यशैया 9:1 - नेवाः बाइबल

¹ अथेसां संकटय् लाःपिनिगु निंतिं थ्‍व खिउँगु दयाच्‍वनी मखु, न्‍हापा ला वय्‌कलं जबूलून व नप्‍ताली कुलतय् देशयात क्‍वह्यंकादिल, तर लिपा वय्‌कलं यर्दन खुसि व समुद्र दथुइ लाःगु यहूदीमखुपिं च्‍वनाच्‍वंगु गालीलयात हनाबना याइ।

यशैया 9:1 Referans Kwoze

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

यशैया 8:22

अनंलि इमिसं पृथ्‍वीपाखे स्‍वइबलय् अन दुःख, खिउँगु व ग्‍यानपुसे च्‍वंगु सिबय् मेगु छुं खनी मखु। अले इमित खिउँगुलिइ वांछ्वइगु जुइ।

२ इतिहास 16:4

बेन-हददं आसा जुजुया खँ स्‍वीकार यात। वं थः सेनानापं थः सेनापतितय्‌त इस्राएलया शहरय् हमला यायेत छ्वल। इमिसं इयोन, दान, हाबिल-मैस व नप्‍तालीया कुल फुक्‍क धुकू शहरत त्‍याका काल।

१ इतिहास 5:26

उकिं परमेश्‍वरं अश्‍शूरयाम्‍ह जुजु पूलयात (थ्‍वयात तिग्‍लत-पिलेसेर धकाः नं धाः) ग्‍वाकादिल। वं रूबेन, गाद व मनश्‍शेया बच्‍छि कुलयापिं मनूतय्‌त ज्‍वना यंकल। वं इमित हलह, हाबोर, हारा व गोजान खुसिया सिथय् यंकल, अन इपिं थौं तक नं च्‍वनाच्‍वंगु दनि।

लेवी 26:28

जि तंचायाः छिमिगु विरोधय् वने, अले छिमिगु पापया लागिं जिं छिमित हानं न्‍हय्‌दुगं अप्‍वः सजाँय बी।

लेवी 26:24

जि नं छिमिगु विरोधय् वने, अले छिमिगु पापया लागिं जिं न्‍हय्‌दुगं अप्‍वः सजाँय बी।

लूका 24:27

अले वय्‌कलं मोशांनिसें कयाः फुक्‍क अगमवक्तातय्‌सं धर्मशास्‍त्रय् च्‍वया थकूगु वय्‌कःयागु हे खँ ध्‍वाथुइकादिल।