ह मनू वल धाःसा वयात बुकी। अले वं भरोसा कयाच्‍वंगु हतियार नं लाका काइ, नापं अन च्‍वंगु मालताल नं खुयायंकी।

भजनसंग्रहया सफू 4:7

इमिगु अन्‍न व दाखमद्य यक्‍व दइबलय्‌या लसता स्‍वयाः छिं जिगु नुगलय् अज्‍ज यक्‍व लसता तयादीगु दु।

फिलिप्‍पी 4:4

प्रभुयाके न्‍ह्याबलें लय्‌ताया च्‍वँ। जिं हानं धाये – “लय्‌ताया च्‍वँ।”

जकरिया 10:8

जिं इमित सुलि पुयाः सःते, अले इमित छथाय् मुंके। जिं इमित लिफ्‍यानाः न्‍हापा गुलि दुगु खः उलि हे दय्‌काबी।

जकरिया 8:23

दक्‍व शक्ति दुम्‍ह परमप्रभुं थथे धयादी, “उबलय् मेमेगु जातियापिं व मेमेगु भाय् ल्‍हाइपिं झिम्‍ह मनू छम्‍ह यहूदी मिजंयाथाय् वयाः लंकू ज्‍वनाः थथे धाइ, ‘जिपिं नं छिलिसे वने, छाय्‌धाःसा छिलिसे परमेश्‍वर दु धकाः जिमिसं न्‍यनागु दु।’”

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

होशे 4:7

गुलि गुलि पुजाहारीया ल्‍याः अप्‍वयावल, उलि हे अप्‍वः इमिसं जिगु विरोधय् पाप याना हल। अथे जुयाः जिं छिमिगु मान इज्‍जतयात लज्‍याय् हिलाबी।

यर्मिया 31:7

परमप्रभुं थथे धयादी, “लय्‌तातां याकूबया मनूतय्‌गु निंतिं म्‍ये हा! ततःधंगु जातिया निंतिं तःसलं हा! तःसलं प्रशंसा यानाः धा, ‘हे परमप्रभु, थः प्रजा, इस्राएलया ल्‍यनाच्‍वंपिन्‍त उद्धार यानादिसँ।’

यशैया 61:10

जि परमप्रभुया कारणं तसकं लय्‌ताये। जिगु प्राणं जिमि परमेश्‍वरयाके लय्‌ताइ। छाय्‌धाःसा वय्‌कलं जितः उद्धारया वसः पुंकादीगु दु, अले वय्‌कलं जितः धार्मिकताया वसतं त्‍वपुयादीगु दु। गथे ब्‍याहा याइम्‍ह मिजंनं थःगु छेनय् पुजाहारीं थें समाः याइ अले भम्‍चां थःत तसकं मू मू वंगु तिसां समाः याइ।

यशैया 61:7

छिमिगु लज्‍याया पलेसा छिमित निदुगं सुवाः दइ, अले हेलाया पलेसा छिपिं थःगु अधिकारय् लय्‌तायाच्‍वनी। अथे जुयाः छिमित थःगु हे देशय् निदुगं हक दइ, अले छिमिगु निंतिं सदां सदांया लसता दइ।

यशैया 55:12

छिपिं आनन्‍द व शान्‍तिं च्‍वने खनी। पर्वत व डाँडातय्‌सं नं छिमिगु निंतिं म्‍ये हाला हइ, अले माथंवंगु थासय् च्‍वंगु सिमातय्‌सं ल्‍हाःपा दायाहइ।

यशैया 54:1

“हे यरूशलेम, थारिम्‍ह मिसा, म्‍ये हा गुबलें मचा बुइके मनंम्‍ह मिसा, मचाबू ब्‍यथाय् गुबलें मलाःम्‍ह, लय्‌लय्‌तातां हाला जु। छाय्‌धाःसा भाःतनाप च्‍वनाच्‍वंम्‍ह मिसाया स्‍वयाः भाःतं त्‍वःतूम्‍ह मिसायागु हे मस्‍त यक्‍व दु,” परमप्रभुं धयादी।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 12:1

व दिंखुन्‍हु छिमिसं थथे धाइ, “हे परमप्रभु, जिं छिगु प्रशंसा याये! छि जिनापं तंचायादीगु दु, अय्‌नं आः छिगु तं क्‍वलाय् धुंकूगु दु अले छिं जितः सान्‍त्‍वना बियादीगु दु।

भजनसंग्रहया सफू 107:38

वय्‌कलं इमित सुवाः बियादिल, अले इमिगु ल्‍याः अप्‍वय्‌कादिल, वय्‌कलं इमि पशुत नं कम यानामदी।

नहेम्‍याह 9:23

छिं इमित आकाशया नगु थें अप्‍वः सन्‍तान बियादिल, छिं इमि पुर्खातय्‌त बी धकाः बचं बियादीगु देश इमिसं त्‍याकल अले अन च्‍वन।

न्‍यायकर्ता 5:3

“हे जुजुपिं न्‍यँ, हे सेनापतित न्‍हाय्‌पं ब्‍यु, जिं परमप्रभुया लागि म्‍ये हाले, खः, जिं इस्राएलयाम्‍ह परमप्रभु परमेश्‍वरयागु भजन हाले।”

प्रेरित 8:8

अय्‌जूगुलिं शहरय् च्‍वंपिं मनूत लय्‌तायाच्‍वन।

अय्‍यूब 12:23

वय्‌कलं जाति जातितय्‌त तःधंकादी, अले इमित नाश यानादी। वय्‌कलं जातितय्‌त तःधं यानादी, अले इमित छ्यालब्‍याल यानादी।

यशैया 65:14

जिमि दासतय्‌सं नुगलंनिसें लय्‌लय्‌तायाः म्‍ये हाली, छिपिं धाःसा मनय् पीर दुगुलिं ख्‍वइ, छिमिगु नुगः ख्‍वःगुलिं ततःसलं हालाः ख्‍वइ।

लेवी 26:13

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

न्‍यायकर्ता 7:22

स्‍वसःम्‍ह मनूतय्‌सं तुरही पूबलय् परमप्रभुं शत्रुतय्‌त थथःगु तरवार ज्‍वंकाः छम्‍हय्‌सिनं मेम्‍हय्‌सित हमला याकादिल। अले मिद्यानी सेना सरेराया बेथ-शित्ता व तब्‍बात लिक्‍कया हाबिल महोला शहरया सिमाना थ्‍यंक बिस्‍युं वन।

न्‍यायकर्ता 8:12

निम्‍ह मिद्यानी जुजुपिं जेबह व सल्‍मुन्‍ना बिस्‍युं वन। तर गिदोनं लिनाः इमित ज्‍वन। अले इमि फुक्‍क सिपाइँत ग्‍यानाः उखेलाः थुखेलाः मदय्‌क बिस्‍युं वन।

यशैया 10:26

दक्‍व शक्ति दुम्‍ह परमप्रभुं ओरेबया तग्‍वःगु ल्‍वहं लिक्‍क मिद्यानीतय्‌त कय्‌काः क्‍वदय्‌कू थें वय्‌कलं इमित कोर्रां दाइतिनि। अले वय्‌कलं मिश्र देशय् थें थःगु कथि समुद्र च्‍वय् ल्‍ह्वनादी।

यशैया 14:5

परमप्रभुं दुष्‍टतय्‌गु तुतां व मभिंकथं शासन याइपिनिगु राजदण्‍ड नं त्‍वथुलादीगु दु।